Agam 18 Upang 07 Jambudveep Pragnapti Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 37

IGR95555555555555554
(१८) जंबूदीवपन्नत्ति वक्खारो ३
_
२८]
历历万历历历万年历五步步步500
TOEIC%乐乐乐乐乐明明明明明明明明明明明明明明 乐乐听听听听听听听听听听听乐乐明明明明明明明明明明5%
जामेव दिसिं पाउब्भूआ तामेव दिसिं पडिगया, तए णं ते आवाडचिलाया मेहमुहेहिं णागकुमारेहिं देवेहिं एवं वुत्ता समाणा उट्ठाए उट्टेति त्ता बहाया कयबलिकम्मा १ कयकोउअमंगलपायच्छित्ता उल्लपडसाडगा ओचूलगणिअत्था अग्गाई वराइं रयणाइं गहाय जेणेव भरहे राया तेणेव उवागच्छंति ता करयलपरिग्गहिअं जाव मत्थए अंजलिं कटु भरहं रायं जएणं विजएणं वद्धाविति त्ता अग्गाई वराइं रयणाइं उवणेति त्ता एवं वयासी-'वसुहर गुणहर जयहर हिरिसिरिधीकित्तिधारक णरिंद ! लक्खणसहस्सधारक रायमिदं णे चिरं धारे ।।२१।। हयवइ गयवइ णरवइ णवणिहिवइ भरहवासपढमवई । बत्तीसजणवयसहस्सराय सामी चिरं जीव ।।२२।।
पढमणरीसर ईसर हिअईसर महिलिआसहस्साणं ।देवसयंसाहसीसर चोइसरणीसर जसंसी ॥२३|| सागरगिरिमेरागं उत्तरपाईणमभिजिअं तुमए । ता अम्हे ॐ देवाणुप्पिअस्स विसए परिवसामो॥२४|| अहोणं देवाणुप्पियाणं इड्ढी जुई जसे बले वीरिए पुरिसक्कारपरक्कमे दिव्वा देवजुई दिव्वे देवाणुभावेलद्धे पत्ते अभिसमण्णगए,
तं दिट्ठा णं देवाणुप्पियाणं इद्धी एवं चेव जाव अभिसमण्णागए, तं खामेसु णं देवाणुप्पिया ! खमंतु णं देवाणुप्पिया ! खंतमरूहंतु णं देवाणुप्पिया ! णाइ भुज्जो २ एवंकरणयाएत्तिकटु पंजलिउडा पायवडिआ भरहं रायं सरणं उविति, तए णं से भरहे राया तेसिं आवाडचिलायाणं अग्गाइं वराई रयणाई पडिच्छति त्ता ते आवाडचिलाए एवं वयासी-गच्छह णं भो तुब्भे ममं बाहुच्छायापरिग्गहिया णिब्भया णिरूव्विग्गा सुहं सुहेणं परिवसह. णत्थि भे कत्तोवि भयमस्थित्तिकटु सक्कारेइ सम्माणेइत्ता पडिविसज्जइ, तए णं से भरहे राया सुसेणं सेणावई सद्दावेइ त्ता एवं वयासी-गच्छाह णं भो देवाणुप्पिआ ! दोच्चंपि सिंधुमहाणईए पच्चत्थिमं णिक्खुडं ससिंधुसागरगिरिमेरागं समविसमणिक्खुडाणि य ओअवेहित्ता अग्गाइं वराई रयणाई पडिच्छाहित्ता मम एअमाणत्तिअंखिप्पामेव पच्चप्पिणाहि जहा दाहिणिल्लस्स ओयवणं तहा सव्वं भाणिअव्वं जाव पच्चणुभवमाणा विहरंति।