________________
धर्मविधिला
॥ ३२६ ॥ अह पज्जूसणपव्वे, पचे उववासिओ निवो जाओ। तो तस्साएसेणं, मुयारो भणइ पज्जोय ॥ ३२७ ॥ भो! प्रकरणम् ॥२१॥ नरवर ! तुज्झ कए, करेमि किं भोयणं ति सो आह । सूयार ! कीस भोयण-मापुच्छिजामि अज्ज अहं ? ॥ ३२८ ॥
सो भणइ पज्जुसणं ति, अज्ज संतेउरो वि नरनाहो । उववासिओ तओ तं, पुज्छिज्जसि भोयण भद्द ! ॥ ३२९ ॥ चिंतइ पज्जोयनिवो, किं माराधिस्सई विसं दाउं । तो पभणइ मूयारं, अहं पि उववासिओ अज्ज ॥ ३३०॥ मह - मायावित्ताई, भद! जओ सावयाइँ नवरि मए । नायं न पज्जुसवणं, ता उववासो कओ इन्हि ।। ३३१ ॥ अह सूयारो गंतुं, साहइ पज्जोयभासिय रन्नो । राया वि भणइ जाणामि, जारिसो सावओ एस ॥ ३३२ ।। किंतु इमंमि वि धरिए, पज्जुसणापव्वणो पडिक्कमणं । न वि सुज्झइ मज्झ जओ, कसायचाएण जं होई ॥ ३३३ ॥ पज्जुसणापव्वंमि वि, 2 जेहि न चत्तो कसायउल्लासो । तेसिं सचंकारो. दग्गइगमणमि संजाओ ॥ ३३४ ॥ इय उवसंतकसाओ, राया आणाविऊण पज्जोयं । मिच्छादुक्कडदाण, दाऊणं भणइ मुक्को सि ॥ ३३५ ।। तो पज्जोओ जंपइ, तुज्ज्ञ मए चेव अणुचियं विहियं । तुममेव खामणीओ, नरिंद ! ता खमसु मह सव्वं ॥ ३३६ ॥ एयं पवन्नदोसस्स, तस्स तुटो उदायणो अहियं । भालंकपिहाणत्थं, बंधेइ सुवन्नमयपढें ॥ ३३७ ॥ निवईण पट्टबंधो, जाओ लोयंमि तप्पभिइ चेव । पुव्वं तु आसि तेसिं, ईसरियपयासगो मउडो।।३३८॥ अह पज्जोयनरिंद, उदायणो ठावए अवंतीसु । सामंत काऊणं, पुवाए कित्तिथ च ॥ ३३९ ॥ विगए वासारत्ते, जाएसु पहेसु गमणजुग्गेसु । पत्तो वीयभएसो, वीयभओ वीयभयनयरं ॥ ३४० ॥ वणियाईया लोया, ववहारत्थं ठिया पुणो तत्थ । तो दसनिवरहणाओ, संजायं दसउरं नयरं ।। ३४१ ॥ इंदुव्व देवलोए, उदायणो पालए चिरं रज्ज । अह अन्नदिणे पक्खियपव्वे सो पोसहं लेइ ॥ ३४२ ।। पोसहसालामज्झे, सुत्तस्स निसाइ धम्मजागरणे । तस्स इमो परिणामो, जाओ दुकम्मनिम्महणो
CRICALCUREGESSACROCHOOSE
