________________ श्रीसमवायाङ्गं श्रीअभय० वृत्तियुतम् // 29 // सूत्रम् 10 १०समवायः श्रमणधर्मादिः समुप्पजिजा केवलं लोगंजाणित्तए 8 केवलदसणे वा से असमुप्पण्णपुव्वे समुपजिज्जा केवलं लोयं पासित्तए 9 केवलिमरणं वा मरिजा सव्वदुक्खप्पहीणाए 10, मंदरेणं पव्वए मूले दस जोयणसहस्साई विक्खंभेणं प०, अरिहा णं अरिट्ठनेमी दस धणूई उद्धं उच्चत्तेणं होत्था, कण्हे णं वासुदेवे दस धणूई उद्धं उच्चत्तेणं होत्था, रामे णं बलदेवे दस धणूई उद्धं उच्चत्तेणं होत्था, दस नक्खत्ता नाणवुद्धिकरा प० तं०-मिगसिर अद्दा पुस्सो तिणि अपुव्वा य मूलमस्सेसा। हत्थो चित्तोय तहा दस वुद्धिकराई नाणस्स॥१॥ अकम्मभूमियाणं मणुआणं दसविहा रुक्खा उवभोगत्ताए उवत्थिया प० तं०- मत्तंगया १य भिंगा 2 तुडिअंगा 3 दीव ४जोइ 5 चित्तंगा 6 चित्तरसा 7 मणिअंगा 8 गेहागारा 9 अनिगिणा 10 य॥१॥ इमीसे णं रयणप्पभाए पुढवीए अत्थेगइयाणं नेरइयाणं जहण्णेणं दस वाससहस्साइंठिई प०, इमीसेणं रयणप्पभाए पुढवीए अत्थेगइआणं नेरइयाणं दस पलिओवमाइंठिई प०, चउत्थीए पुढवीए दस निरयावाससयसहस्साई ठिई प०, चउत्थीए पुढवीए अत्थेगइयाणं उक्कोसेणं दस सागरोवमाई ठिई प०, पंचमीए पुढवीए अत्थेगइयाणं नेरइयाणंजहण्णेणंदस सागरोवमाइं ठिई प०, असुरकुमाराणंदेवाणं अत्थेगइयाणंजहण्णेणंदस वाससहस्साई ठिई प०, असुरिंदवजाणं भोमिज्जाणं देवाणं अत्थेगइयाणंजहण्णेणं दस वाससहस्साइंठिई प०, असुरकुमाराणं देवाणं अत्गइयाणं दस पलिओवमाई ठिई प०, बायरवणस्सइकाइए णं उक्कोसेणं दस वाससहस्साई ठिई प०, वाणमंतराणं देवाणं अत्थेगइयाणं जहण्णेणं दस वाससहस्साई ठिई प०, सोहम्मीसाणेसु कप्पेसु अत्थेगइयाणं देवाणं दस पलिओवमाई ठिई प०, बंभलोए कप्पे देवाणं उक्कोसेणं दस सागरोवमाई ठिई प०, लांतए कप्पे देवाणं अत्थेगइयाणं जहण्णेणं दस सागरोवमाई ठिई प०,जे देवा घोसं सुघोसं महाघोसं नंदिघोसं सुसरंमणोरमं रम्मरम्मगंरमणिज्जं मंगलावत्तं बंभलोगवडिंसगं विमाणं देवत्ताए उववण्णा तेसिणं देवाणं उक्कोसेणं दस सागरोवमाई ठिई प०, ते णं देवा दसण्हं अद्धमासाणं आणमंति वा पाणमंति वा ऊससंति वा नीससंति वा तेसिणं
