________________
हतो पहुं भणइ ॥ ६१ ॥ जह एए पव्वज्जं, पडिवन्ना नाह ! तुज्झ पासंमि । तह दुक्करं करेउं, न खमो पंगुव्व वेगमहं ॥६२॥ * गिन्हिस्सामि तए पुण, उवइडे संपयं पि गिहि धर्म । सो गिन्हिज्जइ भारो, जो मुच्चइ नेव अद्धपहे ॥६३ ॥ भयवं पभणड देवा-णुप्पिय ! एवं तुमं करेसु जओ । तं वयमायरियव्वं, जत्थ न सीयंति मणकाया ।। ६४ ॥ तत्तो गिहमेहीण, समत्तमलाई बारस क्याई । सिरिवीरजिणसयासे, इय गिन्हइ कामदेवगिही ॥ ६५ ।। मह अरिहमेव देवो, अखंडचारित्तधारिणो गुरुणो । तत्तं जिणपन्नत्तं, इय गहिय तेण सम्मत्तं ॥६६॥ धम्मुत्ति लोयतित्थे, न करिस्सं न्हाणपिंडदाणाई । इच्चाई मिच्छत्तं, तप्पभिई तेण परिचत्तं ॥ ६७ ॥ नायं तह निहोस, थूलं संकप्पियं च जीवमहं । मणवयतणूहि न हणे, इयपाणिवहाउ सो विरओ ॥ ६८ ॥ कन्नागोभूमालिय-नासावहारं च कूडसक्खिज्ज । इय थूलालियपणगं, सो पच्चक्खाइ बीयवए ॥ ६९ ॥ थूलमदत्तादाण, सच्चित्ताचित्तमीसवत्थुमि । जं चोरंकारकरं, तं वज्जइ तईयवयगहणे ॥ ७० ॥ दुविहतिविहेण देविं, एगविहं तिविहओ तेरिच्छि। माणुस्सिपरदारं, विवज्जए सो चउत्थवए ॥ ७१ ॥ धणधन्नखित्तवत्थू-रुप्पसुवन्नाण कुवियदुपयाण । तह चउप्पयाण संखं, करेइ सो परिगहवयंमि ॥७२॥ सट्टाणाउ चउदिसि, थलमग्गे सागरस्स मग्गे य । हो य जोयणसंखं सो दिसिवए कुणइ ॥७३॥ भोगुवभोगवयंमी, भोयणओ कम्ममो य दुविहंपि । पढमंमि मज्जमंसं, महुमक्खणणंतकायाई
॥ ७४ ॥ पंचुंबरिनिसिभोयण-अन्नायफलं सगोरसं विदलं । वायंगणबहुबीया, इयाइँ नियमेइ जह सत्तिं 15/॥ ७५ ॥ सञ्चित्तदव्वविगई-कणनेहत्थाण वंजणजलाण । तह मेयगणियतोलिय-फलाण दुप्पोलियाणं च ॥ ७६ ॥
तंबोलतणुविलेवाईणं, भोगमि पइदिणं संखा । थीवत्थसिज्झन्हाणा-भरणाईणं च उवभोगे ॥ ७७ ॥ कम्मपओ पुण पन्नरस, कम्मादाणाई मुयइ जह सत्ति । तह गुत्तिवालतलवर-पमुहं वज्जेइ खरकम्मं ॥ ७८ ॥
