________________
सम्म परिक्खिऊण मए । गहिओ एसो धम्मो, ता तुमवि गिन्हसु इयाणि ॥१७२।। सचिवो जंपइ सामिय !, सावत्थीए गएण तुह कज्जे । एएसि चिय पासे, गहिओ धम्मो वियारेउं ॥१७३।। तुह पडिबोहणकज्जे, इह आहूया मए गुरू एए। हयवाहणियामिसओ, आणीओ इत्थ य तमंपि ॥ १८४ ॥ तं सोउं भणइ निवो, अमच ! तं धम्मबंधवो मज्झ । जइ वा तुममेव गुरू,गुरुदंसणकारगत्तेण ॥१७५।। अन्नं च नरयकवे, निवडतो नाणनयणहीणो हं । उद्धरिओ तुमए गुरु-हत्थालंबणपओगेण ॥१७६॥ एवं निवो अमच्च, पसंसिउं वंदिउं च गुरुपाए । अधणो धणलामेण व, हरिसियहियओ गओ ठाणं ॥१७७॥ अह तस्स गुरुसमीवे, निच्चं संदेहपुच्छणपरस्स । तह परिणमिओ धम्मो, जह तं खोभंति न सुरावि ।। १७८ ॥ तप्पडिबोहवसेणं, लोए जिणधम्मभाविए जाए । फलिए मंतिमणोरह-तरुमि विहरेइ केसिगुरू ॥ १७९ ॥ अह सो पएसिराया, करेइ जिणचेइयाइँ देसेसु । गरुयपभावणपुव्वं, रहजत्ताओ य पडिनयरं ॥ १८० ॥ सेवेइ साहुवग्गं, मन्नइ साहम्मिएसु बंधु व्व । पडिबोहिउं च लोयं, सयं पइट्ठावए धम्मे ॥ १८१ ॥ धरइ य पव्वदिणेसुं, सुद्धमणो पोसहव्वयमखंडं । धम्माणुटाणपरो, जहसत्तीए तवं तवइ ॥१८२॥ मन्नई विंस व विसए, दुजणसंग व वज्जइ अबंभं । चारित्तिणो पसंसई, चारित गहिउकामु व्व ।। १८३ ॥ इय वच्चंते काले, लं अन्नदिणे तस्स निवईणो देवी । सूरियकंता चिंतई, मयणग्गहचाइयविवेया ॥ १८४ ॥ जप्पभिई जिणधम्मो, पडिवन्नो नरवरेण तप्पभिई । आलवणं पि मए सह, बंभासत्तेण परिचत्तं ॥ १८५॥ ता एयं मारे, सूरियकंताभिहं च नियपुत्तं । रज्जे ठविऊण अहं, अन्ननरेण सह रमामि ॥१८६॥ एयाउ मरणभीओ, विसं व मं कोइ भुंजइ न अन्नो । ता जीवंतो एसो, सल्लइ सल्लं व मह हियए ॥ १८७ ॥ इय चिंतिऊण तीए, सह आहारेण तस्स नरवईणो । अइतिव्वविसं दिन्नं, पोसहउववासपारणए ॥१८८ ॥ तो तक्खणेण रन्नो, उच्छलिया वेयणा विसप्पभवा । नायं च कहवि मूरिय-कंताए विलसियं एयं ॥१८९॥ अह चिंतई नरना
090789778240
