________________
गाहा-६७
[६७] जल्ल-मल-पंकधारी आहारो सील-संजमगुणाणं । अज्जीरणो य गीओ कत्तिय अज्जो सुरवणंमि ।। [६८] रोहीडगंमि नयरे आहारं फासूयं गवेसंतो ।
कोवेण खत्तिएण य भिन्नो सत्तिप्पहारेणं || [६९] एगंतमनावाए विच्छिन्ने थंडिले चइय देहं ।
सोऽवि तह भिन्नदेहो पडिवन्नो उत्तमं अट्ठं ।। [७०] पाडलिपुत्तंमि पुरे चंदयगुत्तस्स चेव आसीय ।
नाणं धम्मसीहो चंदसिरिं सो पयहिऊणं || [७१] कोल्लयरंमि पुरवरे अह सो अब्भुट्ठिओ ठिओ धम्मे । कासीय गिद्धपठ्ठे पच्चक्खाणं विगयसोगो || [७२] अह सो वि चत्तदेहो तिरियसहस्सेहिं खज्जमाणो य । सोऽवि तह खज्जमाणो पडिवन्नो उत्तमं अठ्ठे ।। [७३] पाडलिपुत्तंमि पुरे चाणक्को नाम विस्सुओ आसी । सव्वारंभ-नियत्तो इंगिणि-मरणं अह निवन्नो || [७४] अनुलोमपूअणाए अह से सत्तू जओ डहइ देहं ।
सो तहवि इज्झमाणो पडिवन्नो उत्तमं अट्ठं ।। [७५] गुट्ठ य पाओवगओ सुबंधुणा गोमये पलिवियंमि । डज्झतो चाणक्को पडिवन्नो उत्तमं अट्ठ ।। [७६] कायंदीनयरीए राया नामेण अमयघोसो त्ति ।
तो सो सुयस्स रज्जं दाऊणं इह चरे धम्मं || [७७] आहिंडिऊण वसुहं सुत्तऽत्थविसारओ सुयरहस्सो । कायंदिं चेव पुरिं अह पत्तो विगयसोगो सो ।। [ ७८ ] नामेण चंडवेगो अह से पडिछिंदइ तयं देहं ।
सो तह वि छिज्जमाणो पडिवन्नो उत्तमं अट्ठे || [७९] कोसंबीनयरीए ललिअ घडा नाम विस्सुआ आसि । पाओवगम निवन्ना बत्तीसं ते सुअरहस्सा || [८०] जलमज्झे ओगाढा नईइ पूरेण निम्ममसरीरा ।
तहवि हु जलदहमज्झे पडिवन्नो उत्तमं अट्ठं ।। [८१] आसी कुणालनयरे राया नामेण वेसमणदासो ।
तस्स अमच्चो रिट्ठो मिच्छदिट्ठी पडिनिविट्ठो || [८२] तत्थ य मुनिवरवसहो गणिपिडगधरो तहाssसि आयरिओ । नामेण सहसेनो सुयसायर-पारगो धीरो [८३] तस्सासी अ गणहरो नानासत्थत्थगहियपेआलो ।
नामेण सीहसेनो वायंमि पराजिओ रुट्ठो ।।
[दीपरत्नसागर-संशोधितः]
[6]
||
[ २९ | संथारगं ]
