Aagam Manjusha 11 Angsuttam Mool 11 Vivagsuyaam

Author(s): Anandsagarsuri, Sagaranandsuri
Publisher: Deepratnasagar

Page 13

यावि होत्या जाता २ दारगा विणिहायमावजंति, तते णं से छण्णिए छागलिए चउत्थीए पुढवीए अनंतरं उचट्टित्ता इहेब साहंजणीए णयरीए सुभद्दस्स सत्यवाहस्स भद्दाए भारियाए कुच्छिसि पुत्तत्ताए उबवण्णे, तते णं सा भद्दा सत्यवाही अण्णया कयाई णवण्हं मासाणं बहुपडिपुण्णाणं दारणं पयाया, तते णं तं दारगं अम्मापियरो जायमेत्तं चैव सगडस्स हेट्टओ ठवेंति त्ता दोबंपि गेण्हावेति अणुपुत्रेणं सारक्खति संगोति संबद्वैति जहा उज्झियए जाव जम्हा णं अम्हं इमे दारए जायमेत्तए चैव सगडस्स हेडओ ठविते तम्हा णं होउ णं अम्हं एस दारए सगडे नामेणं सेसं जहां उज्झियए, सुभद्दे लवणे कालगओ मायावि कालगता सेवि गिहाओ निच्छूटे, तते णं से सगडे दारए साओ गिहाओ निच्छूढे समाणे सिंघाडग० तहेब जाव सुदरिसणाए गणियाए सद्धिं संपलग्गे यावि होत्था, तते गं से सुसेणे अमचे तं सगडं दास्यं अण्णया कथाई सुदरिसणाए गणियाए गिहाओ निच्छुभावेति ता सुदंसणियं गणियं अग्भितरयं ठावेति त्ता सुदरिसणाए गणियाए सद्धिं उरालाई माणुस्सगाई भोगभोगाई भुंजमाणे विहरति, तते णं से सगडे दारए सुदरिसणाए गिहाओ निच्छूढे समाणे अण्णत्थ कस्थवि सतिं वा० अलभमाणे अण्णया कयाई रहस्सियं सुदरिसणागिहं अणुपविसति त्ता सुदरिसणाए सद्धिं उरालाई भोगभोगाई भुजमाणे विहरति इमं च णं सुसेणे अमचे पहाते जाव विभूसिते मणुस्वग्गुराए परिक्खिते जेणेव सुदरिसणागणियाए गिहे तेणेव उवा० तासग दारयं सुदरिसाए गणियाए सद्धिं उरालाई भोगभोगाई भुंजमाणं पासति ता आसुरुते जाव मिसिमिसेमाणे तिवलियं भिउडिं पिलाडे साह सगडं दारयं पुरिसेहिं गेण्हावेति ता अट्टि जाव महियं करेति ता अयओडगबंधणं करेति त्ता जेणेव महचंदे राया तेणेव उवा० करयल० जाव एवं व० एवं खलु सामी सगडे दारए ममं अंतेपुरंसि अवरदे, तते णं महचंदे राया सुसेणं अमचं एवं व० तुमं चेव णं देवाणु०! सगडस्स दारगस्स दंडं णित्रतेहि, तए गं से सुसेणे अमचे महचंदेणं रण्णा अम्भणुष्णाए समाणे सगडं दारयं सुदरिसणं च गणियं एएणं विहाणेणं वज्झं आणावेति तं एवं खलु गोतमा ! सगडे दारए पुरा पोराणाणं दुबिण्णाणं जाव विहरति । २१ । सगड़े णं भंते! दारए कालगते कहिं गच्छहिति कहिं उववज्जिहिति ?, गोठमा ! सगडे णं दारए सतावण्णं वासाई परमाउं पालयित्ता अजेव विभागावसेसे दिवसे एवं महं अजोमयं तत्तसमजोइभूयं इत्थिपडिमं अवयासाचिए समाणे कालमासे कालं किचा इमीसे रयणप्पभाए पुढवीए णेरइयत्ताए उववज्जिहिति से णं ततो अनंतरं उग्रहित्ता रायगिहे नगरे मातंगकुलंसि जमलत्ताए पश्चायाहिति, तते णं तस्स दारगस्स अम्मापियरो णिश्वत्तमारसाहस्स इमं एयारूचं गोण्णं णामधेज्जं करिस्संति तं०-होउ णं दारए सगडे णामेणं होऊ णं दारिया सुदरिसणा णामेणं, तते णं से सगडे दारए उम्मुकबालभावे जोडण० भविस्सति, तए णं सा सुदरिसणावि दारिया उम्मुकबालभावा विष्णाय जोवणगमणुप्पत्ता रूवेण य जोडणेण य लावण्णेण य उक्किट्ठा उकिदुसरीरा यावि भविस्सति, तए णं से सगडे दारए सुदरिसणाए रूपेण य जोडणेण य लावण्णेण य मुच्छिते. सुदरिसणाए भइणीए सद्धिं उरालाई माणुस्सगाई भोगभोगाई भुंजमाणे विहरिस्सति, तते गं से सगडे दारए अण्णया कयाई सयमेव कूडग्गाहतं उपसंपजित्ताणं विहरिस्सति, तते णं से सगडे दारए कूडग्गाहे भविस्सति अहम्मिए जाव दुप्पडियाणंदे एयकम्मे सुबहुं पावं जाव समज्जिणित्ता कालमासे कालं किया इमीसे रयणप्पभाए पुढवीए णेरइयत्ताए उबवण्णे संसारो तहेब जाव पुढवी, से णं ततो अनंतरं उड्डट्टित्ता वाणारसीए णयरीए मच्छत्ताए उववज्जिहिति से णं तत्थ मच्छिएहिं वधिए तत्थेव वाणारसीए णयरीए सेहिकुलंसि पुतत्ता पचायाहिति बोही पज्जा सोहम्मे महाविदेहे सिज्झिहिति०, निक्खेवो । २२ ॥ इति शकटाध्ययनं ४ ॥ जति णं भंते! पंचमस्स अक्षयणस्स उक्खेवो, एवं खलु जम्बू ! तेणं काले० कोसंबी णामं णगरी होत्था रिद्ध०, बाहि चंदोतरणे उज्जाणे सेयभद्दे जक्खे, तत्थ णं कोसंबीए नगरीए सवाणीए णामं राया होत्या महया०, मियावती देवी, तस्स णं सयाणीयस्स पुत्ते मियावतीए अत्तए उदायणे णामं कुमारे होत्था अहीण० जुवराया, तस्स णं उदायणस्स कुमारस्स पउमावती णाम देवी होत्या, तस्स णं सयाणीयस्स सोमदत्ते नामं पुरोहिए होत्था रिउवेद०, तस्स णं सोमदत्तस्स पुरोहियस्स वसुदत्ता णामं भारिया होत्या, तस्स णं सोमदत्तस्स पुत्ते वमुदत्ताए अत्तए बहस्सइदत्ते नाम दारए होत्था अहीण०, तेणं कालेणं० समणे भगवं महावीरे समोसरणं, वेणं कालेणं० भगवं गोतमे तहेव जाव रायमग्गं ओगाढे तहेब पासति हत्थी आसे पुरिसे मज्झे पुरिसं चिंता तहेव पुच्छति पुत्रभवं भगवं वागरेति एवं खलु गोतमा ! तेण कालेनं० इहेब जंबुद्दीवे दीवे भारहे वाले सङ्घओभद्दे णामं नगरे होत्या रिद्ध०, तत्य णं सवतोभद्दे नगरे जिवसत्तू णामं राया होत्या, तस्स णं जितसत्तुस्स रण्णो महेसरदत्ते नामं पुरोहिए होत्था रिउवेद० जाव असले या होत्था, तते णं से महेसरदत्ते पुरोहिते जितसत्तुस्स रण्णो रज्जबलविवद्धणट्टयाए कलाकलिं एगमेगं माहणदारगं एगमेगं खत्तियदारगं एगमेगं वइस्सदारगं एगमेगं सुददारगं गेव्हावेति ना तेसिं जीवंतगाणं चैव हिययउंडए गेण्हावेति त्ता जितसत्तुस्स रण्णो संतिहोमं करेति, तते णं से महेसरदत्ते पुरोहिते अहमिचउदसीस दुवे माहणखत्तियवेस्ससुददारगे चउन्हं मासाणं चत्तारि २ छन् मासाणं अट्ट २ संच्छरस्स सोलस २ जाहे जाहेविय णं जितसत्तू राया परवलेणं अभिजुज्झति ताहे ताहेवि य णं से महेसरदत्ते पुरोहिए असयं माहणदारगाणं अट्टसयं खत्तियदारगाणं असयं वइस्सदारगाणं अट्टसयं सुदारगाणं पुरिसेहिं गिण्हावेति ता तेसिं जीवंतगाणं चैव हियउंडए गेण्हावेति सा जितसत्तुस्स रण्णो संतिहोमं करेति, तते णं से परवलं खिप्पामेव विद्धंसेति वा पडिसेहिज्जति वा । २३। तते णं से महेसरदत्ते पुरोहिते एयकम्मे सुबहुं पावं जाव समजिणित्ता तीसं वाससयाई परमाउं पालयित्ता कालमासे कालं किच्चा पंचमाए पुढवीए उक्कोसेणं सत्तरससागरोवमद्वितिए नरगे उबवण्णे, से णं ततो अनंतरं उचट्टित्ता इहेब कोसंबीए णयरीए सोमदत्तस्स पुरोहितस्स वसुदत्ताए भारियाए पुत्तत्ताए उबवण्णे, तते णं तस् दारगस्स अम्मापितरो निवत्तवारसाहस्स इमं एयारूवं नामधिजं करेंति जम्हा णं अम्हं इमे दारए सोमदत्तस्स पुरोहियस्स पुत्ते वसुदत्ताए अत्तए तम्हा णं होउ अम्हं दारए वहस्सतिदत्ते नामेणं, तते गं से बहस्सतिदत्ते दारए पंचधातीपरिग्गहीते जाव परिवति, तते णं से बहस्सतिदत्ते उम्मुकबालभावे जोवण० विष्णाय होत्या, से णं उदायणस्स कुमारस्स पियबालवयंसे यावि होत्या सहजायए सहवयिए सहपंसुकीलियए, तवे णं से सथाणीए राया अण्णया कयाई कालधम्पुणा संजुत्ते, तते णं से उदायणे कुमारे बहूहिं राईसरजाक्सत्यवाहम्पभितीहिं सद्धिं संपरिवुडे रोयमाणे कंदमाणे विलवमाणे सयाणीयस्स रण्णो महया इट्टिसकारसमुदाएणं णीहरणं करेति ता बहूई लोड५४६ विपाकश्रुतांगं असणे-प
मुनि दीपरत्नसागर