________________ श्रीभगवत्यङ्ग श्रीअभय. वृत्तियुतम् भाग-३ // 1453 // २५शतके उद्देशकः 4 सूत्रम् 734 कृतयुग्मादि १कतिणं भंते! जुम्मा पन्नत्ता?, गोयमा! चत्तारि जुम्मापं०, तं० कडजुम्मे जाव कलिओगे, सेकेण एवं वु० चत्तारि जुम्मा पं० कडजुम्मे जहा अट्ठारसमसते चउत्थे उद्देसए तहेव जाव से तेण० गोयमा! एवं वु०।२ नेरइयाणं भंते! कति जुम्मा प०?, गोयमा! चत्तारि जुम्मा पं०, तंजहा- कडजुम्मे जाव कलियोए, से केण एवं वु० ने० चत्तारि जुम्मा पं०, तं० कडजुम्मे अट्ठो तहेव एवं जाव वाउकाइयाणं, 3 वणस्सइकाइयाणं भंते ! पुच्छा, गोयमा! वणकाइया सिय कडजुम्मा सिय तेयोया सिय दावरजुम्मा सिय कलियोगा, सेकेणढे० एवं वुच्चइ वणकाइया जाव कलियोगा?, गोयमा! उववायं पडुच्च, से तेणटेणं तं चेव, बेंदियाणंजहा ने० एवं जाव वेमाणि०, सिद्धाणं जहा वणकाइयाणं॥४कतिविहाणं भंते! सव्वदव्वा प०?, गोयमा! छब्विहा सव्वदव्वा प० तं० धम्मत्थिकाए अधम्मत्थिकाए जाव अद्धासमए / 5 धम्मत्थि० णं भंते! दव्वट्ठयाए किं कडजुम्मे जाव कलिओगे?, गोयमा! नो कडजुम्मे नो तेयोए नोदावरजुम्मे कलिओए, एवं अहम्म०वि, एवं आगास०वि, ६जीवत्थिकाएणंभंते! पुच्छा, गोयमा! कडजुम्मे नो तेयोये नोदावरजुम्मे नो कलियोगे,७ पोग्गलत्थिकारणंभंते! पुच्छा, गोयमा! सिय कडजुम्मे जाव सिय कलियोगे, अद्धासमये जहा जीवत्थिकाए॥ 8 धम्मत्थिकाए णं भंते! पएसट्ठयाए किं कडजुम्मे? पुच्छा, गोयमा! कडजुम्मे नो तेयोए नो दावरजुम्मे नो कलियोगे एवं जाव अद्धासमए॥९ एएसि णं भंते! धम्मत्थिकाय अधम्मत्थिकाय जाव अद्धासमयाणं दव्वट्ठयाए० एएसिणं अप्पाबहुगंजहा बहुवत्तव्वयाए तहेव निरवसेसं // 10 धम्मत्थिकाएणंभंते! किं ओगाढे अणोगाढे?, गोयमा! ओगाढे नो अणोगाढे, 11 जइ ओगाढे किं संखेजपएसोगाढे असंखेजप० अणंतप०, गोयमा! नो संखेजप० असंखेजप० नो अणंतप०, 12 जइ असंखेजपएसोगाढे किं कडजुम्मप०? पुच्छा, गोयमा! कडजुम्मप० नो तेओगे नो दावरजुम्मे नो कलियोगप०, एवं अधम्मत्थिकायेवि, एवं आगासवि, जीवत्थिकाये पुग्गलत्थिकाये अद्धासमए एवं चेव // 13 इमाणं भंते! रयणप्पभा पुढवी किं ओगाढा // 1453 //
