Agam 43 Mool 04 Uttaradhyayan Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 25

(४२) दसवेयालियं (तइयं मूलसुतं) अ. ९ / उ. १,२,३
प्र
रमेज्जा ||१०|| ४६२. जहाऽऽ हियग्गी जलणं नम॑से नाणाहुईमंतपयाभिसित्तं । एवाऽऽयरियं उवचिट्ठएज्जा अणतंणाणोवगओ वि संतो ॥११॥ ४६३. जस्संतिए धम्मपयाई सिक्खे तस्संतिए वेणइयं पउंजे । सक्कारए सिरसा पंजलीओ कायग्गिरा भो ! मणसा य निच्वं ॥ १२ ॥ ४६४. लज्जा दया संजमबंभचेरं कल्लाणभागिस्स विसोहिठाणं । जे मे गुरु सययमणुसासयति ते हं गुरू सययं पूययामि ॥ १३ ॥ ४६५. जहा निसंते तवणऽच्चिमाली पभासइ केवल भारहं तु । एवाऽऽयरिओ सुयसील - बुद्धि विरायई सुरमज्झे व इंदो || १४ || ४६६. जहा ससी कोमुइजोगजुत्ते नक्खत्त-तारागणपरिवुडप्पा | खे सोहई विमले अब्भमुक्के एवं गणी सोहइ भिक्खुमज्झे ॥ १५ ॥ ४६७. महागरा आयरिया महेसी समाहिजोगे सुय-सील-बुद्धिए । संपाविउकामे अणुत्तराई आराहए तोसए धम्मकामी ।।१६।। ४६८. सोच्चाण महावि सुभासियाई सुस्सए आयरिएऽप्पमत्तो । आराहइत्ताण गुणो अणेगे से पावई सिद्धिमणुत्तरं ति बेमि ||१७|| ★★★ ॥ विणयसमाहीए पढमो उद्देस समत्तो॥९.१॥ विणयसमाहीए बीओ उद्देसो ★★★ ४६९. मूलाओ खंधप्पभवो दुमस्स खंधाओ पच्छा समुवेति साला । साहप्पसाहा विरुहंति पत्ता तओ से पुप्फं च फलं रसो य || १ || ४७०. एवं धम्मस्स विणओ मूलं, परमो से मोक्खो । जेण कित्तिं सुयं सग्धं निस्सेसं चाभिगच्छई ||२|| ४७१. जे य चंडे मिए थद्धे दुव्वाई नियडीसढे । वुब्भई से अविणीयप्पा कट्टं सोयगयं जहा ॥३॥ ४७२. विणयं पि जो उवाएण चोइओ कुप्पई नरो । दिव्वं सो सिरिमेज्जंति दंडेण पडिसेहए ॥४॥ ४७३. तहेव अविणीयप्पा उववज्झा हया गया। दीसंति दुहमेहंता आभिओगमुवट्टिया ॥ ५॥ ४७४. तहेव सुविणीयप्पा उववज्झा हया गया। दीसंति सुहमेहंता इङ्किं पत्ता महायसा ||६|| ४७५. तहेव अविणीयप्पा लोगंसि नर-नारिओ । दीसंति दुहमेहंता छाया ते विगलिंदिया ||७|| ४७६. दंड-सत्थपरिजूण्णा असन्भवयणेहि य । कलुणा विवन्नछंदा खुप्पिवासाए परिगया ॥ ८॥ ४७७ तहेव सुविणीयप्पा लोगंसि नर-नारिओ । दीसंति सुहमेहंता इद्धिं पत्ता महायसा ||९|| ४७८. तहेव अविणीयप्पा देवा जक्खा य गुज्झगा। दीसंति दुहमेहंता आभिओगमुवट्ठिया ॥ १०॥। ४७९. तहेव सुविणीयप्पा देवा जक्खा य गुज्झगा। दीसंति सुहमेहंता इड्डि पत्ता महायसा ||११|| ४८०. जे आयरिय उवज्झायाणं सुस्सूसावयणंकरा । तेसिं सिक्खा पवडुंति जलसित्ता इव पायवा ||१२|| ४८१. अप्पणट्ठा परट्ठा वा सिप्पा उणियाणि य। गिहिणो उवभोगट्ठा इहलोगस्स कारणा ।।१३।। ४८२. जेण बंधं वहं घोरं परियावं च दारुणं । सिक्खमाणा नियच्छंति जुत्ता ते ललिइंदिया ॥ १४ ॥ ४८३. ते वि तं गुरुं पूयंति तस्स सिप्पस्स कारणा । सक्कारंति नमसंति तुट्ठा निद्देसवत्तिणो ॥ १५॥ ४८४. किं पुण जे सुयग्गाही अणंतहियकामए । आयरिया जं वए भिक्खू तम्हा तं नाइवत्तए । १६ ।। ४८५. नीयं सेज्जं गई ठाणं नीयं च आसणाणि य। नीयं च पाए वंदेज्जा, नीयं कुज्जा य अंजलि || १७|| ४८६. संघट्टइत्ता काएणं तहा वहिणामवि । 'खमेह अवराहं मे' वएज्जा 'न पुणो' त्तिय ॥ १८॥ ४८७. दुग्गओ वा पओएणं चोइओ वहई रहं । एवं दुब्बुद्धि किच्चाणं वुत्तो वृत्तो पकुव्वई ||१९|| ४८८. कालं छंदोवयारं च पडिलेहित्ताण हेउहिं । तेण तेण उवाएणं तं तं संपडिवायए ।। २० ।। ४८९. विवत्ती अविणीयस्स, संपत्ती विणियस्स य । जस्सेयं दुहओ नाय सिक्खं से अभिगच्छई ||२१|| ४९०. जे यावि चंडे मइइडिगारवे पिसुणे नरे साहस हीणपेसणे । अदिट्ठधम्मे विणए अकोविए असंविभागी न हु तस्स मोक्खो ॥२२॥ ४९१. निद्देसवत्ती पुण जे गुरूणं सुयत्थधम्मा विणयम्मि कोविया । तरित्तु ते ओहमिणं दुरुत्तरं खवित्तु कम्मं गइमुत्तमं गय ॥ २३ ॥ त्ति बेमि ॥ ॥ ★★★ विणयसमाहीए बीओ उद्देसो समत्तो ।।९.२॥ ★★★ विणयसमाहीए तइओ उद्देसो ★★★ ४९२. आयरियऽग्गिमिवाऽऽहियग्गी सुस्सूसमाणो पडिजागरेज्जा । आलोइयं इंगियमेव णच्चा जो छंदमाराहयई, स पुज्जो ॥१॥ ४९३. आयारमट्ठा विणयं पउंजे सुस्सूसमाणो परिगिज्झ वक्कं । जहोवइवं अभिकंखमाणो गुरुं तु नाssसाययई, स पुज्जो || २ || ४९४. राइणिएसु विणयं पउंजे डहरा वि य जे परियायजेट्ठा। नियत्तणे वट्टइ सच्चवाई ओवायवं वक्ककरे, स पुज्जो ॥ ३ ॥ ४९५. अन्नायउंछं चरई विसुद्धं जवणट्ठया समुयाणं च निच्चं । अलद्ध्यं नो परिदेवएज्जा लद्धुं न विकंथयई, स पुज्जो ॥४॥। ४९६. संथार - सेज्जाऽऽसण- भत्त-पाणे अप्पिच्छया अलाभे वि संते । जो एवमप्पाणऽभितोसज्जा संतोसपाहन्नरए, स पुज्जो ||६|| ४९७. सक्का सहेउं आसाए कंटया अओमया उच्छहया नरेणं । अणासए जो उ
MOTO श्री आगमगुणमजूषा १६३६ 20
19
[१४]