Agam 07 Ang 07 Upashak Dashang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 28

TORO男男男男男男男男男男明,
(७) उवासगदसाओ ८ महासयए [१७]
明明明明明听听听听听听听听听听感
C}乐听听听听听听听听听听听听听听听听听听听听听听听听听听听听听听听听听听听听听听听听听听听听听C
सद्धिं उरालाइं जाव भुञ्जमाणे नो विहरसि?, तएणं से महासयए समणोवासए रेवईए गाहावइणीए एयम8 नोआढाइ नो परियाणाइ अणाढायमाणे अपरियाणमाणे तुसिणीए धम्मज्झाणोवगए विहरइ, तएणं सारेवई गाहावइणी महासययं समणोवासयं दोच्चंपितच्वंपि एवं व०. हंभोतं चेव भणइ सोवि तहेव जाव अणाढायमाणे अपरियाणमाणे विहरइ, तएणं सा रेवई गाहावइणी महासयएणं समणोवासएरं अणाढाइज्नमाणी अपरियाणिज्जमाणी जामेव दिसंपाउब्भूया तामेव दिसं पडिगया ५० । तए णं से महासयए समणोवासए पढम उवासगपडिमं उवसम्पज्जित्ताणं विहरइ, पढम० अहासुत्तंजाव एक्कारसऽवि, तएणं से महासयए समणोवासए तेणं उरालेणंजाव किसे धमणिसन्तए जा,, तएणं तस्स महासययस्स समणोवासयस्स अन्नया कयाई पुव्वरत्तावरत्तकाले धम्मजागरियं जागरमाणस्स अयं अज्झत्थिए। एवं खलु अहं इमेणं उरालेणं जहा आणन्दो तहेव- अपच्छिममारणन्तियसंलेहणाझूसियसरीरे भत्तपाणपडियाइक्खिए कालं अणवकङ्खमाणे विहरइ, तए णं तस्स महासयगस्स समणोवासगस्स सुभेणं अज्झवसाणेणं जाव खओवसमेणं ओहिणाणे समुप्पन्ने पुरत्थिमेणं लवणसमुद्दे जोयणसाहस्सियं खेत्तं जाणइ पासइ, एवं दक्खिणेणं पच्चत्थिमेणं उत्तरेणं जाव चुल्लहिमवन्तं वासहरपव्वयं जाणइ पासइ अहे इमीसे रयणप्पभाए पुढवीए लोलुयच्चुयं नरयं चउरासीइवाससहस्सट्ठिइयं जाणइ पासइ । ५१ । तए णं सा रेवई गाहावइणी अन्नया कयाई मत्ता जाव उत्तरिज्जयं विकड्ढेमाणी २ जेणेव महासयए समणोवासए तेणेव उवागच्छइ त्ता महासययं तहेव भणइ जाव दोच्वंपि तच्चंपि एवं व०- हंभो तहेव, तए णं से महासयए समणोवासए रेवईए गाहावइणीए दोच्चंपि तच्चपि एवं वुत्ते समाणे आसुरुत्ते० ओहिं पउञ्झइत्ता ओहिणा आभोएइ त्ता रेवई गाहावइणिं एवं व०- हंभो रेवइ ! अपत्थियपत्थिए० एवं खलु तुम अन्तो सत्तरत्तस्स अलसएणं वाहिणा अभिभूया समाणी अट्टदुहट्टवसट्टा असमाहिपत्ता कालमासे कालं किच्चा अहे इमीसे रयणप्पभाए पुढवीए लोलुयच्चुए नरए चउरासीइवाससहस्सट्ठिइएसुनेरइएसुनेरइयत्ताए उववज्जिहिसि, तए णं सा रेवई गाहावइणी महासयएणं समणोवासएणं एवं वूत्ता समाणी एवं व०- रुढे णं ममं महासयए समणोवासए हीणे णं ममं महासयए समणो० अवज्झायाणं अहं