Agam 03 Thanam Angsutt 03 Moolam

Author(s): Dipratnasagar, Deepratnasagar
Publisher: Agam Shrut Prakashan

Page 148

नवमं ठाणं
१३१ भवति इस्थिठाणाइं सेवित्ता भवति इत्थीणं इंदियाइ [मनोहराई मनोरमाई आलोइत्ता निज्झाइत्ता भवति पणीयरसभोइ भवति पाणभोयणस्स अइसायमाहारए सया भवति पुब्वरयं पुव्वकीलियं सरित्ता भवति सद्दाणुवाई रूवाणुवाई सिलोगाणुवाई भवति सायासोक्खपडिवद्धे यावि भवति ।६६३।-663
(८०३) अभिनंदणाओ णं अरहओ सुमती अरहा नवहिं सागरोवमकोडीसयसहस्सेहि वीइक्कतेहिं समुप्पण्णे |६६४१-664
(८०४) नव समावपयत्था पण्णता तं जहा-जीवा अजीवा पुण्णं पावं आसवो संवरो निझरा यंधो मोक्खो ।६६५/-665
(८०५) नवविहा संप्तारसमावण्णगा जीवा पण्णत्ता तं जहा-पुढविकाइया [आउकाइया तेउकाइया वाउकाइया] वणस्सइकाइया वेइंदिया [तेइंदिया चउरिदिया] पंचिंदिया पढविकाइया नवगतिया नवआगतिया पण्णता तं जहा-पुढविकाइए पुढविकाइएसु उववजमाणे पुढविकाइएहितो वा [आउकाइएहिंतो वा तेउकाइएहिंतो वा वाउकाइएहिंतो वा वणस्सइकाइएहिंतो वा वेइंदिएहिंतो वा तेइंदिएहितो वा चउरिदिएहिंतो वा पंचिंदिएहिंतो वा उबवजेज्जा से चेव णं से पुढविकाइए पुढबिकायत्तं विप्पजहमाणे पुढविकाइताए वा [आउकाइयताए वा तेउकाइयत्ताए या वाउकाइयत्ताए वा] यणस्सइकाइयत्ताए वा बेइंदियत्ताए वा तेइंदियताए वा चरिदियत्ताए वा पंचिंदियत्ताए वा गछेज्जा एवमाउकाइयावि जाव पंचिंदियत्ति नवविधा सब्बजीवा पण्णता तं जहा-एगिदिया वेइंदिया तेइंदिया बउरिदिया नेरइया पंच दियतिरिक्खजोणिया मणुय देवा सिद्धा अहवा-नवविहा सव्यजीवा पण्णत्ता तं जहा-पढमसमयनेरइया अपढमसमयनेरइया [पढमसमयतिरिया अपढमसमयतिरिया पढमसमयमणुया अपढमसमयमणुया पदमसमयदेवा] अपढमसमयदेवा सिद्धा, नवविहा सव्वजीबोगाहणा एण्णता तं जहा-पूढविकाइओगाहणो [आउकाइओगाहणा तेउकाइओगाहणा बाउकाइओगाहणा| वणस्सइकाइओगाहणा बेइंदियओगाहणा तेइंदियओगाहणा चउरिदियओगाहणा पंचिंदियओगाहणा जीवा णं नवहिं ठाणेहिं संसारं वत्तिंसु वा वत्तंति वा बत्तिस्संति वा तं जहा-पुढविकाइताए [आउकाइयत्ताए तेउकाइयताए वाउकाइयताए वणस्सइकाइयत्ताए बेइंदियत्ताए तेइंदियत्ताए चरिदियत्ताए] पंचिंदियत्ताए ।६६६।-666
(८०६) नवहिं ठाणेहिं रोगुष्यत्ती सिया तं जहा-अच्चासणयाए अहितासणयाए अतिनिदाए अतिजागरितेणं उच्चारनिरोहेणं पासवणनिरोहेणं अद्धाणगममेणं भोयणपडिकूलताए इंदियत्थचिकोवणवाए १६६७।-667
(८०७) नवविधे दरिसणावरणिज्जे कम्मे पन्नत्ता तं जहा-निद्दा निद्दानिद्दा पयला पयलापयला थीणगिद्धी चक्खुदसणावरणे अवखुदंसणावरणे ओहिदंसणावरणे केवलदसणावरणे।६६८1-668
(८०८) अभिई णं नक्खत्ते सातिरेगे नवमुत्ते चंदेण सद्धिं जोगं जोएति अभिइआइया णं नव नक्खत्ता णं चंदस्स उत्तरेण जोगं जोएंति तं जहा-अभिई सवणो घणिट्ठा सयभिसया पुव्वाभद्दवया उत्तरापोट्टवया रेवई अस्सिणी भरणी ।६६९।-869
(८०९) इमीसे णं रयणप्पभाए पुढवीए बहुसमरमणिज्जाओ भूमीभागाओ नव जोअणसताई उड्ढं अयाहाए उवरिले तारारूवे चारं चरति ।६७०/-670