Aagam Manjusha 11 Angsuttam Mool 11 Vivagsuyaam

Author(s): Anandsagarsuri, Sagaranandsuri
Publisher: Deepratnasagar

Page 4

हिणं करेवि त्ता वंदति नमंसति त्ता जाव फजुवासति त्ता एवं व०-११। जति णं भंते ! समणेणं भगवया महावीरेणं जाव संपत्तेणं दसमस्स अंगस्स पण्हावागरणाणं अयमढे पं० एकारसमस्स णं मंते! अंगस्स विवागसुयस्स समणेणं जाव संपत्तेणं के अट्ठे पं०?. तते णं अजसुहम्मे अणगारे जंबू अणगारं एवं व०-एवं खलु जंबू ! समणेणं जाव संपत्तेणं एक्कारसमस्स अंगस्स विवागसुयस्स दो सुयक्खंधा पं० तं०-दुहविवागा यमुहविवागा य, जति णं मंते ! समणेणं जाव संपत्तेणं एकारसमस्स अंगस्स विवागसुयस्स दो सुयक्खंधा पं० तं०-दुहविवागा य सुहविवागा य पढमस्स णं भंते! सुयक्खंधस्स दुहविवागाणं समणेणं जाच संपत्तेणं कइ अज्झयणा पं०१, तते णं अजसुहम्मे अणगारे जंबू अणगारं एवं व०-एवं खलु जंबू! समणेणं जाव संपत्तेणं दुहविवागाणं दस अज्झयणा पं०- मियाउत्ते उज्झियते अभग्ण सगडे वहस्सती नंदी। उंचर सोरियदत्ते य देवदत्ता य अंजू य १०॥१॥ जति णं भंते ! समणेणं जाव संपत्तेणं दुहविवागाणं दस अज्झयणा पं०२०- मियाउत्ते जाव अंजू य पढमस्स णं भंते! अज्झयणस्स दुहविवागाणं समणेणं जाव संपत्तेणं के अढे पं०?, तते णं से सुहम्मे अणगारे जंबू अणगारं एवं व०-एवं खलु जंबू ! तेणं कालेणं० मियग्गामे णामं णगरे होत्या वण्णओ, तस्सणं मियग्गामस्स णगरस्स बहिया उत्तरपुरच्छिमे दिसीभाए चंदणपायवे णाम उजाणे होत्था सञ्बोउय० वण्णओ, तत्थ णं सुहम्मस्स जक्खस्स जक्खाययणे होत्था चिरातीए जहा पुण्णभद्दे, तत्थ णं मियग्गामे णगरे विजए णामं खनिए राया परिवसति वण्णओ, तस्स णं विजयस्स खत्तियस्स मिया णामं देवी होत्था अहीण० वण्णओ, तस्स णं विजयस्स खत्तियस्स पुत्ते मियादेवीए अत्तए मियापुत्ते नामं दारए होत्था जातिअंधे जातिमूए जातिबहिरे जातिपंगुले हुंडे य वायवे, नत्थि णं तस्स दारगस्स हत्था वा पाया वा कण्णा वा अच्छी वा नासा वा, केवलं से तेसिं अंगोवंगाणं आगिई आगितिमित्ते, तते णं सा मियादेवी तं मियापुत्तं दारगं रहस्सियंसि भूमिघरंसि रहस्सितेणं भत्तपाणएणं पडिजागरमाणी विहरति ।२। तत्थ णं मियग्गामे णगरे एगे जातिअंधे पुरिसे परिवसति, से णं एगेणं सचक्खुतेणं पुरिसेणं पुरतो दंडएणं पगड्ढिजमाणे२ फुट्टहडाहडसीसे मच्छियाचडगरपहकरेणं अपिणजमाणमग्गे मियग्गामे णगरे गिहे २कालणवडियाए वित्ति कप्पेमाणे विहरति, तेणं कालेणं. समणे भगवं महावीरे जाव समोसरिते जाव परिसा निग्गया, तते णं से विजये खत्तिए इमीसे कहाए लबडे समाणे जहा कृणिए तहा निम्गते जाव पज्जुवासति, तते णं से जातिअंधे पुरिसे तं मयाजणसहं च जाव सुणेत्ता तं पुरिसं एवं व०-किण्णं देवाणुप्पिया! अज्ज मियग्गामे