Page Text
________________ श्रीसमवायाङ्गं श्रीअभय० वृत्तियुतम् // 50 // सूत्रम् 15 15 समवायः परमाधार्मिकादिः पन्नरस परमाहम्मिआ प० तं०-"अंबे अंबरिसी चेव, सामे संबलेत्ति आवरे / रुद्दोवरुद्दकाले अ, महाकालेत्ति आवरे // 1 // असिपत्ते धणु कुम्भे, वालुए वेअरणीति / खरस्सरे महाघोसे, एते पन्नरसाहिआ॥२॥णमीणं अरहा पन्नरस धणूई उई उच्चत्तेणं होत्था, धुवराहू णं बहुलपक्खस्स पडिवए पन्नरसभागंपन्नरसभागेणं चंदस्स लेसं आवरेत्ताणं चिट्ठति, तंजहा- पढमाए पढमं भागं बीआए दुभागं तइआए तिभागं चउत्थीए चउभागं पञ्चमीए पञ्चभागं छट्ठीए छभागं सत्तमीए सत्तभागं अट्ठमीए अट्ठभागं नवमीए नवभागं दसमीए दसभागं एक्कारसीए एक्कारसभागं बारसीए बारसभागं तेरसीए तेरसभागं चउद्दसीए चउद्दसभागं पन्नरसेसु पन्नरसभागं, तं चेव सुक्कपक्खस्स य उवदंसेमाणे उवदंसेमाणे चिट्ठति, तंजहा- पढमाए पढमं भागं जाव पन्नरसेसु पन्नरसभागं छ णक्खत्ता पन्नरसमुहुत्तसंजुत्ता प० तं०- सतभिसय भरणि अद्दा असलेसा साई तहा जेट्ठा। एते छण्णक्खत्ता पन्नरसमुहुत्तसंजुत्ता॥ १॥चत्तासोएसुणंमासेसुपन्नरसमुहुत्तो दिवसोभवति, एवं चेत्तमासेसुपण्णरसमुहुत्ता राई भवति, विज्जाअणुप्पवायस्सणं पुव्वस्स पन्नरस वत्थु पण्णत्ता, मणूसाणं पण्णरसविहे पओगे प० तं०- सच्चमणपओगे मोसमणपओगे सच्चमोसमणपओगे असच्चामोसमणपओगेसच्चवइपओगे मोसवइपओगेसच्चमोसवइपओगे असच्चामोसवइपओगे ओरालिअसरीरकायपओगे ओरालिअमीससरीरकायपओगेवेउव्वियसरीरकायपओगेवेउव्विअमीससरीरकायपओगे आहारयसरीरकायप्पओगे आहारयमीससरीरकायप्पओगे कम्मयसरीरकायपओगे, इमीसे णं रयणप्पभाए पुढवीए अत्थेगइआणं नेरइआणं पण्णरस पलिओवमाई ठिई प०, पंचमीए पुढवीए अत्थेगइयाणं नेरइआणं पण्णरस सागरोवमाइं ठिई प०, असुरकुमाराणं देवाणं अत्थेगइयाणं पण्णरस पलिओवमाइं ठिई प०, सोहम्मीसाणेसुकप्पेसुअत्थेगइयाणं देवाणंपण्णरस पलिओवमाई ठिई प०, महासुक्के कप्पे अत्थेगइआणं देवाणंपण्णरस सागरोवमाइं ठिई प०, जे देवाणंदं सुणंदणंदावत्तं णंदप्पभंणंदकंतंणंदवण्णं णंदलेसंणंदज्झयं णंदसिंगंणंदसिटुंणंदकूडं णंदुत्तरवडिंसगं विमाणं देवत्ताए उववण्णा तेसि णं देवाणं उक्कोसेणं पण्णरस सागरोवमाइं ठिई प०, तेणं देवा पण्णरसण्हं अद्धमासाणं आणमंति // 50 //
| SR No. | 600440 |
| Book Title | Samvayang Sutram |
| Original Sutra Author | N/A |
| Author | Punyakiritivijay |
| Publisher | Shripalnagar Jain Shwetambar Murtipujak Derasar Trust |
| Publication Year | 2012 |
| Total Pages | 300 |
| Language | Sanskrit |
| Classification | Manuscript & agam_samvayang |
| File Size | 20 MB |