महासयएणं समणोवासएणं न नज्जइणं अहं केणवि कुमारेणं मारिज्जिस्सामित्तिकट्ट भीया तत्था तसिया उव्विग्गा सञ्जायभया सणियं २ पच्चोसक्कइ त्ता जेणेव सए गिहे तेणेव उवागच्छइ त्ता ओहय जाव झियाइ, तए णं सा रेवई गाहावइणी अन्तो सत्तरत्तस्स अलसएणं वहिणा अभिभूया अय्टदुट्टवसट्टा कालमासे कालं किच्चा इमीसे रयणप्पभाए पुढवीए लोलुयच्चुए नरए चउरासीइवाससहस्सट्ठिइएसु नेरइएसु नेरइयत्ताए उववन्ना ।५२ । तेणं कालेणं० समणे भगवं महावीरे समोसरणं जाव परिसा पडिगया, गोयमाइ ! समणे भगवं महावीरे० एवं व०- एवं खलु गोयमा ! इहेव रायगिहे नयरे ममं अन्तेवासी महासयए नाम समणोवासए पोसहसालाए अपच्छिममारणन्तियसंलेहणाझूसणाझसियसरीरे भत्तपाणपडियाइक्खिए कालं अणवकङ्खमाणे विहरइ, तए णं तस्स महासयगस्स रेवई गाहावइणी मत्ता जाव विकड्ढेमाणी २ जेणेव पोसहसाला जेणेव महासयए तेणेव उवागच्छइत्ता मोहुम्माय जाव एवं व०- तहेव
जाव दोच्चंपि एवं व०, तए णं से महासयए समणोवासए रेवईए गाहावइणीए दोच्चपि तच्चंपि एवं वुत्ते समाणे आसुरुत्ते० ओहिं पउञ्जइ त्ता ओहिणा आभोएइ त्ता म रेवई गाहावइणिं एवं व०- जाव उववज्जिहिसि, नो खलु कप्पइ गोयमा ! समणोवासगस्स अपच्छिमजावझूसियसरीरस्स भत्तपाणपडियाइक्खियस्स परो
सन्तेहिं तच्चहि तहिएहिं सब्भूएहिं अणिटेहिं अकन्तेहिं अप्पिएहिं अमणुण्णेहिं अमणामेहिं वागरणेहिं वागरित्तए, तं गच्छ णं देवाणुप्पिया ! तुमं महासययं समणोवासयं एवं वयाहि- नो खलु देवाणुप्पिया ! कप्पइ समणोवासगस्स अपच्छिम जाव भत्तपाणपडियाइ क्खियस्स परो सन्तेहिं जाव वागरित्तए, तुमे यणं देवाणुप्पिया ! रेवई गाहावइणी सन्तेहिं० अणिटेहिं० वागरणेहिं वागरिया तं णं तुम एयस्स ठाणस्स आलोएहि जाव जहारिहं च पायच्छित्तं पडिवज्जाहि, तए णं
से भगवं गोयमे समणस्स भगवओ महावीरस्स तहत्ति एयमढे विणएणं पडिसुणेइत्ता तओ पडिणिक्खमइत्ता रायगिहं नयरं मज्झंमज्झेणं अणुप्पविसइ त्ता जेणेव म महासयगस्स समणोवासयस्स गिहे जेणेव महासयए समणोवासए तेणेव उवागच्छइ, तए णं से महासयए समणोवासए भगवं गोयम एज्जमाणं पासइ त्ता १ हट्ठजावहियए भगवं गोयमं वन्दइ नमसइ, तए णं से भगवं गोयमे महासययं समणो० एवं व०- एवं खलु देवाणुप्पिया ! समणे भगवं महावीरे एवमाइक्खइ भासइ Morro9999999 9999999 श्री आगमगुणमंजूषा-७१२ 95555555555555555555 HOOR
MONOFFFF味玉清兵士事頃あまあお国事555555%FFF5F5F5sFFFFFFFFFFFF