Page #1
--------------------------------------------------------------------------
________________ namo namo nimmaladasaNassa pU. AnaMda-kSamA-lalita-suzIla-sudharmasAgara gurUbhyo namaH saMthAragaM-chaTuM paiNNayaM muni dIparatnasAgara Date : / / 2012 Jain Aagam Online Series-29
Page #2
--------------------------------------------------------------------------
________________ 29 gaMthANukkamo kamako / visaya sutaM gAhA aNukkamo piTThako maMgalaM-saMthAragassaguNA 1-30 1-30 saMthAragaM sarUvaM,lAbha 31-55 31-55 saMthAraga-udAharaNAI 56-88 56-88 bhAvaNA 89-133 89-133 [dIparatnasAgara-saMzodhitaH] [1] [29/saMthAragaM]
Page #3
--------------------------------------------------------------------------
________________ bAlabrahmacArI zrI neminAthAya namaH namo namo nimmaladaMsaNassa OM hrIM namo pavayaNassa |29| saMthAragaM - chaTheM paiNNayaM [1] kAUNa namukkAraM jinavaravasahassa vaddhamANassa / saMthArammi nibaddhaM guNaparivADiM nisAmeha || [2] esa kirA''rAhaNayA esa kira manoraho suvihiyANaM / esa kira pacchimaMte paDAgAharaNaM suvihiyANaM / / [3] bhUIgahaNaM jaha nakkayANa avamAnaya avajjhANaM / mallANaM ca paDAgA taha saMthAro suvihiyANaM / / [4] purisavarapuMDarIo arihA iva savvapurisasIhANaM / ___ mahilANa bhagavaIo jinajananIo jayaMmi jahA / / [5] verUliuvva maNINaM gosIsaM caMdanaM va gaMdhANaM / jaha va rayaNesu varaM taha saMthAro suvihiANaM / / [6] vaMsANaM jinavaMso savvaklANaM ca sAvayakalAI / / siddhigaI ya gaINaM muttisuhaM savvasukkhANaM / / [7] dhammANaM ca ahiMsA janavayavayaNANa sAhuvayaNAiM / jinavayaNaM ca sUINaM suddhINaM daMsaNaM ca jahA / / [8] kallANaM abbhudao devANaM dullahaM tihuyaNami | battIsaM deviMdA jaM taM jhAyaMti egamanA / / [9] laddhaM tu tae eyaM paMDiyamaraNaM tuM jinavarakkhAyaM / ___ haMtUNa kammamallaM siddhipaDAgA tume laddhA / / [10] jhANANaM paramasukkaM nANANaM kevalaM jahA nANaM / parinivvANaM ca jahA kameNa bhaNiaM jinavarehiM [11] savvuttama-lAbhANaM sAmannaM ceva lAbha mannati | paramuttama titthayaro paramagaI paramasiddhitti / / [12] mUlaM taha saMjamo vA paralogarayANa kiliTThakammANaM / savvRttamaM pahANaM sAmannaM ceva mannaMti / / [13] lesANa sukkalesA niyamANaM baMbhaceravAso a / gutti-samiI guNANaM mUlaM taha saMjamovAo / / [14] savvuttamatitthANaM titthayarapayAsiyaM jahA titthaM / abhise3 vva surANaM taha saMthAro suvihiyANaM / / [15] siyakamala-kalasa-satthiya naMdAvatta-varamalladAmANaM / tesiMpi maMgalANaM saMthAro maMgalaM paDhamaM / / [dIparatnasAgara-saMzodhitaH] [2] [29/saMthAragaM]
Page #4
--------------------------------------------------------------------------
