________________ જૈન તથા જૈનેત્તર સમાજમાં પ્રખ્યાત વિદ્વાન, પ્રવચનકાર, લેખક તથા તત્ત્વચિંતક સરશ્રી પંડિત ફૂલચંદ શાસ્ત્રીનો જન્મ ગુજરાતના ભાવનગર જિલ્લાના ઉમરાળા ગામમાં શનિવાર, 25 જુલાઈ ૧૯૮૧ના શુભદિને એક ધાર્મિક પરિવારમાં થયો હતો. પંડિત ફૂલચંદ શાસ્ત્રી આધ્યાત્મિક ક્રાંતિકારી સંતશ્રી શ્યામદેવસ્વામી તથા માતાજી રતનદેવીના સુપત્ર તથા અધ્યાત્મરસિક શ્રી કિશોરભાઈ તથા શ્રીમતી નિર્મળાબેનના મધ્યમ સુપુત્ર છે. પરમ પૂજ્ય આધ્યાત્મિક યુગપુરુષ સદ્ગુરુદેવશ્રી કાનજીસ્વામીના અનન્યતમ શિષ્ય ડૉ. હુકમચંદજી ભારિત્સ, આપના વિદ્યાગુરુ છે. આપ 14 વર્ષની બાળવયે શ્રી ટોડરમલ દિગંબર જૈન સિદ્ધાંત મહાવિદ્યાલયમાં તત્ત્વાભ્યાસ માટે જયપુર ગયા. ત્યાં પાંચ વર્ષ સુધી અભ્યાસ કરી “પંડિત'ની પદવી પ્રાપ્ત કરી તથા રાજસ્થાન વિશ્વવિદ્યાલય, જયપુરદ્વારા શાસ્ત્રી'ની પદવી મેળવી. સન્ ૨૦૦૧થી મુંબઈમાં સ્થાયી થઈ આપ ધાર્મિક પ્રવચન પ્રવૃત્તિ ચલાવો છો. વર્તમાનમાં મુંબઈમાં વિભિન્ન ૧૦૦થી પણ વધુ સ્થાનો પર, હજારો લોકોને પ્રતિમાસ લગભગ 300 પ્રવચનો આપો છો. * આજ સુધી આપે મનુષ્યભવની મહત્તા-દુર્લભતા-સાર્થકતા, જીવન જીવવાની કળા, સાચા સુખની પરિભાષા, બાળકોમાં ધાર્મિક સંસ્કારનું સિંચન, અહિંસા તથા શાકાહાર, જૈનવિજ્ઞાન, સદાચાર, વિશ્વની સ્વતંત્રતા, ધર્મનો મર્મ, આત્મસિદ્ધિ, સમાધિમરણ વગેરે અનેક મહત્વપૂર્ણ વિષયો પર અત્યંત સરળ ભાષા તથા સુબોધ શૈલીમાં ૧૪૦૦૦થી પણ વધુ માર્મિક પ્રવચનો આપેલ છે. ધર્મ પ્રચારાર્થે અનેકવાર વિદેશયાત્રાઓ કરી આપ દેશ સહિત વિદેશોમાં પણ લોકપ્રિય થયા છો. આપ ગુજરાતી, હિન્દી, સંસ્કૃત, અંગ્રેજી, મરાઠી ઉપરાંત ફ્રેંચ, ઇંડોનેશિયન, મલય, ચાઈનીઝ તથા મેંડેરીન વગેરે અનેક ભાષાના જાણકાર છો અને તે ભાષામાં આપના પ્રવચનોની વિડિયો તથા ઓડિયો સીડી ઉપલબ્ધ છે. અલ્પવયે આવી અનેક સિદ્ધિઓ મેળવનારઆપ વિશ્વના સર્વપ્રથમ તત્ત્વવેત્તા છો.
