Dharm vidhi Prakaranam

SR No.: 600381
Original Sutra Author: N/A
Author: Udaysinhsuri, Shreeprabhsuri
Publisher: Hansvijayji Library
Publication Year: 1924
Total Pages: 320
Language: Sanskrit
Classification: Manuscript
File Size: 24 MB

Page 64

धर्मविधि ॥२६॥
दुज्झाणहिंसदाण- पमायपावोवएसचाएण । चउविहअणत्थदंडे, जयणं नियमं च गिन्हे ॥ ७९ ॥ सामाइयप्पमाण करेंइ देसावगासियं निच्चं । पव्ये पोसहगहणं, अतिहिविभागं च मुणिजोगे ॥ ८० ॥ मज्झिमखंडाचाहिं अट्ठारसपावठाणमायारं । तह च विहमाहारं, तिविहं तिविहेण वोसिरइ ॥ ८१ ॥ राय १ गण २ देव ३ बल ४ गुरु ५ - अभिओगं तह य वित्तिकंतारं । ६ इय छच्छिंडियवज्जं, सो नियमे लेइ जिणपासे ॥८२॥ अह तं जिणोऽणुसासइ, गिहिधम्मो भद्द ! एस पुन्नेहिं । चिंतामणिव्व पत्तो, न हारियव्वो तए कहवि ॥ ८३ ॥ सुहभावणरसचित्तो, गिहिधम्मो एस कप्परुवखुब्ब । सग्गापवग्गसंजम - फलओ होही तवावस्सं ॥। ८४ ।। इय अणुसट्टि पहुणो, सिद्धिपुरीपत्तलं व गहिऊण । जिणवयणभावियप्पा, गिहं गओ कामदेवगिही ।। ८५ ।। अह सो गुरुपयपउमं, सेवंतो महुयरुव्व अणवरयं । संजाओ निउणमई, तो तत्ताण विसयंमि ।। ८६ ।। लद्धत्थो सवणाओ, सुयस अवधारणाउ गहियत्थो । संकाइ पुच्छियट्ठो, कहणाओ निच्छियो य ॥ ८७ ॥ चक्कधरेण व तेण य, जीवाजीवाइपर मतदाई | लडाइँ निहाणाणि व, नवप्पमाणाइँ साराई | ८८ || संकाइरोगरहियस्स, तस्स धम्मो जिणिंदपन्नत्तो । निद्धाहाररसो. इव, सव्वंगं परिणओ देहे ॥ ८९ ॥ जिणधम्मुच्चिय तत्तं, नन्नं इय निच्छएण सो जाओ । अयलुब्व महिलाओ, अचालणिज्जो पवयणाओ || ९० || अनिवारियं सया वि हु, उदयत्थमणंतरेसु दिणमणिणो । सो सत्तागारे इव, दाणं दावे निगेहे ॥ ९१ ॥ अहमिचद्दसि पुन्निम - अमावसानामसु पच्येसु । सो करणत्तयसुद्धो, चउव्विहं पोसहं कुणइ ॥ ९२ ॥ अह आगमभणियाओ, इक्कारस सावयाणपडिमाओ । तेण समारद्धाओ, उच्चहिउँ ताउ पुण एया || ९३ || दंसण १ वय २ सामाइय ३ - पोसह ४ पडिमा ५ अबंभ ६ सच्चित्ते ७ । आरंभ ८ पेस ९ उद्दिट्ठ- वज्जए १० समणभूए य ॥ ९४ ॥ जस्संखा जा पडिमा तस्संक्खा तीइ हुंति मासा त्रि । कीरतीसु विक्रिज्जति, तासु पुव्वुत्त किरियाओ ।। ९५ ।। उवसम १
66
प्रकरणम्
॥॥ २६ ॥