Agam 18 Upang 07 Jambudveep Pragnapti Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 34

ROS
(१८) जंबूदीवपन्नत्ति वक्स्खारो ३
[29]
ॐॐॐॐॐॐॐ
पत्तं वा कटुं वा सक्करा वा आसे वा हत्थी वा रहे वा जोहे वा मणुस्से वा पक्खिप्पर तण्णं उम्मग्गजला महाणई तिक्खुत्तो आहुणिअ २ एगंते थलंसि एडेइ. जण्णं णिमग्गजलाए महाणईए तणं वा जाव मणुस्से वा पक्खिप्पर तण्णं णिमग्गजला महाणई तिक्खुत्तो आहुणिअ २ अंतो जलंसि णिमज्जावेइ. से तेणद्वेणं गो० ! एवं वुच्चइ - उम्मग्गणिमग्गजलाओ, तए णं से भरहे राया चक्करयणदेसिअमग्गे अणेगराय० महया० उक्किट्ठसीहणाय जाव करेमाणे सिंधूए महाणईए पुरच्छिमिल्लेणं कूलेणं जेणेव उम्मग्गजला महाणई तेणेव उवागच्छइ त्ता वद्धइरयणं सद्दावेइ त्ता एवं वयासी - खिप्पामेव भो देवाणुप्पि ! उम्मग्गणिमग्गजलासु महाणईसु अणेगखंभसयसण्णिविट्ठे अयलमकंपे अभेज्जकवए सालंबणबाहाए सव्वरयणामए सुहसंकमे करेहि त्ता मम एअमाणत्तिअं खिप्पामेव पच्चप्पिणाहि, तए णं से वद्धरणे भरणं रण्णा एवं वृत्ते समाणे हद्वतुट्ठचित्तमाणंदिए जाव विणएणं पडिसुणेइ त्ता खिप्पामेव उम्मग्गणिमग्गजलासु महाणईसु अणेगखंभसयसण्णिविद्वे जाव सुहसंक करेइत्ता जेणेव भरहे राया तेणेव उवागच्छइ ता जाव एअमाणत्तिअं पच्चप्पिणइ, तए णं से भरहे राया सखंधावारवले उम्मग्गणिमग्गजलाओ महाणईओ तेहिं अणेगखंभसयसण्णिविद्वेहिं जाव सुहसंकमेहिं उत्तरेइ, तए णं तीसे तिमिस्सगुहाए उत्तरिल्लस्स दुवारस्स कवाडा सयमेव महया २ कोंचारवं करेमाणा सरसरसरस्स सगाई ठाणाई पच्चोसक्कित्था (प्र० या) |५५ | तेणं कालेणं० उत्तरइढभरहे वासे बहवे आवाडा णामं चिलाया परिवसंति अड्ढा दित्ता वित्ता विच्छिण्णविउलभवणसयणासणजाणवाहणाइन्ना बहुधणबहुजायरूवरयया आओगपओगसंपत्ता विच्छड्डिअपउरभत्तपाणा बहुदासीदासगोमहिसगवेलगप्पभूआ बहुजणस्स अपरिभूआ सूरा वीरा विक्कंता विच्छिण्णविउलबलवाहणा बहूसु समरसंपराएस लद्धलक्खा यावि होत्था, तए णं तेसिमावाडचिलायाणं अण्णया कयाई विसयंमि बहूई उप्पाइअसयाइं पाउब्भवित्था, तं० - अकाले गज्जिअं अकाले विज्जुआ अकाले पायवा पुप्फंति अभिक्खणं २ आगासे देवयाओ णच्वंति, तए णं ते आवाडचिलाया विसरांसि बहूई उप्पाइअसयाई पाउब्भूयाइं पासंति त्ता अण्णमण्णं सद्दावेति त्ता एवं वयासी एवं खलु देवाणुप्पिआ ! अम्हं विससि बहूई उप्पाइअसयाई पाउब्भूआई