Agam 14 Upang 03 Jivabhigam Sutra Shwetambar

Author(s): Purnachandrasagar
Publisher: Jainanand Pustakalay

Page 217

Acharya Shri Kailashsagarsuri Gyanmandir
भणहरेण य पूरेता अंबरं दिसाओ य सोभयंता चत्तारि देवसाहस्सीओ वसभरूवधारीणं देवाणं पच्चथिमिल्लं बाहं परिवहंति, चंदविमाणस्स णं उत्तरेणं सेयाणं सुभगाणं सुप्पभाणं जच्चाणंतरमलिहायणाणं हरिमेलामदुलमल्लियच्छाणं धणणिचितसुबद्धलक्खणुण्णतचंकमि (चंचुच्चि) यललियपुलियचलचवलचंचलगतीणं लंधणवगणधावणधोरणतिवइजइणसिक्खितगईणं संणयपासाणं संगतपासाणं सुजायपासाणं मितमायितपीणरइयपासाणं झसविहगसुजातकुच्छीणं पीणपीवरवट्टितसुसंठितकडीणं ओलंबपलंबलक्खणपमाणजुत्तपसत्थरमणिजवालगंडाणं तणुसुहुमसुजायणिद्धलोमच्छविधाणं मिउविसयपसत्थसुहमलक्खणविकिण्णकेसरवालिघराणं ललंतथासगललाडवरभूसणाणं मुहमंडगोचूलचमरथासगपरिमंडियकडीणं तवणिज्जजीहाणं तवणिज्जतालुयाणं तवणिज्जजोत्तगसुजोतियाणं कामगमाणं पीतिगमाणं मणोगमाणं मणोरमाणं मणोहराणं अमितगतीणं अभियबलवीरियपुरिस्यारपरकमाणं महया हेसियकिलकिलाइयरवेण महुरेणं मणहरेण य पूरेता अंबरं दिसाओ य सोभयंता चत्तारि देवसाहस्सीओ हयरूवधारीणं उत्तरिल्लं बाहं परिवहंति, एवं सूरविमाणस्सवि पुच्छा, गो०! सोलस देवसाहस्सीओ परिवहंति पुवकमेणं, एवं गहविमाणस्सवि पुच्छा, गो०! अट्ठ देवसाहस्सीओ परिवहंति पुवकमेणं दो देवाणं साहस्सीओ पुरथिमिल्लं बाहं| परिवहति दो देवाणं साहस्सीओ दक्खिणिलं. दो देवाणं साहस्सीओ पच्चथिमिल्लं० दो देवसहास्सीओ हयरूवधारीणं उत्तरिल्लं बाहं परिवहंति, एवंणक्खत्तविमाणस्सवि पुच्छा, गो०! चत्तारि देवसाहस्सीओ परिवहति तं० सीहरूवधारीणं देवाणं एगा देवसाहस्सी || श्री जीवाजीवाभिगम् ॥
पू. सागरजी म. संशोधित
| २०७
For Private And Personal