नयरे इंदमहेति वा जाव निग्गच्छति?, तते णं से पुरिसे तं जातिअंधपुरिसं एवं व०नो खलु देवा० इंदमहे जाव निम्गए, एवं खलु देवाणुपिया! समणे जाव विहरति, तते णं एए जाव निग्गच्छति, तते णं से जातिअंधपुरिसे तं पुरिसं एवं व०-गच्छामो णं देवाणुप्पिया! अम्हेवि समणं भगवं जाव पज्जुवासामो, तते णं से जातिअंधपुरिसे पुरतो दंडएणं पगढिज्जमाणे २ जेणेव समणे भगवं महावीर तेणेव उवागते त्ता तिक्खुत्तो आयाहिणपयाहिणं करेति त्ता वंदति नमंसति त्ता जाव पज्जुवासति, तते णं समणे विजयस्स० तीसे य० धम्ममाइक्खइ० परिसा जाव पडिगया विजएवि गए।३। तेणं कालेणं० समणस्स जेट्टे अंतेवासी इंदभूती णामं अणगारे जाव विहरति, तते णं से भगवं गोतमे तं जातिअंधपुरिसं पासति त्ता जायसढे जाव एवं व०-अस्थि णं भंते ! केई पुरिसे जातिअंधे आय(जाइ)अंधारूवे?, हंता अस्थि, कहिं णं भंते! से पुरिसे जातिअंधे जातिअंधारूवे?, एवं खलु गोतमा ! इहेव मियम्गामे णगरे विजयस्स पुत्ते मियादेवीए अत्तए मियाउत्ते णामं दारए जातिअंधे जातिअंधारूचे, नत्थि णं तस्स दारगस्स जाव आगतिमित्ते, तते णं सा मियादेवी जाव पडिजागरमाणी २ विहरति, तते णं से भगवं गोतमे समणं भगवं महावीरं वंदति नमंसति
अब्भणण्णाते मियापत्तं दारयं पासित्तए, अहासहं देवाणप्पिया!. ततेणं से भगवं गोतमे समणेणं भगवया० अब्भणण्णाते समाणे हहतुडे समणस्स भगवओ महावीरस्स अंतितातो पडिनिक्समइ त्ता अतुरियं जाव सोहेमाणे २ जेणेव मियागामे गगरे तेणेव उवागच्छति त्ता मियग्गामं णगरं मझमझेणं अणुपविसइ त्ता जेणेव मियाए देवीए गिहे तेणेव उवागए, तते णं सा मियादेवी भगवं गोतमं एजमाणं पासति त्ता हट्ठ० जाव एवं व०-संदिसंतु णं देवाणुप्पिया! किमागमणपयोयणं?, तते णं भगवं गोतमे मियं देवि एवं व० अहष्णं देवाणुप्पिए ! तव पुत्तं पासित्तु हवमागते, तते णं सा मियादेवी मियापुत्तस्स दारगस्स अणुमग्गजायए चत्तारि पुत्ते सबालंकारविभूसिए करेति त्ता भगवतो गोतमस्स पाएसु पाडेति त्ता एवं व०-एएणं भंते ! मम पुत्ते पासह, तते णं से भगवं गोतमे मियं देवि एवं व०- नो खलु देवाणुप्पिए ! अहं एए तव पुत्ते पासिउं हवमागए, तत्य णं जे से तव जेट्टे पुत्ते मियापुत्ते दारए जातिअंधे जाव अंधारूवे जण्णं तुम रहस्सियंसि भूमिघरंसि रहस्सिएणं भत्तपाणेणं पडिजागरमाणी २ विहरसि तं णं अहं पासिउँहामागते, तते णं सा मियादेवी भगवं गोतमं एवं व० सेकेणं गोतमा! से तहारूवेणाणी वा तवस्सी वा जेणं तव एसमढे मम ताव रहस्सकते तुम्मे हबमक्खाते जतो गं तुम्भे जाणह !, तते णं भगवं गोतमे मियं देवि एवं व०-एवं खलु देवाणुप्पिए! मम धम्मायरिए० समणे भगवं महावीरे जाव ततो णं अहं जाणामि, जावं च णं मियादेवी भगवया गोतमेणं सदि ५३७ विपाकश्रुतांग, म 0 /
मुनि दीपरत्नसागर