Agam 09 Anuttaropapatik Dasha Gujarati Translation

Author(s): Dipratnasagar, Deepratnasagar
Publisher: Dipratnasagar, Deepratnasagar

Page 11

આગમસૂત્ર 9, અંગસૂત્ર 9, અનુત્તરોપપાતિકદશા તે કાળે તે સમયે ભગવંત મહાવીરનું સમોસરણ થયું., ધન્યની માફક સુનક્ષત્ર નીકળ્યો. થાવસ્ત્રાપુત્રની જેમ દીક્ષા યાવત્ ઇર્યાસમિતાદિ યુક્ત અણગાર થયો. ત્યારે સુનક્ષત્ર અણગારે, દીક્ષાના દિવસથી જ ભગવંત મહાવીર પાસે ધન્ય માફક અભિગ્રહ લીધો યાવતું - સંયમથી આત્માને ભાવિત કરતા વિચરે છે. બાહ્ય જનપદમાં વિચર્યા, ૧૧-અંગો ભણ્યા. પછી સુનક્ષત્ર મુનિ ઉદાર તપથી áદકની જેમ શરીરથી કૃશ ઈત્યાદિ થઇ ગયા. તે કાળે તે સમયે રાજગૃહના ગુણશીલ ચૈત્ય સ્વામી પધાર્યા. પર્ષદા નીકળી, રાજા નીકળ્યો, ધર્મકથા કહી, રાજા પાછો ગયો, પર્ષદા પાછી ગઈ. કોઈ દિવસે મધ્યરાત્રિ કાળે ધર્મજાગરિકા કરતા સ્કંદકની જેમ વિચાર આવ્યો. યાવત્ સુનક્ષત્ર મુનિનો ઘણા વર્ષનો પર્યાય થયો. ગૌતમસ્વામીની પૃચ્છા યાવત્ સર્વાર્થસિદ્ધ દેવ, ૩૩-સાગરોપમ સ્થિતિ, મહાવિદેહે મોક્ષે જશે. - આ રીતે બીજા આઠે કુમારોને કહેવા. વિશેષ એ કે - ક્રમથી - બે રાજગૃહે, બે સાકેત, બે વાણિજ્ય ગ્રામ, નવમો હસ્તિનાપુરે, દશમે રાજગૃહે હતો, નવેની માતાનું નામ ભદ્રા હતું. નવેના ૩૨-કન્યા સાથે લગ્ન થયા, થાવસ્ત્રાપુત્રની જેમ નવેની દીક્ષાનો મહોત્સવ થયો. દશમાં વેહલ્લનો મહોત્સવ તેના પિતાએ કર્યો. વેહલ્લનો ચારિત્રપર્યાય છ માસ, ધન્યનો નવમાસ, બાકીનાનો ઘણા વર્ષોનો દીક્ષાપર્યાય હતો. હે જંબૂ ! આદિકર, તીર્થંકર, સ્વયંસંબુદ્ધ, લોકનાથ, લોકપ્રદીપ, લોકપ્રદ્યોતકર, અભયદય, શરણ-ચક્ષુ-માર્ગધર્મદય, ધર્મદેશક, ધર્મવર ચાતુરંત ચક્રવર્તી, અપ્રતિહત શ્રેષ્ઠ જ્ઞાન-દર્શનધારક, જિન-જાપક, બુદ્ધ-બોધક, મુક્તમોચક, તીર્ણ-તારક ઇત્યાદિ વિશેષણયુક્ત ભગવંત મહાવીરે અનુત્તરોપપાતિકના ત્રીજા વર્ગનો આ અર્થ કહ્યો છે. વર્ગ-૩ નો મુનિ દીપરત્નસાગરે કરેલ ગુજરાતી અનુવાદ પૂર્ણ અનુત્તરોપપાતિકદશાનો મુનિ દીપરત્નસાગરે કરેલ ગુજરાતી અનુવાદ પૂર્ણ મુનિ દીપરત્નસાગર કૃત્ “(અનુત્તરોપપાતિકદશા)” આગમસૂત્ર ભાવાનુવાદ Page 11