Aagam Manjusha 01 Angsuttam Mool 01 Aayaro

Author(s): Anandsagarsuri, Sagaranandsuri
Publisher: Deepratnasagar

Page 10

याणप्पभिइसु पणिहिए चरे अप्पलीयमाणे दढे सव्वं गिन्धिं परिन्नाय, एस पणए महामुणी अइअञ्च सव्वओ संगं, न महं अस्थिति इय एगो अहं, अस्सि जयमाणे इत्थ विरए अणगारे सव्वओ मुंडे रीयंते, जे अचेले परिसिए संचिक्खइ ओमोयरियाए, से आकुट्टे वा हए वा लँचिए (प्र० लूसिए) या पलियं पकत्थ अदुवा पकत्थ अतहेहिं सहफासेहिं, इय संखाए एगयरे अन्नयरे अभिन्नाय तितिक्खमाणे परिवए, जे य हिरी अहिरीमाणा (प्र० मणा)।१८०। चिच्चा सवं विसुनियं फासे समियदंसणे, एए भो णगिणा वुत्ता जे लोगंसि अणागमणधम्मिणो आणाए मामगं धम्म, एस उत्तरवाए इह माणवाणं वियाहिए, इत्थोवरए तं झोसमाणे आयाणिज परिमाय परियाएण विगिंचइ, इह एगेसि एगचरिया होइ नन्थियराइयरेहिं कुलेहिं सुद्धेसणाए सवेसणाए से मेहावी परिवए सुम्भि अदुवा दुम्भि, अदुवा तत्थ भेरवा पाणा पाणे किलेसंति, ते फासे पुट्ठो धीरे अहियासिज्जासित्तिबेमि । १८१॥ अ० ६ उ०२॥ एवं खु मुणी आयाणं मया सुयक्खायधम्मे बिहूयकप्पे निज्झोसइत्ता जे अचेले परिसिए तस्स णं भिक्खुस्स नो एवं भवइ-परिजुणे मे वत्थे वत्थं जाइस्सामि सुत्तं जाइस्सामि सई जाइस्सामि संधिस्सामि सींविस्सामि उक्कसिस्सामि वृक्तसिस्सामि परिहिस्सामि पाउणिस्मामि, अदुवा तत्थ परि(प० र)कमंतं भुजो अचेलं तणफासा फुसंति सीयफासा फुसति तेउफासा फुसंति दसमसगफासा फुसंति एगयरे अन्नयरे विरूवरूवे फासे अहियासेइ अचेले लाघवं आगममाणे, (एवं खलु से उवगरणलापवियं तवं कम्मक्खयकारणं करेइ पा०) तवे से अभिसमन्नागए भवइ-जहेयं भगवया पवेइयं तमेव अभिसमिचा सबओ सवत्ताए संमत्तमेव समभिजाणिज्जा, एवं तेसिं महावीराणं चिररायं पुवाई वासाणि रीयमाणाणं दवियाणं पास अहियासियं ।१८। आगयपनाणाणं किसा बाहयो भवंति पयणुए य मंससोणि विस्सेणि कटु परिचाय, एस तिण्णे मुत्ते विरए वियाहिएत्तिमि।१८३॥ विश्यं भिक्खु रीयंत चिरराओसियं अरई तत्थ किं विधारए ?, संघेमाणे समुट्टिए, जहा से दीवे असंदीणे एवं से धम्मे आरियपदेसिए, ते अणवकंखमाणा पाण अणइवाएमाणा जइया मेहाविणो पंडिया, एवं तेसिं भगवओ अणुट्टाणे जहा से दियापोए एवं ते सिस्सा दिया य राओ य अणुपुत्रेण वाइयत्तिवेमि । १८४॥अ० ६ उ०३॥ एवं ते सिस्सा दिया य राओ य अणुपुत्रेण वाइया तेहिं महावीरेहि पन्नाणमन्तेहिं. तेसिमंतिए पन्नाणमुबलम्भ हिचा उवसमं (अहेगे पा०) फारुसियं समाइयं (रुहं पा०). ति, वसिना बंभचेरंसि आणं तं नोति मन्नमाणा, आघायं तु सुच्चा निसम्म समणुना जीविस्सामो, एगे निक्खमंते असंभवंता विडज्झमाणा कामेहिं गिद्धा अज्झोववना समाहिमाघायमजोसयंता सत्थारमेव फरुसं वयंति । १८५॥ सीलमंता उपवसंता मंग्याए रीयमाणा, असीला अणुवयमाणस्स विइया मंदस्स बालया।१८६। नियमाणा वेगे आयारगोयरमाइक्खंति, नाणभट्ठा दसणलूसिणो।१८अनममाणा वेमे जीवियं विष्परिणामंति, पुट्ठावेगे जीवियस्सेव कारणा, निक्खंतंपि तेर्सि दुन्निक्वंतं भवइ, बालवयणिज्जा हु ते नरा पुणो पुणो जाई पकप्पिति, अहे संभवंता विदायमाणा अहमंसीति विउकसे उदासीणे फरुसं वयंति, पलियं पक (प० गं) थे अदुवा पकये अतहेहि,तं वा मेहावी जाणिज्जा धम्म।१८८ा अहम्मट्ठी तुमंसि नाम बाले आरंभट्टी अणुवयमाणे हण पाणे घायमाणे हणओ यावि समणुजाणमाणे, घोरे धम्मे, उदीरिए उबेहइणं अणाणाए, एस विसने वियहे वियाहिएत्तिबेमि।