Aatmsiddhi Anushilan

Author(s): Fulchandra Jain Shastri
Publisher: Shyam Samadhi Ashram

Page 6

પ્રસ્તાવના...
અધ્યાત્મ મહાયોગી શ્રીમદ્ રાજચંદ્રજી દ્વારા રચિત આત્મસિદ્ધિ શાસ્ત્રના મર્મને સમજવા માટે “આત્મસિદ્ધિ અનુશીલન' આત્માર્થી જીવને અત્યંત ઉપયોગી દેન છે. આત્મસિદ્ધિ શાસ્ત્ર એક પવિત્ર ગ્રંથ છે તેમજ જિનાગમનો સાર છે. આત્મસિદ્ધિ શાસ્ત્રના રચયિતા શ્રીમદ્ રાજચંદ્રજી એક માનીતા પવિત્ર આત્યાત્મિક લોક વિખ્યાત ગુરુ છે. એમનું આયુષ્ય ઘણું અલ્પ હતું. તેમનો જન્મ સન્ ૧૮૬૮ ગુજરાતના વવાણિયા ગામે થયો હતો. તેઓ ૩૩ વર્ષની નાની ઉંમરે દેહાવસાન પામ્યા. તેમના જીવનકાળ દરમિયાન તેમણે સત્યને પ્રત્યક્ષરૂપે જોયું હતું. તેમણે પામેલા સત્યની સમજણ પોતાના માનીતા અનુયાયીઓને પણ આપી. તેમાં મહાત્મા ગાંધી પણ એક હતા. બહુ ઓછા લોકો એ વાતને જાણે છે કે મહાત્મા ગાંધી જેવા મહાન વ્યક્તિ - શ્રીમદ્જીના આધ્યાત્મિક વિષયો દ્વારા આકર્ષિત થયા હતા. મહાત્મા ગાંધી અનેક ધર્મગુરુના સંપર્કમાં આવ્યા હતા, પણ કોઈ ધર્મગુરુ તેમને પ્રભાવિત કરી શક્યા નહિ. ગાંધીજી તો ટોલ્સટોય તથા રસ્કિન જેવા દાર્શનિક કરતા પણ શ્રીમદ્જીથી વધુ પ્રભાવિત થયા હતા. મહાત્મા ગાંધીજીએ આધ્યાત્મિક તથા ધાર્મિક જીવન જીવ્યું તેમાં તેમને શ્રીમદ્જીના પત્રો મદદરૂપ બન્યા હતા.
શ્રીમદ્ રાજચંદ્રજી બાહ્ય જીવનમાં એક માનીતા પ્રામાણિક વેપારી હતા પરંતુ તેમનું આંતરિક જીવન તો સાધુ જેવું હતું. તેઓ રત્નોની પેઢીમાં ભાગીદાર હતા. તેઓ ઝવેરીના રૂપમાં પોતાના કાર્યમાં ઘણા જાણકાર હતા. તેમણે દેશ-વિદેશમાં વેપારનો બહુ મોટો ભાર સંભાળ્યો હતો. જો કે એવું તો ભાગ્યે જ જોવામાં આવતું હોય છે કે કોઈ વ્યક્તિ સત્ય ધર્મીની સાથે સાથે સાચા વેપારી પણ હોય. તેમણે લોકોની એ માન્યતાને ખોટી પાડી કે એક સફળ વેપારી સિદ્ધાંતવાદીન રહી શકે. તેઓ જિનેન્દ્ર ભગવાનના સાચા અનુયાયી હતા. તેમને નિજાત્માનો સમ્યક્ અનુભવ, જ્ઞાન તથા પ્રતીતિ હતી.
5
5