________________ gAhA-16 [16] tavaaggi niyamasUrA jinavaranANA visuddhapatthayaNA | je nivvahaMti purisA saMthAragaiMdamArUta [17] paramaTTho paramaThalaM paramAyayaNaM ti paramakappu ti / paramuttama titthayaro paramagaI paramasiddhi tti / / [18] tA eyaM tumi laddhaM jinavayaNAmayavibhUsiyaM dehaM / dhammarayaNassiyA te paDiyA bhavaNaMmi vasuhArA / / [19] pattA uttamapurisA kallANaparaMparA paramadivvA / pAvayaNa sAhu dhIraM kayaM ca te ajja sappurisA [20] sammatta-nANa-daMsaNa vararayaNA nANateyasaMjuttA | cArittasuddhasIlA tirayaNamAlA tume laddhA / / [21] suvihiyaguNavitthAraM saMthAraM je lahaMti sappurisA / tesiM jiyalogasAraM rayaNAharaNaM kayaM hoi / / [22] jaM titthaM tumi laddhaM jaM pavaraM savvajIvalogaMmi | bahAyA jattha munivarA nivvANamanutaraM pattA / / [23] Asava saMvara nijjara tinni vi atthA samAhiyA jattha | taM titthaM ti bhaNaMtI sIlavvayabaddhasovANA / / [24] bhaMjiya parIsahacamU uttamasaMjamabaleNa saMjuttA / / bhuMjaMti kammarahiA nivvANamanuttaraM rajjaM / / [25] tihuaNarajjasamAhiM patto'si tumaM hi samayakappaMmi / rajjAbhiseyamaThalaM viThalaphalaM loi viharaMti / / [26] abhinaMdai me hiyayaM tubbhe mukkhassa sAhaNovAo / jaM laddho saMthAro suvihia ! paramattha nitthAro / / [27] devA vi devaloe bhuMjaMtA babihAiM bhogAiM / saMthAraM ciMtaMtA Asana-sayaNAI muMcaMti [28] caMdo vva picchaNijjo sUro iva teyasA udippaMto / dhanavaMto guNavaMto himavaMta-mahata-vikkhAo || [29] guttI-samii-uveo saMjama-tava-niyama-joga-jutamaNo | samaNo samAhiyamano daMsaNanANe anannamano / / [30] meru vva pavvayANaM sayaMbhuramaNu vva ceva udahINaM / caMdo iva tArANaM taha saMthAro savihiyANaM / / [31] bhaNa kerisassa bhaNio saMthAro kerise va avagAse / ukkhaMpigassa karaNaM evaM tA icchimo nAuM / / [32] hAyaMti jassa jogA jarA a vivihA ya haMti AyaMkA | ArUhai a saMthAraM suvisuddho tassa saMthAro [dIparatnasAgara-saMzodhitaH] [3] [29/saMthAragaM]
Page #5
--------------------------------------------------------------------------
________________ gAhA-33 [33] jo gAraveNa matto necchai AloyaNaM gurusagAse / ArUhai ya saMthAraM avisuddho tassa saMthAro || [34] jo puNa pattabbhUo karei AloaNaM gurusagAse / ArUhai ya saMthAre avisuddho tassa saMthAro / / [35] jo puNa daMsaNamailo siDhilacaritto karei sAmannaM / ArUhai ya saMthAre avisuddho tassa saMthAro / / [36] jo puNa daMsaNasuddho Ayacaritto karei sAmannaM / ArUhai ya saMthAre avisuddho tassa saMthAro / / [37] jo rAgadosarahio tiguttigutto tisallamayarahio / ArUhai ya saMthAre avisuddho tassa saMthAro / / [38] tihiM gAravehiM rahio tiMdaDapaDimoyago pahiyakittI / ArUhai ya saMthAre avisuddho tassa saMthAro / / [39] cavihakasAyamahaNo carahiM vikahAhiM virahio niccaM / ArUhai ya saMthAre avisuddho tassa saMthAro / / [40] paMcamahavvayakalio paMcasu samiIsu suTuM Autto / ArUhai ya saMthAre avisuddho tassa saMthAro / / [41] chakkAyA paDivirao sattabhayaTThANavirahia maIo / ArUhai ya saMthAre avisuddho tassa saMthAro || [42] aTThamayaTThANa jaDho kammaTThavihassa khavaNaheu ti / __ ArUhai ya saMthAre avisuddho tassa saMthAro / / [43] navabaMbhaceragutto ujjutto dasavihe samaNadhamme / ArUhai ya saMthAre avisuddho tassa saMthAro / / [44] juttassa uttamaDhe maliyakasAyassa nivviyArassa | bhaNa keriso u lAbho saMthAragayassa samaNassa [45] juttassa uttamaThe maliyakasAyassa nivviyArassa / bhaNa kerisaM ca sukkhaM saMthAragayassa khamagassa [46] paDhamillugaMmi divase saMthAragayassa