तं०-अकाले गज्जिअं अकाले विज्जुआ अकाले पायवा पुप्फंति अभिक्खणं २ आगासे देवयाओ णच्वंति, तं ण णज्जइ णं देवाणुप्पिआ ! अम्हं विसयस्स के मन्ने उवद्दवे भविस्सइत्तिकट्टु ओहयमणसंकप्पा चिंतासोगसागरं पविट्ठा करयलपल्हत्थमुहा अट्टज्झाणोवगया भूमिगयदिट्ठिआ झिआयंति, तए णं से भरहे राया चक्करयणदेसिअमग्गे जाव समुद्दरवभूअंपिव करेमाणे २ तिमिस्सगुहाओ उत्तरिल्लेणं दारेणं णीति ससिव्व मेहंधयारणिवहा. तए णं ते आवाडचिलाया भरहस्स रण्णो अग्गाणीअं एज्नमाणं पासंति ता आसुरूत्ता रूट्ठा चंडिक्किआ कुविआ मिसिमिसेमाणा अण्णमण्णं सद्दावेति त्ता एवं वयासी एस णं देवाणुप्पि ! केई अप्पत्थिअपत्थए दुरंतपंतलक्खणे हीणपुण्णचाउद्दसे हिरिसिरिपरिवज्जिए जे णं अमकहं विसयस्स उवरिं विरि (प्र० स्स वरवरि) एणं हव्वमागच्छइ तं तहाणं घत्तामो देवाणुप्पिआ ! जहा णं एस अम्हं विसयस्स उवरिं विरिएणं णो हव्वमागच्छइत्तिकट्टु अण्णमण्णस्स अंतिए एअमहं पडिसुर्णेति त्ता सण्णद्धबद्धवम्मियकवआ उप्पीलिअसरासणपट्टिआ पिणद्धगेविज्जा बद्धआविद्धविमलवरचिंधपट्टा गहिआउहप्पहरणा जेणेव भरहस्स रण्णो अग्गाणीअं तेणेव उवागच्छंति त्ता रण्णो अग्गाणीएण सद्धिं संपलग्गा यांवि होत्था, तए णं ते आवाडचिलाया भरहस्स रण्णो अग्गाणीअं हयमहितपवरवीरघाइअविवडिअचिंधद्धयपडागं किच्छप्पाणोवरायं दिसोदिसिं पडिसेहिंति । ५६ । तए णं से सेणावलस्स णेआ वेढो जाव भरहस्स रण्णो अग्गाणीअं आवाडचिलाएहिं हयमहियपवरवीर जाव दिसोदिसं पडिसेहिअं पासइ त्ता आसुरूत्ते रूट्ठे चंडिक्किए कुविए मिसिमिसेमाणे कमलामेलं आसरयणं दुरूहइ, तए णं तं असीइमंगुलमूसिअं णवणउइमंगुलपरिणाहं अट्ठसयमंगुलमाततं बत्तीसमंगलमूसिअसिरं चउरंगुलकन्नागं वीसइअंगुलबाहागं चउरंगुलजण्णूकं सोलसअंगुलजंघागं चउरंगुलमूसिअखुरं मुत्तोलीसंवत्तवलिअमज्झं ईसिंअंगुलपणयपठ्ठे संणयपठ्ठे संगयपठ्ठे सुजायपठ्ठे पसत्थपङ्कं विसिट्ठपट्टं एणीजाणुण्णयवित्थयथद्धपट्टं वित्तलयकसणिवायअंकेल्लणपहारपरिवज्जिअगं तवणिज्जथासगाहिलाणं वरकणगसुफुल्लथासगं विचित्तरयणरज्जुपासं-कंचणमणिकणगपयरगणाणाविहघंटिआजालमुत्तिआजालएहिं परिमंडियेणं पट्टेण सोभमाणेणं सोभमाणं कक्केयणइंदनीलमरगयमसा-रगल्लमुहमंडणरइअं आविद्धमाणिक्कसुत्तगविभूसियं कणगामयपउमसुकयतिलकं देवमइविकप्पिअं सुरवरिंदवाहणजोग्गावयं (प्र०
GK9
श्री आगमगुणमंजूषा - १२०७