________________
वित्थरखायणाए पुण अज्जजसभद्दाओ पुरओ थेरावली एवं पलोइज्जइ, तं जहा-थेरस्स णं अज्जजस्सभहस्स तुंगियायणसगुत्तस्स इमे दो थेरा अंतेवासी अहावचा अभिन्नाया हुत्या, तं जहा-थेरे अज्जभद्दबाहू पाईण्सगुत्ते, थेरे अज्जसंभूइविजए माढरसगुत्ते । थेरस्स णं अज्जभद्दबाहुस्स पाईणसगुत्तस्स इमे चत्तारि थेरा अंतेवासी अहावच्चा अभिन्नाया हुत्था, तं जहा--थेरे गोदासे १, थेरे अग्गिदत्ते २, थेरे जन्नदत्ते ३, थेरे सोमदत्ते ४, कासवगुत्ते णं थेरेहिंतो गोदासहिंतो कासवगुत्तेहिंतो इत्थ णं गोदासे नाम गणे निग्गए, तस्स् णं इमाओ चत्तारि साहाओ एवमाहिज्जति, तं जहा-तामलित्तिआ १, कोडीवरिसिया २, पोंडवद्धणिया ३, दासी खब्बडिया ४ । थेरस्स णं अज्जसंभूइविजयस्स माढरसगुत्तस्स इमे दुवालस थेरा अंतेवासी अहावच्चा अभिन्नाया हुत्था, तं जहानंदणभद्दे थेर, उवणंदे तीसभद्दजसभद्दे । थेरे अ सुमिणभद्दे, गणिभद्दे पुन्नभद्दे अ॥१॥ थेरै अ थूलभद्दे, उज्जुमई जंबुनामधिज्जे अ।धेरै अ दीहभदे, थेरे तह पुडभद्दे अ ॥२॥ थेरस्स णं अज्जसंभूइविजयस्स माढरसगुत्तस्स इमाओ सत्त अंतेवासिणीओ अहावच्चा अभिन्नाया हुत्या, तं जहा
