________________ सूत्रम् श्रीसमवायाज श्रीअभय० वृत्तियुतम् // 14 // ३समवायः दण्डगुप्त्यादिः असङ्ख्येयवर्षायुषां पञ्चेन्द्रियतिरश्चां मनुष्याणां च हरिवर्षरम्यकवर्षजन्मनां द्विपल्योपमा स्थितिरिति // 2 // अथ त्रिस्थानकं तओदंडा प० तं०- मणदंडे वयदंडे कायदंडे, तओ गुत्तीओ प०, तंजहा- मणगुत्ती वयगुत्ती कायगुत्ती, तओ सल्ला प० तं०मायासल्ले णं नियाणसल्ले णं मिच्छादसणसल्ले णं, तओ गारवा प० तं०- इद्धीगारवे णं रसगारवे णं सायागारवे णं, तओ विराहणा प० तं०-नाणविराहणा दंसणविराहणा चरित्तविराहणा, मिगसिरनक्खत्ते तितारे प०, पुस्सनक्खत्ते तितारेप० जेट्ठानक्खत्ते तितारे प० अभीइनक्खत्ते तितारे प० सवणनक्खत्ते तितारे प० अस्सिणिनक्खत्ते तितारे प० भरणीनक्खत्ते तितारे प०, इमीसे णं रयणप्पभाए पुढवीए अत्थेगइयाणंनेरइयाणं तिन्नि पलिओवमाई ठिईप०, दोच्चाएणंपुढवीए नेरइयाणं उक्कोसेणं तिण्णि सागरोवमाइंठिई प०, तच्चाए णं पुढवीए नेरइयाणं जहण्णेणं तिण्णि सागरोवमाई ठिई प०, असुरकुमाराणं देवाणं अत्थेगइयाणं तिण्णि पलिओवमाई ठिई प०, असंखिजवासाउयसन्निपंचिंदियतिरिक्खजोणियाणं उक्कोसेणं तिण्णि पलिओवमाइंठिई प०, असंखिज्जवासाउयसन्निगब्भवक्कंतियमणुस्साणं उक्कोसेणं तिण्णि पलिओवमाई ठिई प०, सोहम्मीसाणेसुकप्पेसु अत्थेगइयाणं देवाणं तिण्णि पलिओवमाई ठिई प०, सणंकुमारमाहिदेसुकप्पेसु अत्थेगइयाणं देवाणं तिणि सागरोवमाई ठिई, प०, जे देवा आभंकरं पभंकर आभंकरपभंकरं चंदं चंदावत्तं चंदप्पभं चंदकंतं चंदवण्णं चंदलेसं चंदज्झयं चंदसिंगं चंदसिटुं चंदकूडं चंदुत्तरवडिंसगं विमाणं देवत्ताए उववण्णा तेसिणं देवाणं उक्कोसेणं तिण्णि सागरोवमाइं ठिई प० ते णं देवा तिण्हं अद्धमासाणं आणमंति वा पाणमंति वा ऊससंति वा नीससंति वा तेसिणं देवाणं उक्कोसेणं तिहिं वाससहस्सेहिं आहारट्टे समुप्पज्जइ, संतेगइया भवसिद्धिया जीवा जे तिहिं भवग्गहणेहिं सिज्झिस्संति बुज्झिस्संति मुच्चिस्संति परिनिव्वाइस्संति सव्वदुक्खाणमंतं करिस्संति॥सूत्रम् 3 //
