________________
पञ्चक्खं कुडिलत्तं, केसेसु सहावओ घरंतीसु । नारीसु रज्जइ जणो, धिद्धी विसयाणमाहप्पं ।। ६९ ।। किं च जिणधम्मलबओ वि, जाउ लब्भंति अमररमणीओ । हासपहासा, तासि पुरओ दासिव्व नजंति ॥ ७० ॥ ता मित्त ! चसु एयं रणं व अन्नाणमरणकुरा । मा गच्छ जमनयरं, पडिओ जलणे पयंगुव्व ॥ ७१ ॥ पडिवोहिओ वि एवं, हिएसिणा नागिलेण सो कामी । काउं नियाणबंध, पडिओ पज्जलिय जलणम्मि ॥ ७२ ॥ उच्छलिरचियानलबहल - धूमनिवहेण अंतरिक्खं व । सुयणजणो से जाओ, सोएणं सामलच्छाओ ॥ ७३ ॥ इमिणा भत्ता चत्ता, पंचसई कुमइणा कलत्ताणं । ता एस नउण गम्मो, इय पाणेहि पि परिचत्तो ॥ ७४ ॥ मरिडं वंतरदेवो, हासपहासाण पिययमो जाओ । अन्नाणीण वि कट्ठेण, वंतरत्तं हवइ जम्हा ।। ७५ ।। रज्जुग्गहणे विसभक्खणे य, जलणे य जलपवेसे य । मरिऊण वंतराओ, हविज्ज जइ सोहणं चित्तं ॥ ७६ ॥ ना इमं दहुं अन्नाणविलसियं तस्स । चेयणगहिउच्च नरो, संपत्तो परमनिव्वेयं ॥ ७७ ॥ चितइ ही जडमइणो, अन्नाणा बिसयसुक्खलवलुद्धा । जलर्हि तरंति जलणं, विसंति विमुद्दा सिवसिरीए ॥ ७८ ॥ राइमई दहूणं, जं रहनेमी वि नेमिणो बंधू । पत्थेइ विसयसुक्खं, कित्तियमित्तो नरो अन्नो || ७९ || अहवा विसयासतं, एयं सोएमि कह न अप्पाणं । पिक्खइ जणो जलंत, सेले न हु पायमूलंमि ॥ ८० ॥ आजम्माओ जिणमय - कुसलो वि हु सगिहकज्जउज्जुत्तो । जं पव्वइओ नाहं, तं संपई सोइयन्वं मे ८१ ॥ इय चिंतिऊण बहुयं, नाइलसडेण गुरुसयासंमि । गहिओ संजमभारो, सच्चकारुव्व सिद्धीए ॥ ८२ ॥ अह सो तिगरणसुद्धो, गुरूवएसेण तह वयं चरइ । जह केवलिणो वि तया, धुणंति सीसं किमन्नेसिं ॥ ८३ ॥ तो कमसो कालगओ, विहिणा आराहणं विहिय एसो । इंदसमाणो देवो, अच्चुयकप्पंमि संजाओ ॥ ८४ ॥
