________________ श्रीसमवाया श्रीअभय० वृत्तियुतम् // 46 // सूत्रम् 14 14 समवायः भूतग्रामादिः पज्जत्तया तेंदिआ अपज्जत्तया तेंदिया पज्जत्तया चउरिदिआ अपजत्तया चउरिंदिया पज्जत्तया पंचिंदिआ असन्निअपज्जत्तया पंचिंदिआ असन्निपज्जत्तया पंचिंदिआ सन्निअपज्जत्तया पंचेंदिआ सन्निपज्जत्तया, चउदस पुव्वा प० तं०- उप्पायपुव्वमग्गेणियं च तइयं च वीरियं पुव्वं / अत्थीनत्थिपवायं तत्तो नाणप्पवायंच॥१॥सच्चप्पवायपुव्वं तत्तो आयप्पवायपुव्वं च / कम्मप्पवायपुव्वं पच्चक्खाणं भवे नवमं ॥२॥विजाअणुप्पवायं अवंझपाणाउ बारसं पुव्वं / तत्तो किरियविसालं पुव्वं तह बिंदुसारंच॥३॥अग्गेणीअस्सणं पुव्वस्स चउद्दस वत्थू प०, समणस्स णं भगवओ महावीरस्स चउद्दस समणसाहस्सीओ उक्कोसिआ समणसंपया होत्था, कम्मविसोहिमग्गणं पडुच्च चउद्दस जीवट्ठाणा प० तं०- मिच्छदिट्ठी सासायणसम्मदिट्ठी सम्मामिच्छदिट्ठी अविरयसम्मदिट्ठी विरयाविरए पमत्तसंजए अप्पमत्तसंजए निअट्टीबायरे अनिअट्टिबायरे सुहमसंपराए उवसामए वा खवए वा उवसंतमोहे खीणमोहे सजोगी केवली अयोगी केवली, भरहेरवयाओणं जीवाओ चउद्दस चउद्दस जोयणसहस्साइं चत्तारि अ एगुत्तरे जोयणसए छच्च एगूणवीसे भागे जोयणस्स आयामेणं प०, एगमेगस्सणं रन्नो चाउरंतचक्कवट्टिस्स चउद्दस रयणा प० तं०- इत्थीरयणे सेणावइरयणे गाहावइरयणे पुरोहियरयणे वडइरयणे आसरयणे हत्थिरयणे असिरयणे दंडरयणे चक्करयणे छत्तरयणे चम्मरयणे मणिरयणे कागिणिरयणे, जंबुद्दीवेणंदीवे चउद्दस महानईओ पुव्वावरेण लवणसमुदं समप्पंति, तं० गंगा सिंधूरोहिआ रोहिअंसा हरी हरिकता सीआ सीओदा नरकन्ता नारिकांता सुवण्णकूला रुप्पकूला रत्ता रत्तवई, इमीसे णं रयणप्पभाए पुढवीए अत्थेगइयाणं नेरइयाणं चउद्दस पलिओवमाइंठिई प०, पञ्चमीएणं पुढवीए अत्थेगइयाणं नेरइयाणंचउद्दस सागरोवमाइं ठिई प०, असुरकुमाराणं देवाणं अत्थेगइयाणं चउद्दस पलिओवमाई ठिई प०, सोहम्मीसाणेसुकप्पेसु अत्थेगइयाणं देवाणं चउद्दस पलिओवमाइं ठिई प०, लंतए कप्पे देवाणं अत्थेगइयाणं चउद्दस सागरोवमाई ठिई प०, महासुक्के कप्पे देवाणं अत्थेगइयाणं जहण्णेणं चउद्दस सागरोवमाई ठिई // 46 //