jo havai lAbho / ko dANi tassa sakko agghaM kAuM anagghassa [47] jo saMkhijjabhavaTThiI savvaMpi khavei so tahiM kammaM / anusamayaM sAhupayaM sAhU vutto tahiM samae / / [48] taNasaMthAranisanno'vi munivaro bhaTTharAgamayamoho / jaM pAvai muttisuhaM katto taM cakkavaTTI vi [49] tappurisanADayaMmi vi na sA raI taha sahattha vitthAre / jinavayaNaMmi vi sA te heusahassovagUDhaMmi / / ? || ? || ? || [dIparatnasAgara-saMzodhitaH] [4] [29/saMthAragaM]
Page #6
--------------------------------------------------------------------------
________________ gAhA - 50 [50] jaM rAga-dosamaiaM sukkhaM jaM hoi visayamaIyaM ca / anuvai cakkavaTTI na hoi taM vIyarAgassa / / [[ 59 ] mA hou vAsagaNayA na tattha vAsANi parigaNijjaMti / bahave gacchaM vutthA jammaNa-maraNaM ca te khuttA [52] pacchA vi te payAyA khippaM kAhiMti appaNo patthaM / je pacchimaMmi kAle maraMti saMthAramArUDhA || [ 53 ] na vi kAraNaM taNamao saMthAro na vi ya phAsuyA bhUmI / appA khalu saMthAro havai visuddhe carittaMmi || [54] niccaM pi tassa bhAvujjuyassa jattha va jahiM va saMthAro / jo hoi ahakkhAo vihAramabbhuTThio lUho / / [55] vAsArattaMmi tavaM cittavicittAi suThu kAUNaM / hemaMte saMthAraM ArUhai savva'vatthAsu [56] AsIya poyaNapure ajjA nAmeNa pupphacUla ti / tIse dhammAyario pavissuo aNNiAutto [57] so gaMgamuttaraMto sahasA ussArio ya nAvAe | paDivanna uttimaTThaM teNa vi ArAhiaM maraNaM / / [58] paMcamahavvayakaliyA paMcasayA ajjayA supurisANaM / nayaraMmi kuMbhakAre kaDagaMmi nivesiA taiyA / / [59] paMcasayA egUNA vAyaMmi parAjieNa ruTTheNaM / jaMtaMmi pAvamaiNA chunnA channeNa kammeNa // [60] nimmama-nirahaMkArA niyayasarIre vi apaDibaddhA u / te vi taha chujjamANA paDivannA uttamaM aTThe / / [61] daMDoti vissuyajaso paDimAdasadhArao Thio paDimaM / jauNAvaMke nayare sarehiM viddho sayaMgIo [62] jinavayaNanicchiyamaI niyayasarIre'vi apaDibaddho u / so'vi taha vijjhamANo paDivanno uttamaM aTThe / / [63] AsI sukosalarisI cAummAsassa pAraNA-divase / orUhamANo ya nagA khaio mAyAi vagghI || [64] dhIdhaNiyabaddhakaccho paccakkhANammi suThu uvautto / so tahavi khajjamANo paDivanno uttamaM aTThe || [65] ujjenInayarIe avaMti nAmeNa vissuo AsI / pAovagamanivanno susANamajjhammi egaMte / / [66] tinni rayaNIo khaio bhalluMkI ruTThiyA vikaDDhatI / so vi taha khajjamANo paDivanno uttamaM aThThe / [dIparatnasAgara-saMzodhitaH] [5] || || || || [ 29|saMthAragaM ]
Page #7
--------------------------------------------------------------------------
________________ gAhA-67 [67] jalla-mala-paMkadhArI AhAro sIla-saMjamaguNANaM / ajjIraNo ya gIo kattiya ajjo suravaNaMmi / / [68] rohIDagaMmi nayare AhAraM phAsUyaM gavesaMto / koveNa khattieNa ya bhinno sattippahAreNaM || [69] egaMtamanAvAe vicchinne thaMDile caiya dehaM / so'vi taha bhinnadeho paDivanno uttamaM aTThaM / / [70] pADaliputtaMmi pure caMdayaguttassa ceva AsIya / nANaM dhammasIho caMdasiriM so payahiUNaM || [71] kollayaraMmi puravare aha so abbhuTThio Thio dhamme / kAsIya giddhapaThThe paccakkhANaM vigayasogo || [72] aha