________________ सूत्रम् 25 २५समवायः श्रीसमवाया श्रीअभय० वृत्तियुतम् // 77 // भावनादि: उड़े उच्चत्तेणं प०, पणवीसंपणवीसं गाऊआणि उव्विद्धणं प०, दोच्चाए णं पुढवीए पणवीसं णिरयावाससयसहस्सा प० आयारस्स णं भगवओसचूलियायस्स पणवीसं अज्झयणा प० तं०- सत्थपरिण्णा लोगविजओ सीओसणीअ सम्मत्तं / आवंति धुयविमोह उवहाणसुयं महपरिणा॥१॥ पिंडेसण सिजिरिङ भासज्झयणाय वत्थ पाएसा। उग्गहपडिमा सत्तिक्कसत्तया भावण विमुत्ती // 2 // निसीहज्झयणं पणवीसइमं मिच्छादिट्ठिविगलिंदिए णं अपज्जत्तए णं संकिलिट्ठपरिणामे णामस्स कम्मस्स पणवीसं उत्तरपयडीओ णिबंधतितिरियगतिनामं विगलिंदियजातिनाम ओरालिअसरीरणामंतेअगसरीरणामं कम्मणसरीरनामं हुंडगसंठाणनामं ओरालिअसरीरंगोवंगणामं छेवट्ठसंघयणनामं वण्णनामं गंधणामं रसणामं फासणामं तिरिआणुपुब्विनाम अगुरुलहुनामं उवघायनामंतसनामंबादरणामं अपज्जत्तयणामं पत्तेयसरीरणामं अथिरणामं असुभणामं दुभगणामं अणादेजनामं अजसोकित्तिनामं निम्माणनामं 25, गंगासिंधूओणं महाणदीओपणवीसंगाऊयाणि पुहुत्तेणंदुहओघडमुहपवित्तिएणं मुत्तावलिहारसंठिएणं पवातेण पडंति, रत्तारत्तवईओ णं महाणदीओ पणवीसं गाऊयाणि पुहुत्तेणं मकरमुहपवित्तिएणं मुत्तावलिहारसंठिएणं पवातेण पडंति, लोगबिंदुसारस्स णं पुव्वस्स पणवीसंवत्थूप०, इमीसे णं रयणप्पभाए पुढवीए अत्थेगइयाणं नेरइयाणं पणवीसंपलिओवमाई ठिई प०, अहेसत्तमाए पुढवीए अत्थेगइआणं नेरइयाणं पणवीसं सागरोवमाइं ठिई प०, असुरकुमाराणं देवाणं अत्थेगइयाणं पणवीसंपलिओवमाई ठिई प०, सोहम्मीसाणे णं देवाणं अत्थेगइआणं पणवीस पलिओवमाइं ठिई प०, मज्झिमहेट्ठिमगेवेजाणं देवाणं जहण्णेणं पणवीसंसागरोवमाइंठिई प०,जे देवा हेट्ठिमउवरिमगेवेजगविमाणेसुदेवत्ताए उववण्णा तेसिणं देवाणं उक्कोसेणं पणवीसंसागरोवमाइंठिई प०, तेणं देवा पणवीसाए अद्धमासेहिं आणमंति वा पाणमंति वा उस्ससंति वा नीस्ससंति वा, तेसिणं देवाणं पणवीसं वाससहस्सेहिं आहारट्टे समुप्पज्जइ, संतेगइया भवसिद्धिया जीवा जे पणवीसाए भवग्गहणेहिं सिज्झिस्संति // 77 //
