Agam 42 Dasaveyaliyam Taiyam Mulsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 32

दीसंति सुहमेहंता, इढिं पत्ता महायसा ।। [४३८] तहेव अविणीयप्पा, लोगंमि नरनारिओ |
दीसंति दुहमेहंता, छाया ते विगलिंदिया ।। [४३९] दंडसत्थपरिज्जुन्ना, असब्भवयणेहि य ।
कलुणा विवन्नछंदा, खुप्पिवासपरिग्गया ।। [४४०] तहेव सुविणीयप्पा, लोगंसि नरनारिओ ।
दीसंति सुहमेहंता, इढिं पत्ता महायसा ।। [४४१] तहेव अविणीयप्पा, देव जक्खा य गुज्झगा ।
दीसंति दुहमेहंता, आभिओगमुवद्विआ ।। अज्झयणं-९, उद्देसो-२
[४४२] तहेव सुविणीयप्पा, देवा जक्खा य गुज्झगा |
दीसंति सुहमेहंता, इढिं पत्ता महायसा ।। [४४३] जे आयरियउवज्झायाणं, सुस्सूसा वयणंकरा ।
तेसिं सिक्खा पवढंति, जलसित्ता इव पायवा || [४४४] अप्पणट्ठा परट्ठा वा, सिप्पा नेउणियाणि य ।
गिहिणो उवभोगट्ठा, इहलोगस्स कारणा || [४४५] जेण बंधं वहं घोरं, परियावं च दारुणं । सिक्खमाणा नियच्छंति, जुत्ता ते ललिइंदिया ।। [४४६] तेऽवि तं गुरुं पूयंति तस्स सिप्पस्स कारणा |
सक्कारंति नमसंति, तुट्ठा निद्देसवत्तिणो ।। [४४७] किं पुण जे सुयग्गाही, अनंतहियकामए ।
आयरिआ जं वए भिक्खू, तम्हा तं नाइवत्तए ।। [४४८] नीयं सेज्जं गई ठाणं नीयं च आसनानि य ।
नीयं च पाए वंदेज्जा नीयं कुज्जा य अंजलिं ।। [४४९] संघट्टइत्ता काएणं, तहा उवहिणामवि |
खमेह अवराहं मे, वइज्ज न पुणो त्ति य ।। [४५०] दुग्गओ वा पओएणं, चोइओ वहइ रहं ।
एवं दुबुद्धि किच्चाणं, वुत्तो वुत्तो पकुव्वइ ।। [४५१] आलवंते लवंते वा, न निसिज्जाए पडिस्सुणे ।
नत्तूणं आसनं धीरो, सुस्सूसाए पडिस्सुणे ।। [४५२] कालं छंदोवयारं च, पडिलेहित्ताण हेउहिं ।
तेण तेण उवाएण, तं तं संपडिवायए ।। [४५३] विवत्ती अविनीयस्स, संपत्ती विनियस्स य ।
जस्सेयं दुहओ नायं, सिक्खं से अभिगच्छइ ।। [४५४] जे यावि चंडे मइइढिगारवे, पिसुणे नरे साहसहीणपेसणे ।
दीपरत्नसागर संशोधितः]
[31]
[४२-दसवेआलियं