________________ भविष्यदत्तचरित्रम अष्टमोऽचिकार पुत्राऽऽगमनतुष्टेन, श्रेष्टिना स्वजनादयः / समीलिता निजावासे, भक्त्या भोजयितुं तदा // 41 // पठत्सु मागवेञ्चैस्तूर्याणां विजयस्वरैः। सन्मान्य स्वजनास्तेन, भोजिता मोदकादिभिः॥४२॥ हरिचन्दनकाश्मीर-जन्मादिकविलेपनैः / सत्कार्य पुष्पैर्विविधैर्वस्त्रैस्ते भूषणान्वितैः // 43 // ताम्बूलानि करे दत्वा, वणिकपुत्रा विसर्जिताः / विविशुः स्वगृहं सर्वे, महाऽऽडम्बरपूर्वकम् // 44 // प्रतिपदेशं पात्राणां, नर्त्तनैबन्दिकीर्त्तनैः / प्रवर्त्तनैमङ्गलानां, पुरं स्वःपुरवद्वभौ // 45 // पुरे जयारवश्चक्रे, मार्गणैर्धनवर्द्धिभिः / स्पर्द्धयेव वने भृङ्गैर्वसन्ताऽऽगमनात्तदा // 46 // कोकिलाभिर्वने गीत, भवने युवतिजनैः / लताः पल्लवितास्तत्र, परत्र वनिताः स्मिताः॥ 47 // समारेभे सुमनसा, वृन्दैरामोदवैभवः / यथेभ्यभवने तद्वत्पवनेन चले बने // 48 // इतश्च कमलश्रीः सा, मार्गयन्ती सुताऽऽगम / द्वारि निवेशयामास, कलशं जलसम्भृतम् // 49 // माङ्गणं चन्दनः सिक्तं, बद्धा वन्दनमालिका / जगुर्गीतं सुवासिन्यः, पुष्पमालाऽवलम्बिताः // 50 // केनाऽप्यागत्य सन्दिष्ट, सार्थः सर्वः समीयिवान् / भविष्यदत्तकः मुन्न ते मातर्विलोकितः // 51 // समाकर्ण्य वचस्तस्य, त्रस्यद्धरिणलोचना / शोचनात्सहसोत्तस्थौ, सम्भ्रान्तस्वान्तकातरा // 52 // पृष्टाः सर्वे वणिकपुत्राः, नाऽऽदिष्टं तैर्मनागपि / बन्धुदत्तसमीपेऽगाद्वेगात्सा भयविहला // 53 // वत्स ! वत्सलतापात्रं, त्वमाऽऽलोकि यया दृशा / तस्या विश्वोपकारित्वं, वय सावर्ण्यतो मणेः // 54 //