so vi cattadeho tiriyasahassehiM khajjamANo ya / so'vi taha khajjamANo paDivanno uttamaM aThThe / / [73] pADaliputtaMmi pure cANakko nAma vissuo AsI / savvAraMbha-niyatto iMgiNi-maraNaM aha nivanno || [74] anulomapUaNAe aha se sattU jao Dahai dehaM / so tahavi ijjhamANo paDivanno uttamaM aTThaM / / [75] guTTha ya pAovagao subaMdhuNA gomaye paliviyaMmi / Dajjhato cANakko paDivanno uttamaM aTTha / / [76] kAyaMdInayarIe rAyA nAmeNa amayaghoso tti / to so suyassa rajjaM dAUNaM iha care dhammaM || [77] AhiMDiUNa vasuhaM sutta'tthavisArao suyarahasso / kAyaMdiM ceva puriM aha patto vigayasogo so / / [ 78 ] nAmeNa caMDavego aha se paDichiMdai tayaM dehaM / so taha vi chijjamANo paDivanno uttamaM aTThe || [79] kosaMbInayarIe lalia ghaDA nAma vissuA Asi / pAovagama nivannA battIsaM te suarahassA || [80] jalamajjhe ogADhA naIi pUreNa nimmamasarIrA / tahavi hu jaladahamajjhe paDivanno uttamaM aTThaM / / [81] AsI kuNAlanayare rAyA nAmeNa vesamaNadAso / tassa amacco riTTho micchadiTThI paDiniviTTho || [82] tattha ya munivaravasaho gaNipiDagadharo tahAsssi Ayario / nAmeNa sahaseno suyasAyara-pArago dhIro [83] tassAsI a gaNaharo nAnAsatthatthagahiyapeAlo / nAmeNa sIhaseno vAyaMmi parAjio ruTTho / / [dIparatnasAgara-saMzodhitaH] [6] || [ 29 | saMthAragaM ]
Page #8
--------------------------------------------------------------------------
________________ gAhA 84 [84] aha so nirAnukaMpo aggiM dAUNa suvihiya pasaMte / so taha vi DajjhamANo paDivanno uttamaM aTThaM / / [85] kurudatto'vi kumAro siMbaliphAli vva aggiNA daDDho / so taha vi DajjhamANo paDivanno uttamaM aTThaM / / [86] AsI cilAiputto muiMguliyAhiM cAlaNi vva kao / so taha vikhajjamANo paDivanno uttamaM aTThaM / / [87] AsI gayasukumAlo allayacammaM va kIlayasaehiM / dharaNIyale uvviddho teNa vi ArAhiaM maraNaM [88] maMkhaliNA vi ya arahao sIsA teassa uvagayA daDDhA | te taha vi DajjhamANo paDivanno uttamaM aThThe [89] parijANai tigutto jAvajjIvAi savvamAhAraM / saMgha-samavAya-majjhe sAgAraM guru- niogeNaM / / [90] ahavA samAhiheuM karei so pAnagassa AhAraM / to pAnagaM pi pacchA vosirai munI jahAkAlaM / / [91] khAmemi savvasaMgha saMvegaM sesagANa kuNamANo / mana-vai-jogehiM purA kaya- kAria anumae vA vi / / [92] savve avarAhapae esa khamAvemi ajja nissallo | ammApiUsarisayA savve'vi khamaMtu maha jIvA // [93] dhIrapurisa pannattaM sappurisa niseviyaM paramaghoraM / dhannA silAyalagayA sAhaMtI uttamaM aTTha / / [94] nAraya tiriyagaie manussa devattaNe vasaMteNaM / jaM pattaM suha- dukkhaM taM anucite anannamano / / [95] naraesu veyaNAo anovamAo asAyabahulAo / kAyanimittaM patto anaMtakhutto bahuvihAo / / [96] devatte manuyatte parAbhiogattaNaM uvagaeNaM / dukkhaparikilesakarI anaMtakhutto samanubhUo / / [97] tiriyagaiM anupatto bhImamahAveaNA anorapArA / jammaNa-maraNa'rahaTTe anaMtakhutto paribbhamio || [98] suvihiya ! aIyakAlaM anaMtakAlaM tu AgayagaNaM / jammaNa-maraNamanaMtaM anaMtakhutto samanubhUo || [99] natthi bhayaM maraNasamaM jammaNasarisaM na vijja dukkhaM / jammaNa- maraNAyakaM chiMda mamattaM sarIrAo [100] annaM imaM sarIraM anno jIvo tti nicchayamaIo / dukkha parikilesakaraM chiMda mamattaM sarIrAo / / [dIparatnasAgara-saMzodhitaH] [7] || || || [ 29 | saMthAragaM ]
Page #9
