________________
| पुरवाहिरुज्जाणे समोसरिओ। तत्थागयं सूरीसरमायनिऊण राया पोरपरियरिओ वंदिउं गओ। रायाणुवित्तीए वराहमिहिरो वि। तम्मि समए रायादिसमक्खं एगेण पुरिसेण वराहमिहिरो वद्धाविओ, देव ! संपर्य चेव तुम्हघरे पुत्तो उप्पन्नो। तं मुणिय राया हरिसिओ बद्धावियनरस्स पारिओसियं दाणं दाऊण पुरोहियं वाहरेइ-साहेसु तुम एस तुज्झ पुत्तो केरिसविज्जो ? कियप्पमाणाऊ ? अम्हं च पूअणिजो होही न व त्ति ? संपइ सवन्नुपुत्तो समसत्तु मित्तो सिरिभहवाहू सूरी तहा जोइसचक्कनिरिक्खणवियक्खणो तुमं च अओ दुवे वि नाणिचूडामणिणो वियारिऊण आइसह । तो बराहमिहिरो सहावचवलमाहणजाइत्तगेण नियनाणुकरिसं च जाणावयंतो वागरेइ महाराय ! मए एयस्स जम्मकाललगगहाइयं वियारियं । एस सिम वरिससयपमाणाऊ तुम्हाणं तुहपुत्तपुत्ताणं च पूइओ अट्टारस विज्जाठाणपारगामी भविस्सइ । एयम्मि समए जिणसमए निमित्तकहणं निसिद्धपि मुणितो नरिंदाइ लोयाओ जिणमयपभावणत्यं कडओसहपाणं रोगच्छेयणकए कीरंतं सुडमुवजायइ त्ति वियारिऊण गीयत्थसिरोमणी सिरिभद्दबाहू महामुणी तस्स दारगस्स सत्त दिगंते बिडालियाओ मरणमाइसइ । तं वय
मायन्निऊण कोवेण पन्जलिरो वराहमिहिरो नरवरं पइ जंपइ-देव ! जइ एयं एयाणं वयणमन्नहा होइ, ता तुम्भेहिमेयाणं पासंडीणं कोवि पयंडो दंडो कायद्यो । एवं वाहरिऊण रोसारुणनयणो वराहमिहिरो रायसहिओ नियघरं गओ । तओ तेण झडिति गंतूण स बालो मंदिरभंतरे गुत्तठाणे ठाविओ, चउद्दिसिं च घरबाहिं उब्भडसुहडा सत्थहत्था निवेसिया, धाई पुण भोयणाइसामग्गी सहिया अभंतरे चेव निविडनिबिडं कवाडसंपुढं संघडिऊण जागरमागी बाल रक्खइ । तस्सारिद्वभवणस्त
