________________
च्छतधत्तरपाणवामोहियमइणा सयलमवि महियलं कणयमयं मन्नमाणेण मए निरत्ययं मणुयजम्मनिग्गमियं, ता भयवं! पसिय मह सिक्ख देह । जेण सकयत्यो होमि । तओ गुरू दुग्गइगमणपडिवक्खं धम्मसिक्खं सहासमक्खं रन्नो वियरइ । सो वि तं सेसु व सिरसा पडिच्छइ । जप्पभिई मयकलेवरं व पुरोहियमयं चइय राया जिणधम्म पडिवज्जइ, तप्पभिई च णं लोओ तमुवहसइ । सो वि नियतणयमरणेण नाणासच्चत्तणेणं लोयापवाएण य संजायसंसारनिवेओ सबहा विगयसम्मत्तो संगहियमिच्छत्तो परिवायगपवनं पडिवन्जिय मुणिजणे पउसमावहतो अन्नाणकटुतवाई सुइरमायरिय अणुद्धियपावसल्लो मरिऊण अप्पडिओ वंतरो जाओ। अह सो वाणमंतरो विभंगनाणेणं नियपुत्वभवमाभोइत्ता मिच्छचोदयवसेण जिणसासणे परमवेर वहतो चितेइ, कयाणं अहं पुत्वभववेरसायरं पवणनंदणु व उल्लंघिय सुहिओ हविस्सं । तओ देवकिच्चमकाऊण जिणभत्तिरत्ताणं साहुसावयाईणं उबसगं काउकामो तच्छि हाणि गवेसेइ । तो सया अप्पमत्ताणं सावज जोगविरयाणं साहुसाहुणीणं अंधु व न किंपि पिच्छइ दूसणं, तेसिं च केसमवि मुसमूरिउमसमत्थो हत्थेण हत्थं मलंतो दंतेहिं उढे खंडतो मुट्ठीए हिययं ताडयतो भित्तीए सीस फोडतो विहत्थो होत्था । तत्तो तप्पुट्टि छंडिऊण किरियाकलावसिढिलाणं समणोवासयाईणं छिडं लहिऊण स दुट्ठवाणमंतरो विविहे उवसग्गे कुणइ। तओ सावगा सुयसायरसुवियारा बुद्धिविआरेण तं वंतरकयमुवसगं जाणिय परुप्परं मंतयंति, जहा सिंह विणा महाकरी न वियारिज्जइ, जहा भाणु विणा तिमिरपडलं न फेडिजइ, जहा पवहणं विणा सायरो न लंपिज्जइ, जहा ओसह विणा वाही न छिदिज्जइ, तहा गुरूहि विणा एस उबद्दवो न विद्दविज्जइ त्ति । तओ एयस्स अत्यस्स संसूयगा तेसि सिरिभद्दबाहुसूरीणं पासे पेसिया विन्नत्तिया। तेहिं पि नाणबलेण वराहमिहिरवंतरस्त दुट्ठचिट्ठियं नाऊणं