--------------------------------------------------------------------------
________________ gAhA-101 // [101] tamhA sarIramAiM sabbhiMtara bAhiraM niravasesaM / chiMda mamattaM suvihiya ! jar3a icchasi uttamaM aTaThaM [102] jagaAhAro saMgho savvo maha khamaTha niravasesaMpi / ahamavi khamAmi suddho guNasaMghAyassa saMghassa / / [103] Ayariya uvajjhAe sIse sAhammie kulagaNe ya / je me kei kasAyA savve tiviheNa khAmemi / / [103-R] savvassa samaNasaMghassa bhagavao aMjaliM kariya sIse / savvaM khamAvaittA ahama vi khAmemi savvassa [104] savvassa jIvarAsissa bhAvao dhammanihiya niyacitto / savvaM khamAvaittA ahayaM pi khamAmi savvesiM [105] iya khAmiyAiyAro anuttaraM tavasamAhimArUDho / papphoDato viharai bahuviha bAhAkaraM kammaM / / [106] jaM baddhamasaMkhijjAhiM asubha bhavasayasahassakoDIhiM / egasamaeNa vihuNai saMthAraM AruhaMto ya [107] iha taha vihAriNo se vigghakarI veyaNA samuThei / tIse vijjhavaNAe anusaLiM diti nijjavayA / / 1108] jaDa tAva te manivarA AroviyavittharA aparikammA / giri-pabbhAra-vilaggA bahu-sAvaya-saMkaDaM bhIma [109] dhIdhaNiyabaddhakacchA anuttaravihAriNo samakkhAyA / sAvayadADhagayAvihu sAhaMtI uttamaM aTuM / / [110] kiM puna anagArasahAyagehiM dhIrehiM saMgayamaNehiM / na hu nittharijjai imo saMthAro uttama ahra / / [111] ucchUDha sarIradharA anno jIvo sarIra-mannaMti / dhammassa kAraNe suvihiyA sarIraMpi chaDDaMti / / [112] porANiyA paccuppanniyA 3 ahiyAsiUNa viyaNAo / kammakalaMkalavallI vihuNai saMthAramArUDho || [113] jaM annANI kammaM khavei bahuyAhiM vAsakoDIhiM / taM nANI tihiM gutto khavei UsAsamiteNaM / / [114] aTThavihakammamUlaM bahuehiM bhavehiM saMciyaM pAvaM | taM nANI tihIM gutto khavei UsAsamitteNaM / / [115] evaM mariUNa dhIrA saMthAraMmi 3 gurU pasatthaMmi / taia bhaveNa va teNa va sijjhijjA khINakammarayA [116] guttI-samii-guNaDDho saMjama-tava-niyama-karaNa-kayamauDo / sammatta-nANa-daMsaNa tirayaNa-saMpAvia mahagyo / / [dIparatnasAgara-saMzodhitaH] [8] [29/saMthAragaM]
Page #10
--------------------------------------------------------------------------
________________ gAhA-117 [117] saMgho saiMdayANaM sadeva-maNuA-surammi logammi | dullahataro visuddho to suvisuddho mahAmauDo / / [118] DajjhaMteNa vi gimhe kAvasilAe kavallibhUyAe / sUreNa va caMdeNa va kiraNasahassaM payaMDeNa [119] loga-vijayaM kariteNa tena jhANovautta-citteNaM / parisuddha-nANa-daMsaNa vibhUi-maMteNa citteNaM / / [120] caMdagavijjhaM laddhaM kevalasarisaM samATha parihINaM / uttamalesAnugao paDivanno uttamaM aThaM / / [121] evaM mae abhithuA saMthAraga-iMdakhaMdha-mArUDhA / susamaNa-nariMda-caMdA suha-saMkamaNaM sayA diMtu / / muni dIparatnasAgareNa saMzodhitaH sampAditazva "saMthAragaM paiNNayaM sammattaM" 29 | "saMthAragaM - chaTheM paiNNayaM" sammattaM [dIparatnasAgara-saMzodhitaH] [9] [29/saMthAragaM]