________________ तृतीयस्कन्धे सर्गः 9 लग्नमहोत्सवे. मधुपर्कादि ग्रहणम् / // 68 // IIIIII-IIIIIIIle पुरोधाः सौषधीकल्पौ दम्पत्योः कोमलौ करौ / तयोः साङ्गुष्ठसन्देशौ दर्भबद्धावयोजयत् // 23 // रुरुचाते विचित्रं तौ मिश्रहस्तौ वधूवरौ / संसक्तपल्लवी गाढं फलिनी बकुलाविव // 24 // अथ रतिललितानि व्यक्तलीलोज्वलानि प्रणयभरगुरूणि बीडया व्याकुलानि / स्वजनसदसि तारामेलके कार्यमाणे बहुनलदमयन्त्योश्चिक्लिशुलोचनानि // 25 // समदनफलहस्तौ बद्धवस्त्राञ्चलौ तौ हुतवहमभिरामं चक्रतुस्लिः परीतम् तदनु सपदि कन्यायोजकस्तत्र वह्नौ द्विजवरगुरुवाचा लाजमोक्षं चकार // 26 // अयुतमिभपतीनामर्बुद वाडवानां प्रयुतमनुपमानां चारुवाराङ्गनानाम् / अगणितमपि कुप्याकुप्यशस्त्रासनादि व्यतरदथ स भीमः पाणिमुक्तौ नलाय // 27 // भूयश्चतुर्थदिवसे चरुपाकमेकं भुक्त्वैकभाजनगतं च मिथः प्रदत्तम् / तौ सार्वलौकिकमथो चतुरस्रवेद्यामार्द्राक्षतव्रजनिवेशनमन्वभृताम् // 28 // नानाविधानि सरसानि कुतूहलानि तूर्यत्रयव्यतिकराबहवश्च ते ते / तत् तच्च सर्वमपि मङ्गलसंविधानं तत्राभवद् विभवशीलकुलानुरूपम् // 29 // भीमः स्वयम्बरसमागतपार्थिवानां पूजां तदा सुमहतीं विदधे विधिज्ञः / कन्यार्पणप्रणयतोऽपि यथाऽर्जितं तैः सन्मानपूर्णहृदयैः सविशेषसौख्यम् // 30 // III-III-II-HIMISSIE // 68 //
