Agam 07 Ang 07 Upashak Dashang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 12

(७) उवासगदसाओ १ अ. आणन्द [3]
तयाणन्तरं च णं थूलगस्स मुसावायवेरमणस्स पश्च अइयारा जाणियव्वा न समायरियव्वा तं० सहसा अन्भक्खाणे रहसा अब्भक्खाणे सदारमन्तभेए मोसोवएसे कूडलेहकरणे (कन्नालियं गवालियं भूमालियं नासावहारे कूडसकिखज्जं संधिकरणे पा० ), तयाणन्तरं च णं थूलगस्स अदिण्णादाणवेरमणस्स पञ्च अइयारा जाणिव्वा न समायरियव्वा तं० तेणाहडे तक्करप्पओगे विरूद्धरज्जाक्कमे कूडतुलकूडमाणे तप्पडिरूवगववहारे, तयाणन्तरं च णं सदारसन्तोसीए पञ्च अइयारा जाणिव्वा न समायरियव्वा तं० इत्तरिंपरिग्गहियागमणे अपरिग्गहियागमणे अङ्गकिड्डा परविवाहकरणे कामभोगतिव्वाभिलासे, तयाणन्तरं च णं इच्छापरिमाणस्स समणोवासएणं पञ्च अइयारा जाणियव्वा न समायरियव्वा तं०-खेत्तवत्थुपमाणाइक्कमे हिरण्णसुवण्णपमाणाइक्कमे दुपयचउप्पयपमाणाइक धणधन्नपमाणाइकम्मे कुवियपमाणाइकम्मे, तयाणन्तरं च णं दिसिवयस्स पञ्च अइयारा जाणियव्वा न समायरियव्वा तं० उड् ढ दिसिपमाणाइक्कमे अहोदिसिपमाणाइक्कमे तिरियदिसिपमाणाइक्कमे खेत्तवुड्ढी सइअन्तरद्धा, तयाणन्तरं च णं उवभोगपरिभोगे दुविहे पं० तं० - भोयणओ य कम्मओ य, तत्थ भोयणओ समणोवासएणं पञ्च अश्यारा जाणियव्वा न समायरियव्वा तं० सचित्ताहारे सचित्तपडिबद्धाहारे अप्पउलिओसहिभक्खणया दुप्पउलिओससहिभक्खणया तुच्छोसहिभक्खणया, कम्मओ णं समणोवासएणं पणरस कम्मदाणाई जाणियव्वाई न समायरियव्वाइं तं०- इङ्गालकम्मे वणकम्मे साडीकम्मे भाडीकम्मे फोडीकम् दन्तवाणिज्जे लक्खवाणिज्जे रसवाणिज्जे विसवाणिज्जे के सवाणिज्जे जन्तपीलणकम्मे निल्लञ्छणकम्मे दवग्गिदावणया सरदहतलागपरिसोसणया असईजणपोसणया, तयाणन्तरं च णं अणट्टदण्डवेरमणस्स समणोवासएणं पञ्च अइयारा जाणियव्वा न समायरियव्वा तं० कन्दप्पे कुक्कुइए मोहरिए सत्ताहिगरणे उवभोगपरिभोगाइरित्ते, तयाणन्तरं च णं सामाइयस्स समणोवासएणं पञ्च अइयारा जाणियव्वा न समायरिव्वा तं०- मणदुप्पणिहाणे वयदुप्पणिहाणे का दुप्पणिह सामाइयस्स सइअकरणया सामाइयस्स अणवट्ठियस्स करणया, तयाणन्तरं च णं देसावगासियस्स समणोवासएणं पञ्च अइयारा जाणियव्वा न समायरियव्वा तं० - आणवणप्पओगे पेसवणप्पओगे सद्दाणुवाए रूवाणुवाए बहियापोग्गलपक्खेवे, तयाणन्तरं च णं पोसहोववासस्स समणोवासएणं पञ्च अइयारा जाणियव्वा न समायरियव्वा तं०-अप्पडिले हियदुप्पडिले हियसिज्जासंथारे अप्पमज्जियदुप्पमज्जियसिज्जासंथारे अप्पडिले हियदुप्पडिले हियउच्चारपासवणभूमी अप्पमज्जियदुप्पमज्जियउच्चारपासवणभूमी पोसहोववासस्स सम्मं अणणुपालणया, तयाणन्तरं च णं अहा (अतिहि ) संविभागस्स समणोवासएणं पञ्च अइयारा जाणियव्वा न समायरियव्वा तं०- सचित्तनिक् खेवण्या सचित्तपिहणया कालाइक्कमे परववदेसे मच्छरिया, तयाणन्तरं चणं अपच्छिममारणन्तियसंलेहणाझूहणाराहणाए पञ्च अइयारा जाणिवव्वा न समायरियव्वा तं० - इहलोगासंसप्पओगे परलोगासंसप्पओगे जीवियासंसप्पओगे मरणासंसप्पओगे कामभोगासंसप्पओगे | ७ | तए णं से आणन्दे गाहावई समणस्स भगवओ महावीरस्स अन्तिए पंचाणुव्वइयं सत्तसिक्खावइयं दुवालसविहं सावयधम्मं पडिवज्जित्ता समणं भंगवं महावीरं वन्दइ नमसइ त्ता एवं वयासी- नो खलु मे भन्ते ! कप्पइ अज्जप्पभिइ अन्नउत्थिए वा अन्नउत्थियदेवयाणि वा अन्नउत्थियपरिग्गहियाणि अरिहंतचेइयाई वा वन्दित्तए वा नमंसित्तए वा पुव्विं अणालत्तेणं आलवित्तए वा संलवित्तए वा, तेसिं असणं वा पाणं वा खाइमं वा साइ वा दाउ वा अणुप्पदाडं वा नन्नत्थ रायाभिओगेणं गणाभिओगेणं बलाभिओगेणं देवयाभिओगेणं गुरूनिग्गहेणं वित्तिकन्तारेणं, कप्पइ मे समणे निग्गंथेफासुएणं एसणिज्जेणं असणपाणखाइमसाइमेणं वत्थपडिग्गहकम्बलपायपुञ्छणेणं पीढफलगसिज्जासंथारएणं ओसहभेसज्जेण य पडिलाभेमाणस्स विहरित्तएत्तिकट्टु इमं एवं अभिग्ग अभिगिण्हइ त्ता पसिणाई पुच्छइ त्ता अट्ठाई आदियइ त्ता समणं भगवं महावीरं तिक्खुत्तो वन्दइ (१२२) त्ता समणस्स भगवओ महावीरस्स अन्तियाओ दूईपलासाओ चेइयाओ पडिणिक्खमइ त्ता जेणेव वाणियगामे नयरे जेणेव सए गिहे तेणेव उवागच्छइ त्ता सिवानन्दं भारियं एवं वयासी एवं खलु देवाप्पिये! मए समणस्स भगवओ महावीरस्स अन्तिए धम्मे निसन्ते. सेविय धम्मे मे इच्छिए पडिच्छिए अभिरूइए, तं गच्छ णं तुमं देवाणुप्पिया ! समणं भगवं महावीरं वन्दाहि जाव पज्जुवासाहि. समणस्स भगवओ महावीरस्स अन्तिए पञ्चाणुव्वइयं सत्तसिक्खावइयं दुवालसविहं गिहिधम्मं पडिवज्जाहि | ८ | तए णं सा श्री आगमगुणमंजूषा - ६१८
ॐ
F