Book Title: Agam 09 Anuttaropapatik Dasha Gujarati Translation
Author(s): Dipratnasagar, Deepratnasagar
Publisher: Dipratnasagar, Deepratnasagar
View full book text
________________ આગમસૂત્ર 9, અંગસૂત્ર 9, અનુત્તરોપપાતિકદશા નીકળતા હતા. પડખાનો ભાગ ઊંચો, ઉદરરૂપી ભાજન પીઠને અડી ગયેલ, પાંસળીરૂપ કડા દેખાતા હતા, અક્ષસૂત્ર માળાની જેમ ગણી શકાય તેવી પૃષ્ઠ કરંડક સંધિ, ગંગાના તરંગરૂપ ઉદરરૂપ કટકનો વિભાગ, બાહુ સૂકા સર્પ જેવી, શિથીલ ચોકડાની જેમ લબડતા અગ્ર હસ્ત, કંપવાતીની જેમ કંપતી મસ્તક રૂપ ઘડી, કરમાયેલ મુખકમળ, ઉભટ ઘડા જેવું મુખ, બૂડેલા નયનરૂપ કોશ હતા. આત્મવીર્ય વડે જ ચાલતા કે ઊભતા હતા, ભાષા બોલું એમ વિચારતા થાકી જતા હતા. કોલસાની ભરેલી ગાડીની જેમ, સ્કંદક મુનિ માફક જાણવું યાવત્ રાખથી ઢંકાયેલ અગ્નિની જેમ તપ-તેજ વડે અને તપ-તેજ લક્ષ્મીથી શોભતા હતા. સૂત્ર-૧૧, 12 11. તે કાળે તે સમયે રાજગૃહનગર, ગુણશીલ ચૈત્ય, શ્રેણિક રાજા હતા. તે કાળે તે સમયે ભગવંત મહાવીર પધાર્યા, પર્ષદા નીકળી. શ્રેણિક નીકળ્યો. ધર્મકથા કહી, પર્ષદા પાછી ગઈ. ત્યારે શ્રેણિકે ભગવંત મહાવીરની પાસે ધર્મ સાંભળી, સમજીને ભગવંતને વંદન-નમન કર્યા. પછી પૂછ્યું - હે ભગવન્! આ ઇન્દ્રભૂતિ આદિ 14,000 શ્રમણોમાં કયા અણગાર મહા દુષ્કરકારક અને મહાનિર્જરાતરક છે ? હે શ્રેણિક ! તેઓમાં ધન્ય અણગાર મહાદુષ્કરકારક અને મહાનિર્જરાતરક છે. ભગવનએમ કેમ કહ્યું ? ધન્ય અણગાર મહાદુષ્કરકારક અને મહાનિર્જરાતરક છે ? હે શ્રેણિક! તે કાળે, તે સમયે કાકંદી નગરી હતી, યાવત્ ઉપરી પ્રાસાદે ધન્ય વિચરતો હતો. ત્યારે કોઈ દિવસે હું પૂર્વાનુપૂર્વી વિચરતા, ગ્રામાનુગ્રામ ચાલતા, કાકંદી નગરીએ સહસામ્રવન ઉદ્યાને આવ્યો. યથા પ્રતિરૂપ અવગ્રહ ગ્રહણ કર્યો. યાવત્ આત્માને સંયમથી ભાવિત કરતો વિચરતો હતો. પર્ષદા નીકળી યાવત્ ધન્યએ દીક્ષા લીધી. ઇત્યાદિ બધુ પૂર્વવત્ કહેવું. ધન્યમુનિના શરીરનું વર્ણન કરવું યાવત્ તે આવા શોભી રહ્યા છે. તેથી હે શ્રેણિક ! તેને યાવત્ મહાદુષ્કરકારી કહ્યા. ત્યારે શ્રેણિક રાજા, ભગવંત પાસે આ અર્થ સાંભળી, સમજી, હર્ષિત થઈ, ભગવંતને ત્રણ પ્રદક્ષિણા કરી, વાંદી-નમીને ધન્યમુનિ પાસે આવ્યો, આવીને ધન્યને ત્રણ વખત પ્રદક્ષિણા કરી, વાંદી-નમીને કહ્યું - આપને ધન્ય છે, આપ સુપુણ્ય, સુકૃતાર્થ અને કૃતલક્ષણ છો, જન્મ અને જીવનનું ફળ આપે પ્રાપ્ત કર્યું છે. એમ કહી વાંદી-નમી, ભગવંત પાસે આવી, ભગવંતને ત્રણ વખત વંદન-નમન કરીને, જે દિશામાંથી આવ્યા હતા તે દિશામાં પાછા ગયા. (12) ત્યારપછી તે ધન્યમુનિને કોઈ દિવસે મધ્યરાત્રિમાં ધર્મજાગરિકા કરતા આવા પ્રકારનો મનોગત સંકલ્પ થયો કે હું આ ઉદાર તપથી કૃશ થયો છું, ઇત્યાદિ કુંદકની જેમ જાણવું, તો ભગવંતને પૂછીને યાવત્ સ્થવિરો સાથે વિપુલ પર્વત ચડ્યા. માસિકી સંલેખના કરી, નવમાસનો સંયમ પર્યાય પાળ્યો યાવત્ કાળમાસે કાળ કરી, ઉપર ચંદ્રાદિથી ઊંચે, નવ રૈવેયકથી પણ ઘણે ઊંચે જઈને સર્વાર્થસિદ્ધ વિમાને દેવપણે ઉત્પન્ન થયા. તે રીતે જ સ્થવિરો ઊતર્યા યાવત્ ભગવંતને કહ્યું કે આ તે ધન્ય અણ ગારના ઉપકરણાદિ છે. ગૌતમસ્વામીનો પ્રશ્ન, ભગવંતનો ઉત્તર-સ્જદકની જેમ સર્વાર્થસિદ્ધ વિમાને ઉપજ્યા. ધન્યદેવની કાલસ્થિતિ ૩૩-સાગરોપમ. તે દેવલોકથી ચ્યવીને મહાવિદેહે ઉત્પન્ન થઈ મોક્ષે જશે. હે જંબૂ! શ્રમણ ભગવંતે પહેલા અધ્યયનનો આ અર્થ કહ્યો છે. વર્ગ-૩, અધ્યયન-૨ થી 10 સૂત્ર—૧૩ હે જંબૂ! તે કાળે, તે સમયે કાકંદી નગરીમાં ભદ્રા નામે આદ્યા સાર્થવાહી રહેતી હતી. તેણીને સુનક્ષત્ર નામે પૂર્ણ પંચેન્દ્રિય યાવત્ સુરૂપ, પાંચ ધાત્રીથી પાલન કરાતો, ધન્ય જેવો પુત્ર હતો. તેની જેમજ ૩૨-કન્યા સાથે લગ્ન થાવત્ ઉપરી પ્રાસાદમાં વિચરે છે. મુનિ દીપરત્નસાગર કૃત્ “(અનુત્તરોપપાતિકદશા)” આગમસૂત્ર ભાવાનુવાદ Page 10
