Agam Sudha Sindhu Part 03

Author(s): Jinendravijay Gani
Publisher: Harshpushpamrut Jain Granthmala

Page 415

{ श्रीमदागमसुधासिन्धुः / तृतीयो विभागः कुम्मसु(कुसुम)संठिय-चलणा, यमलिय-कोरंट-बेंट-संकासा। सुयदेवया भगवई मम मतितिमिरं पणासेउ // 1 // फ्नत्तीए श्राइमाणं अट्टाहं सयाणं दो दो उद्देसगा उदिसिज्जंति णवरं चउत्थे सए पढमदिवसे अट्ठ बितियदिवसे दो उद्द सगा उद्दिसिज्जति 1 / नवरं नवमायो सतायो पारद्धं जावइयं जावइयं एति तावतियं 2 एगदिवसेणं उदिसिन्जति 2 / उक्कोसेणं सतंपि एगदिवसेणं मज्झिमेणं दोहि दिवसेहिं सतं जहन्नेणं तिहिं दिवसेहिं सतं एवं जाव वीसतीमं सतं 3 / गवरं गोसालो एगदिवसेणं उदिसिजति जदि ठियो एगेण चेव आयंबिलेणं अणुनन्जिहीति (अणुराणवति, अणुणजति, अणुणञ्चति) ग्रह ण ठितो आयंबिलेणं छट्टेणं अणुराणवति 4 / एकवीस-बावीस-तेवीसतिमाई सताई एक्केकदिवसेणं उद्दिसिज्जति 5 / चउवीसतिमं सयं दोहिं दिवसेहिं छ छ उद्दसगा 6 / पंचवीसतिमं दोहिं दिवसेहिं छ छ उसगा 7 / बंधिसयाइ अट्ठसयाई एगेणं दिवसेणं सेढिसयाई बारस एगेणं एगिदिय-महाजुम्मसयाई बारस एगेणं एवं बेदियाणं बारस तेइंदियाणं बारस चउरिदियाणं वारस एगेण असन्निपंचिंदियाणं बारस सन्नि-पंचिंदिय-महाजुम्मसयाई एकवीस एगदिवसेणं उदिसिज्जंति 8 / रासीजुम्मसतं एगदिवसेणं उद्दिसिजति 1 / वियसिय-अरविंदकरा नासियतिमिरा सुयाहिया देवी। मज्झपि देउ मेहं बुहविबुहणमंसिया णिच्चं // 1 // सुयदेवयाए पणमिमो जीए पसाएण सिक्खियं नाणं / अगणं पवयणदेवी संतिकरी तं नमसामि // 1 // सुयदेवया य जक्खो कुभधरो बंभसंति वेरोट्टा। विजा य अंतहुंडी देउ अविग्धं लिहंतस्स // 1 // सू० 861 // इति श्रीविवाहपन्नत्ती पंचमं अंगं समत्तं // श्रेयोऽस्तु लेखकपाठकयोः॥ ग्रं० 15751 // श्रीरस्तु //