१८९। किमणेण भो! जणेण करिस्मामिनि मनमाणे, एवं एगे बइना मायरं पियरं हिचा नायओय परिग्गडं वीरायमाणा समुहाए अविहिंसा सुब्बया दंता (समणा भविस्सामो अणगारा अकिंचणा अपुत्ता अपसुया अविहिंसगा सुबया दंता परदत्तभोइणो पावं कम्मं न करेस्सामो समुहाए पा०) पस्स दीणे उप्पइए पडिवयमाणे, बसट्टा कायरा जणा लूसगा भवंति, अहमेगेसि सिलोए पावए भवइ, से समणो भवित्ता विभंते २ पासहेगे समन्नागएहिं सह असमनागए नममाणेहिं अनममाणे विरएहिं अविरए दविएहिं अदविए, अभिसमिचा पंडिए मेहावी निट्ठियट्टे वीरे आगमेणं सया परकमिजासित्तिबेमि ।१९०॥अ०६ उ०४॥ से गिहेसु वा गिहतरेसु वा गामेसु वा गामंतरेसु वा नगरेसु वा नगरंतरेसु वा जणवयेसु वा जणवयंतरेसु वा गामनयरंतरे वा गामजणवयंतरे वा नगरजणवयंतरे या संतेगइया जणा सगा भवंति अदुवा फासा फुसति ते फासे पुढे वीरो अहियासए, ओए समियदंसणे, दयं लोगस्स जाणित्ता पाईणं पडीणं दाहिणं उदीणं आइक्खे.विभए कि वेयवी जे खल समणे बहस्सए बज्झागमे आहरणहे उकसले धम्मकहालबिसम्पच्ने खेत्तं कालं परिसं समासज केऽयं परिसे? कंवा नए? से उट्टिएम वा अणुट्टिएमु वा सुस्मसमाणेसु पवेयए संतिविरई उवसमं निवाणं सोयं अजवियं महवियं लापवियं अणइवत्तियं सवेसि पाणाणं सच्चेसि भूयाणं सोसिं सत्ताणं सङ्केसिं जीवाणं अणुवीइ भिक्खू धम्ममाइक्खिजा।१९१० अणुवीइ भिक्खू धम्ममाइक्खमाणे नो अत्ताणं आसाइजा नो परं आसाइजा नो अन्नाई पाणाई भूयाई जीवाई सत्ताई आसाइजा, से अणासायए अणासायमाणे वज्झमाणाणं पाणाणं भूयाणं जीवाणं सत्ताणं जहा से दीये असंदीणे एवं से भवइ सरणं महामुणी, एवं से उदिए ठियप्पा अणिहे अचले चले अबहिल्लेसे परिवए. संखाय पेसलं धम्म दिट्टिमं परिनिब्बुडे, तम्हा संगति पासह, गंथेहिं गढिया नरा विसन्ना कामकंता, तम्हा लूहाओ नो परिबित्तसिजा, जस्सिमे आरंभा सबओ सबप्पयाए सुपरिमाया भवंति जेसिमे लूसिणो नो परिवित्तसंति, से बंता कोहं च माणं य मायं च लोभंच एस तुट्टे चियाहिएत्तिबेमि।१९२॥ कायस्स वियाघाए एस संगामसीसे वियाहिए, से हु पारंगमे मुणी अविहम्ममाणे फलगावयट्ठी कालोवणीए कंखिज कालं जाव सरीरभेउत्तिवेमि ।१९३। उ०५ धूताध्ययनं ६॥ से बेमि समणुनस्स वा असमणुनस्स वा असणं वा पार्ण वा खाइमं वा साइमं वा वत्थं वा पडिग्गस् वा कंबलं बा पायपुंउणं वा नो पादेजा नो निमंतेजा नो कुजा वेयावडियं परं आढायमाणेनिवेमि । १९४१ धुवं चेयं जाणिज्जा असणं वा जाब पायपुंछणं वा लभिया नो लभिया भुंजिया नो भुंजिया पंथं विउत्ता विउकम्म विभत्तं धम्म जोसेमाणे समेमाणे चलेमाणे (प्र० पलेमाणे) पाइजा वा निमंतिजा वा कुज्जा वेयावडियं परं अणादायमाणेत्तिबेमि ।१९५॥ इहमेगेसि आयारगोयरे नो सुनिसंते भवति ते इह आरंभट्ठी अणुवयमाणा हण पाणे घायमाणा हणओ यावि समणुजाणमाणा अदुवा अदिनमाययंति अदुवा बायाउ विउज्जंति तंजहा-अस्थि लोए णस्थि लोए धूवे लोए अपवे लोए साइए लोए अणाहए लोए सपजवसिए लोए अपज्जवसिए लोए सुकडेत्ति वादकडेत्ति वा कालाणेति वा पावेनि वासाहत्ति वा असाहत्ति वा सिदित्ति वा असिदित्ति वा निरएत्ति वा अनिरएत्नि वा जमिणं विपडिवन्ना मामगं धम्मं पनवेमाणा इत्थवि जाणह अकस्मात् एवं तेसि नो सुअक्खाए धम्मे नो सुपनत्ते धम्मे भवइ।१९६। से जहेयं भगवया पवेइयं आसुपन्नेण जाणया पासया अदुवा गुत्ती वओगोयरस्सत्तिबेमि, सव्वत्थ संमयं पावं तमेव उवाइकम्म एस महं विवेगे वियाहिए, गामे वा अदुवा रण्णे नेव गामे नेव रण्णे धम्ममायाणह पवेइयं माहणेण मइमया, जामा तिन्नि उदाहिया जेसु इमे आयरिया संमुज्झमाणा समुट्ठिया, (२)
मनि दीपरत्नसागर
याचाzin