________________ श्रीसमवायाङ्गं श्रीअभय वृत्तियुतम् // 57 // सूत्रम् 17 १७समवायः असंयमादिः सत्तरस जोयणसहस्साई उई उप्पतित्ता ततो पच्छा चारणाणं तिरिआगती पवत्तति, चमरस्सणं असुरिंदस्स असुररण्णो तिगिछिकूडे उप्पायपव्वए सत्तरस एक्कवीसाई जोयणसयाई उई उच्चत्तेणं प०, बलिस्सणं असुरिंदस्सरुअगिंदे उप्पायपव्वए सत्तरस एक्कवीसाई जोयणसयाई उद्धं उच्चत्तेणंप०, सत्तरसविहे मरणे प०-आवीईमरणे ओहिमरणे आयंतियमरणे वलायमरणे वसट्टमरणे अंतोसल्लमरणे तब्भवमरणे बालमरणे पंडितमरणे बालपंडितमरणे छउमत्थमरणे केवलिमरणे वेहाणसमरणे गिद्धपिट्ठमरणे भत्तपञ्चक्खाणमरणे इंगिणिमरणे पाओवगमणमरणे, सुहुमसंपराएणं भगवंसुहमसंपरायभावे वट्टमाणे सत्तरस कम्मपगडीओणिबंधति तं०- आभिणिबोहियणाणावरणे सुयणाणावरणे ओहिणाणावरणे मणपज्जवणाणावरणे केवलणाणावरणे चक्खुदंसणावरणे अचक्खुदंसवावरणे ओहीदसणावरणे केवलदसणावरणेसायावेयणिज्जंजसोकित्तिनामंउच्चागोयंदाणंतरायलाभंतरायं भोगतरायं उवभोगतरायंवीरिअअंतरायं , इमीसे णं रयणप्पभाए पुढवीए अत्थेगइआणं नेरइयाणं सत्तरस पलिओवमाई ठिई प०, पंचमीए पुढवीए अत्थेगइयाणं नेरइयाणं उक्कोसेणं सत्तरस सागरोवमाई ठिई प०, छट्ठीए पुढवीए अत्थेगइआणं जहण्णेणं सत्तरस सागरोवमाई ठिई प०, असुरकुमाराणं देवाणं अत्थेगइआणं सत्तरस पलिओवमाइंठिई प०, सोहम्मीसाणेसुकप्पेसु अत्थेगइआणं देवाणं सत्तरस पलिओवमाई ठिई प०, महासुक्के कप्पे देवाणं उक्कोसेणं सत्तरस सागरोवमाइं ठिई प०, सहस्सारे कप्पे देवाणं जहण्णेणं सत्तरस सागरोवमाई ठिई प०, जे देवा सामाणंसुसामाणं महासामाणं पउमं महापउमं कुमुदं महाकुमुदं नलिणं महानलिणं पोंडरीअंमहापोंडरीअंसुक्कं महासुक्कं सीहं सीहकंतं सीहवीअंभाविअंविमाणं देवत्ताए उववण्णा तेसिणं देवाणं उक्कोसेणं सत्तरस सागरोवमाई ठिई प०, तेणं देवा सत्तरसहिं अद्धमासेहिं आणमंतिवापाणमंति वा उस्ससंतिवानीससंति वा तेसिणंदेवाणं सत्तरसहिं वाससहस्सेहिं आहारढेसमुप्पज्जइ, संतेगइया भवसिद्धिआजीवाजे सत्तरसहिं भवग्गहणेहिं सिज्झिस्संति बुज्झिस्संति मुच्चिस्संति परिनिव्वाइस्संति सव्वदुक्खाणमंतं // 57
