________________
दीपिका
छिन्नग्गंथे निवलेवे, कंसपाइइव मुक्कतोये, संखे इव निरंजणे, जीवे इव अप्पडिहयगई, गगण- म्भिव निरालंबणे, वाउ व अपडिबद्धे, सारयसलिलं व सुद्धहियए, पुक्खरपत्तं व निस्वलेवे, कुम्मो इव गुत्तिदिए, खग्गिविसाणंव एगजाए, विहग इव विप्पमुक्के, भारंडपक्खीव अप्पमत्ते, कुंजरो इव सोंडीरे, वसहो इव जायथामे, सीहो इव दुद्धरिसे, मंदरो इव अप्पकंपे, सागरो इव सव्वगंभीरे, चंदो इव सोमलेसे, सुरो इव दित्ततेए, जच्चकणगं व्व जायस्वे, वसुंधरा इव सव्वकासविसहे, सुहुयहुयासणो इव तेयसा जलंते, [इमेसि पयाणं दुन्नि संगहिणी गाहाओ "कसे संखे जीवे, गगणे वाऊ अ सरयसालिले । पुक्खरपत्ते कुम्मे, विहगे खग्गे अ भारंडे॥१॥ कुंजखसहे सीहे, नगराया चेव सागरमखोभे। चंदे सूरे कणगे, वसुंधरा चेव हूअवहे ॥२॥]णत्थि णं तस्स भगवंतस्स कत्थइ पडिबंधे भवइ । सेय पडिबंधे चउबिहे पन्नत्ते, तं जहा-दव्वओ, खित्तओ, कालओ, भावओ । दवओ सचित्ताचित्तमीसएसु दव्वेसु । खित्तओ गामे वा, नगरे वा, अरण्णे वा, खित्ते वा, खले वा, घरेवा, अंगणे वा, नहे वा । कालओ-समए वा, आवलियाए वा, आणापाणुए वा, थोवे वा, खणे वा, लवे वा, मुहुत्ते वा, अहोरते वा, पक्खे