६१शतएणं दिव्वे चक्करयणे अण्णया कयाई आउहघरसालाओ पडिणिक्खमइत्ता अंतलिक्खपडिवण्णे जाव उत्तरपुरच्छिमं दिसिं चुल्लहिमवंतपव्वयाभिमुहे पयाते आवि होत्था, तए णं से भरहे राया तं दिव्वं चक्करयणं जाव चुल्लहिमवंतवासहरपव्वयस्स अदूरसामंते दुवालसजोअणायामं जाव चुल्लहिमवंतगिरिकुमारस्स देवस्स अट्ठमभत्तं पगिण्हइ तहेव जहा मागहतित्थस्स जाव समुद्दरवभूअंपिव करेमाणे २ उत्तरदिसाभिमुहे जेणेव चुल्लहिमवंतवासहरपव्वए तेणेव उवागच्छइ त्ता चुल्लहिमवंतवासहरपव्वयं तिक्खुत्तो रहसिरेणं फुसइ त्ता तुरए णिगिण्हइ त्ता तहेव जाव आयतकण्णायतं च काऊण उसुमुदारं इमाणि वयणाणि तत्थ भणिअं से णरवई जाव सव्वे मे ते विसयवासित्तिकटु उद्धं वेहासं उसुं णिसिरइ परिगरणिगरिअमज्झे जाव तए णं से
सरे भरहेणं रण्णा उड्ढं वेहासं णिसढे समाणे खिप्पामेव बावत्तरिंजोअणाई गंता चुल्लहिमवंतगिरिकुमारस्स देवस्स मेराए णिवतति, तएणं से चुल्लहिमवंतगिरिकुमारे 卐 देवे मेराए सरं णिवइअंपासइ त्ता आसुरूत्ते रूढे जाव पीइदाणं सव्वोसहिं च मालं गोसीसचंदणं कडगाणि जाव दहोदगं च गेण्हइ त्ता ताए उक्किट्ठाए जाव उत्तरेणं
चुल्लहिमवंतगिरिमेराए अहण्णं देवाणुप्पिआणं विसयवासी जाव अहण्णं देवाणुप्पिआणं उत्तरिल्ले अंतवाले जाव पडिविसज्जेइ ।६२। तए णं से भरहे राया तुरए णिगिण्हइ त्ता रहं परावत्तेइ त्ता जेणेव उसहकूडे तेणेव उवागच्छइ त्ता उसहकूडं पव्वयं तिक्खुत्तो रहसिरेणं फुसइ त्ता तुरए निगिण्हइ त्ता रहं ठवेइ त्ता छत्तलं दुवालसंसिअं अट्ठकण्णिअं अहिगरणिसंठिअं सोवण्णिअंकागणिरयणं परामुसइत्ता उसभकूडस्स पव्वयस्स पुरथिमिल्लंसि कड़गंसि णामगं आउडेइ-'ओसप्पिणी
इमीसे तइआइ समाइ पच्छिमे भाए। अहमंसि चक्कवट्टी भरहो इअ नामधिज्जेणं ॥२५|| अहमंसि पढमराया अहयं भरहाहिवो णरवरिंदो । णत्थि महं पडिसत्तू जिअं 5 मए भारहं वासं ॥२६।। इतिकटु णामयं आउडेइ त्ता रहं परावत्तेइ त्ता जेणेव विजयखंधावारणिवेसे तेणेव उवागच्छइत्ता जाव चुल्लहितवंतगिरिकुमारस्स देवस्स
अट्ठाहिआए महामहिमाए णिव्वत्ताए समाणीए आउहघरसालाओ पडिणिक्खमइ त्ता जाव दाहिणिं दिसिं वेअद्धपव्वयामिमुहे पयाते आवि होत्था ।६३। तए णं से भरहे राया तं दिव्वं चक्करयणं जाव वेअद्धस्स पव्वयस्स उत्तरिल्ले णितंबे तेणेव उवागच्छइ त्ता वेअद्धस्स पव्वयस्स उत्तरिल्ले णितंबे दुवालसजोयणायामं जाव
पोसहसालं अणुपविसइ जाव णमिविणमीणं विज्जाहरराईणं अट्ठमभत्तं पगिण्हइ त्ता पोसहसालाए जाव णमिविणमिविज्जाहररांयाणो मणसीकरेमाणे २ चिट्ठइ, तए 2 णं तस्स भरहस्स रण्णो अट्ठमभत्तंसि परिणममाणंसि णमिविणमिविज्जाहररायाणो दिव्वाए मईए चोइअमई अण्णमण्णस्स अंतिअंपाउन्भवंति त्ता एवं वयासीmoo
5 5555555555555 श्री आगमगणमंजूषा - १२१0555555555555555555555555SGYox
Gun Educabon Internationa
or Private&Personal use or