Agam 07 Uvasagdasao Angsutt 07 Moolam

Author(s): Dipratnasagar, Deepratnasagar
Publisher: Agam Shrut Prakashan

Page 58

मध्यण-८ वविउत्ताओ अट्ठ हिरण्णकोडीओ सकंसाओ पवित्थरपउत्ताओ अट्ट वया दसगोसाहस्सिएणं वएणं होत्था से ण महासत्तए गाहावई बहूणं जाव आपुच्छणिज्जे पडिपुच्छणिज्जे सयस्स वि य णं कुईबस्स मेढी जाव सव्वकज्जवड्ढावए यावि होत्या तस्स णं पहासतयस्स गाहावइस्स रेवतीपामोस्खाओ तेरस भारियाओ होत्था-अहीण-पडिपुन्न-पंचिंदियसरीराओ जाव माणुस्सए कामभोए पचणुभावमाणीओ विहरंति कोतस्स णे महासतयस्स रेवतीए मारियाए खोलहरियाओ अट्ट हिरण्णकोडीओ अट्ट वया दसगोसाहस्सिएण वएणं होत्था अवसेसाणं दुवालसण्हं भारियाणं कोलहरिया एगमेगा हिरण्णकोडी एगमेगे य वए दसगोसाहस्सिएणं वएणं होत्था ।४६/-45
(४९) तेणं कालेणं तेणं समएणं सामी समोसढे परिसा निग्गया [कणिए राया जहा तहा सेणिओ निग्गच्छइ जाव पजुवासइ तए णं से महाप्ततए गाहावई इसीसे कहाए लढे समाणे-एवं खलु सपणे भगवं महावीरे पुव्वाणुसुचि चरमाणे गामाणुगामं दूइज्जमाणे इहमागए इह संपत्ते इह समोसढे इहेव रायगिहस्स नयरस्स बहिया गुणसिलए चेइए अहापडिप्लवं ओग्गहं ओगिण्हित्ता संजमेणं तवसा अप्पाणं भावेपाणे विहाइ तं महप्फलं खलु भो देवाणुप्पिया तहारूवाणं आहंताणं भगवंताणं नापगोयस्स वि सवणया किसंग पुण अभिगमण-बंदण-नमंसण-पडिपुच्छणपज्जुवासणयाए एगस्स वि आरियस्स धम्मियस्स सुवयणस्स सवणयाए किमंग पुण विउलस्स अट्ठस्स्स गहणयाए तं गच्छामि णं देवाणुप्पिया समणं भागवं महावीरं वदामि नमसामि सकारेमि सम्मामि कल्लाणं मंगलं देवयं चेइयं पजुवासामि-एवं संपहेइ संपेहेत्ता हाए कयबलिकम्मे कयकोउयमंगल पायच्छिते सुद्धप्पावेसाई मंगलाई वत्थाई पवर परिहिए अप्पमहग्धाभरणालंकियसरीरे सयाओ गिहाओ पडिणिक्खमइ पडिणिक्खमित्ता सकोरेंटमल्लदामेणं छत्तेणं धरिजमाणेणं मणुम्सबग्गुरापरिक्खरो पादविहारवारेणं रायगिहं नयरं मझमझेणं निग्गच्छइ निग्गछित्ता जेणामेव गणसिलए चेइए जेणेव समणे भगवं महावीरे तेणेव उवागच्छइ उवागच्छिता समणं भगवं महावीरं तिक्खुतो आयाहिण-पयाहिणं करेइ करेता वंदइ नमसइ चंदित्ता नमंसित्ता नच्चासपणे नाइरेसुस्सूसमाणे नमसमाणे अभिमुहे विणएणं पंजलिउडे पझुवासइ ।
तए णं समणे भगवं पहावीरे महासतयस्स गाहावइयस्स तीसे य महइमहालियाए परिसाए जाव धम्म परिकहेइ परिसा पडिगया राया य गए तए णं महासतए गाहावई समणस्स भगवओ महावीरस्स अंतिए धम्मं सोचा निप्तमं हटतह-चित्तपाणंदिएपीइमणे परमसोमणस्सिए हरिसवसविसप्पमाणहियए उठाए उट्टेइ उद्वेता समणं भगवं महावीरं तिक्खुत्तो आयाहिण-पयाहिणं करेइ करेत्ता दइ नमसइ वंदित्ता नमंसित्ता एवं वयासी-सद्दहामि णं भंते निग्गंयं पावयणं पतियामिणं भंते निगंध पावयणं रोएमि णं भंते निगंयं पावयणं अमुडेमि णं मंते निग्गंथं पावयणं एवमेयं मंते तहमेवं मंते अवितहमेयं भंते असंदिद्धमेयं भंते इच्छियमेयं भंते पडिच्छियमेयं मंते इच्छियपडिच्छियमेयं भंते से जहेयं तुझे वदह जहा णं देवाणुप्पियाणं अंतिए बहवे राईसर-तलवरमाईबिय-कोडुंबिय-इब्म-सेटि सेणावइ-सत्यवाहपभिइया मुंडा भवित्ता अगाराओ अणगारियं पब्बइया नो खलु अहं तहा संचाएमि मुंडे पवित्ता अगाराओअणगारियंपच्वइत्तए अहंणं देवाणुप्पियाणं अंतिए पंचाणुब्बइयं सत्तसिक्खावइयं-दुवालसविहं सावगधम्म पडिवजिस्सामि अहासुहं देवाणुप्पिया पा पडिबंध कोहि तए णं से महाप्ततए गाहावई समणस्स भगवओ महावीरस्स अंतिए] साययधर्म पडियाइ नवरं-अट्ट हिरण्णकोडीओ सकंसाओ अट्ट वया रेवतीपामोक्खाहिं