Agam Sutra Satik 09 Anuttaropapatikdasha AngSutra 09

Author(s): Dipratnasagar, Deepratnasagar
Publisher: Agam Shrut Prakashan

Page 11

३५४
अनुत्तरोपपातिकदशाङ्गसूत्रम् ३/१/१०
जमाली तहा आपुच्छइ मुछिया वृत्तपडिवृत्तया जहा महब्बले जाव जाहे नो संचाएति जहा थावच्चापुतो जियसत्तुं आपुच्छति छत्तचामरातो० सयमेव जियसत्तू निक्खमणं करेति जहा थावच्चापुत्तस्स कण्हो जाव पव्वतिते० अनगारे जाते इरियासमिते जाव बंभयारी,
तते णं से धन्ने अनगारे जं चेव दिवस मुंडे भवित्ता जाव पव्वतिते तं चैव दिवसं समणं भगवं महावीरं वंदति नम॑सति २ एवं व०- इच्छामि णं भंते! तुब्भेणं अब्भणुण्णाते समाणे जावजीवाए छट्टछट्टेणं अनिक्खित्तेणं आयंबिलपरिग्गहिएणं तवोकम्पेणं अप्पाणं भावेमाणे विहरेत्तते छट्ठस्सविय णं पारणयंसि कप्पति आयंबिलं पडिग्गाहित्तते नो चेव णं अणायंबिलं तंपि य संस नो चेवणं असंस तंपिय णं उज्झियधम्मियं नो चेव णं अणुज्झियधम्मियं तंपि य् जं अने बहवे समणमाहणअतिहिकिवणवणीमगा नावकखंति,
अहासुहं देवाणुप्पिया ! मा पडिबंधं०, तते णं से धन्ने अनगारे समणेणं भगवता महा० अब्भणुनाते समाणे हड्ड० जावज्जीवाए छट्टछट्टेणं अनिक्खित्तेणं तवोकम्मेणं अप्पाणं भावेमाणे विहरति,
तते णं से धन्ने अनगारे पढमछट्टक्खमणपारणगंसि पढमाए पोरसीए सज्झायं करेति जहा गोतमसामी तहेव आपुच्छति जाव जेणेव कायंदी नगरी तेणेव उवा० २ कायंदीनगरीए उच्च० जाव अडमाणे आयंबिलं जाव नावकखंति,
तते णं से धन्ने अनगारे ताए अब्भुञ्जत्ताए पयययाए पयत्ताए पग्गहियाए एसणाए जति भत्तं लभति तो पाणं न लभति अह पाणं तो भत्तं न लभति,
तते णं से धत्रे अनगारे अदीणे अविमणे अकलुसे अविसादी अपरितंतजोगी जयणघडजोगचरिते अहापज्जतं समुदाणं पडिगाहेति २ काकंदीओ णगरीतो पडिणिक्खमति जहा गोतमे जाय पडिदंसेति, तते गं से धन्ने अनगारे समणेणं भग० अब्भणुनाते समाणे अमुच्छिते जाव अणज्झोबवन्ने बिलमिव पन्नगभूतेणं अप्पाणेणं आहारं आहारेति २ संजमेणं तवसा० विहरति,
समणे भगवं महावीरे अन्नया कयाइ ककंदीए नगरीतो सहसंबवणाती उज्जाणातो पडिनिक्खमति २ बहिया जणवयविहारं विहरति, तते णं से धन्ने अनगारे समणस्स भ० महावीरस्स तहारुवाणं थेराणं अंतिते सामाइयमाइयाई एक्कारस अंगाई अहिज्जति संजमेणं तवसा अप्पाणं भादेमाणे विहरति,
तते णं से धन्ने अनगारे तेणं ओरालेणं जहा खंदतो जाव सुहुय० चिट्ठति, धन्नस्स णं अणगारस्स पादाणं अयमेयारूवे तवरूवलावन्ने होत्था, से जहाणनमते सुकछलीति वा कट्टपाउयाति वा जरग्गओवाहणाति वा, एवामेव धन्नस्स अनगारस्स पाया सुक्का निम्मंसा अट्ठिचम्मछिरत्ताए पन्नायंति णो चेव णं मंससोणियत्ताए, धन्नस्स णं अणगारस्स पायंगुलियाणं अथमेयारूवे०
से जहानामते कलसंगलियाति वा मुग्गसं० माससंगलियाति वा तरुणिया छिन्ना उण्हे दिना सुक्का समाणी मिलायमाणी २ चिट्ठति, एवामेव धन्नस्स पायंगुलियातो सुक्कातो जाव सोणियत्ताते, धन्नस्स जंघाणं अयमेयारूवे० से जहा- काकजंघाति वा कंकजंघाति वा देणियालियाजंघाति वा जाव नो सोणियत्ताए, धन्नस्स जाणूर्ण अयमेरूवे० से जहा० कालिपोरेति वा मयूरपोरेति वा ढेणियालियापोरेति वा एवं जाव सोणियत्ताए, धन्नस्स उरुस्स० जहा नामते