Book Title: Agam 29 Santharagam Chattham Painnayam Mulam PDF File Author(s): Dipratnasagar, Deepratnasagar Publisher: Deepratnasagar View full book textPage 7
________________ गाहा-६७ [६७] जल्ल-मल-पंकधारी आहारो सील-संजमगुणाणं । अज्जीरणो य गीओ कत्तिय अज्जो सुरवणंमि ।। [६८] रोहीडगंमि नयरे आहारं फासूयं गवेसंतो । कोवेण खत्तिएण य भिन्नो सत्तिप्पहारेणं || [६९] एगंतमनावाए विच्छिन्ने थंडिले चइय देहं । सोऽवि तह भिन्नदेहो पडिवन्नो उत्तमं अट्ठं ।। [७०] पाडलिपुत्तंमि पुरे चंदयगुत्तस्स चेव आसीय । नाणं धम्मसीहो चंदसिरिं सो पयहिऊणं || [७१] कोल्लयरंमि पुरवरे अह सो अब्भुट्ठिओ ठिओ धम्मे । कासीय गिद्धपठ्ठे पच्चक्खाणं विगयसोगो || [७२] अह सो वि चत्तदेहो तिरियसहस्सेहिं खज्जमाणो य । सोऽवि तह खज्जमाणो पडिवन्नो उत्तमं अठ्ठे ।। [७३] पाडलिपुत्तंमि पुरे चाणक्को नाम विस्सुओ आसी । सव्वारंभ-नियत्तो इंगिणि-मरणं अह निवन्नो || [७४] अनुलोमपूअणाए अह से सत्तू जओ डहइ देहं । सो तहवि इज्झमाणो पडिवन्नो उत्तमं अट्ठं ।। [७५] गुट्ठ य पाओवगओ सुबंधुणा गोमये पलिवियंमि । डज्झतो चाणक्को पडिवन्नो उत्तमं अट्ठ ।। [७६] कायंदीनयरीए राया नामेण अमयघोसो त्ति । तो सो सुयस्स रज्जं दाऊणं इह चरे धम्मं || [७७] आहिंडिऊण वसुहं सुत्तऽत्थविसारओ सुयरहस्सो । कायंदिं चेव पुरिं अह पत्तो विगयसोगो सो ।। [ ७८ ] नामेण चंडवेगो अह से पडिछिंदइ तयं देहं । सो तह वि छिज्जमाणो पडिवन्नो उत्तमं अट्ठे || [७९] कोसंबीनयरीए ललिअ घडा नाम विस्सुआ आसि । पाओवगम निवन्ना बत्तीसं ते सुअरहस्सा || [८०] जलमज्झे ओगाढा नईइ पूरेण निम्ममसरीरा । तहवि हु जलदहमज्झे पडिवन्नो उत्तमं अट्ठं ।। [८१] आसी कुणालनयरे राया नामेण वेसमणदासो । तस्स अमच्चो रिट्ठो मिच्छदिट्ठी पडिनिविट्ठो || [८२] तत्थ य मुनिवरवसहो गणिपिडगधरो तहाssसि आयरिओ । नामेण सहसेनो सुयसायर-पारगो धीरो [८३] तस्सासी अ गणहरो नानासत्थत्थगहियपेआलो । नामेण सीहसेनो वायंमि पराजिओ रुट्ठो ।। [दीपरत्नसागर-संशोधितः] [6] || [ २९ | संथारगं ]Page Navigation
1 ... 5 6 7 8 9 10
