________________ श्रीभगवत्यङ्ग श्रीअभय वृत्तियुतम् भाग-३ // 1130 // गोसालं मं०पुत्तं समणेहिं नि० धम्मियाए पडिचोयणाए पडिचोएजमाणं धम्मियाए पडिसारणाए पडिसारिजमाणं धम्मिएणं पडोयारेण य पडोयारेजमाणं अद्वेहि य हेऊहि य जाव कीरमाणं आसुरुत्तं जाव मिसिमिसेमाणं समणाणं निग्गंथाणं सरीरगस्स किंचि आबाहं वा वाबाहं वा छविच्छेदंवा अकरेमाणं पासंति पा० 2 गोसालस्स म०पुत्तस्स अंतियाओ आयाए आवक्कमंति आ० 2 जे० स० भ० महावीरे ते० उवा० ते० समणं भ० महावीरं तिक्खुत्तो आ०२ वंदंति नम०२ समणं भगवं महावीरं उवसंपज्जित्ताणं विहरंति, अत्थेगइया आजीविया थेरा गोसालं चेव मं०पुत्तं उवसंपज्जित्ताणं विहरति / 22 तए णं से गोसाले मं०पुत्ते जस्सट्ठाए हव्वमागए तमढे असाहेमाणे रुंदाई पलोएमाणे दीहुण्हाइं नीसासमाणे दाढियाए लोमाए लुंचमाणे अवडं कंडूयमाणे पुयलिं पप्फोडेमाणे हत्थे विणिझुणमाणे दोहिवि पाएहिं भूमिं कोट्टेमाणे हाहा अहो! हओऽहमस्सीतिकट्ठसमणस्स भ० महा० अंतियाओ कोट्ठयाओ चेइयाओ पडिनिक्खमति प० 2 जे० सावत्थी नगरी जे० हालाहलाए कुंभकारीए कुंभकारावणे ते० उवा० ते०२ हालाहलाए कुंभकारीए कुंभकारावणंसि अंबकूणगहत्थगए मजपाणगं पियमाणे अभिक्खणं गायमाणे अभि० नच्चमाणे अभि० हालाहलाए कुंभकारीए अंजलिकम्मं करेमाणे सीयलएणंमट्ठियापाणएणं आयंचणिउदएणं गायाई परिसिंचमाणे विहरति ।सूत्रम् 553 // 23 अजोति समणे भगवं महावीरे समणे निग्गंथे आमंतेत्ता एवं व०-जावतिएणं अज्जो! गोसालेणं म०पुत्तेणं ममं वहाए सरीरगंसि तेये निसट्टे से णं अलाहि पज्जत्ते सोलसण्हं जणवयाणं, तं०- अंगाणं वंगाणं मगहाणं मलयाणं मालवगाणं अत्थाणं वत्थाणं कोत्थाणं पाढाणंलाढाणं वजाणं मोलीणं कासीणं कोसलाणं अवाहाणं सुंभुत्तराणं घाताए वहाए उच्छादणयाए भासीकरणयाए, जंपिय अज्जो! गोसाले मं०पुत्ते हालाहलाए कुंभकारीए कुंभकारावणंसि अंबकूणगहत्थगए मज्जपाणं पियमाणे अभिक्खणंजाव 15 शतके सूत्रम् 553 | गोशालकशते | तेजोलेश्यामोचनं सूत्रम् 554 | गोशालकशते | गोशालतेजोलेश्याशक्तिः चरमाष्टकमयंपुलागमश्च // 1130 //
