________________
REGERCISHMISHMISH
तत्तो पहखेयसंतत्तो ॥ ११३ ॥ सीयलतरुछायाए, नवकिसलयसत्यरं विरइऊण । पल्लिई विस्सामं, करेइ नीसत्तसव्वंगो ॥११४॥ परियणपुरिसा य गया, सव्वत्तो कंदमूलफलहेउं । अह एगत्य पएसे, तेहिं अवलोयमाणेहिं ॥ ११५।। फारफल. भारभज्जिर-साहासयसंकुलो महासाही । किपागनामधेयो, दिहो अचंततुटेहिं ।। ११६ ॥ गहियाइ जहिच्छाए, तत्तो परि• पागपेसलफलाई । उवणीयाणि य सिरिवंक-चूलिणो विणयपणएहिं ॥ ११७ ॥ भणियं च तेण इहो, फलाणि एयाणि किमभिहाणाणि । दीसंतसुंदराई, न कयावि हु दिट्टपुव्वाई ॥ ११८ ॥ भणियं च तेहि सामिय !न याणिमो किंपि नाम एयाण । नवरं पागवसेणं, अणुमन्नामो रसं पवरं ॥११९॥ पल्लीवइणा वुत्तं, जइ अमयसमाई हुंति एयाई । तहवि न भुंजामि अहं, फलाई अन्नायनामाई ॥ १२० ॥ ततो तव्वेलं चिय, परियणपुरिसेहि छुडकिलंतेहिं । आसाइयाइ ताई, महुररसं । वत्रमाणेहिं ।। १२१ ॥ महुमहुरेसुं तेसु य, विसएस व परिणयंमि विरसेसु । भुज्जतेसु फलेसुं, विसवसओ चेयणा नद्या ॥ १२२ ॥ अह पमिलाणच्छिजुया, अंतु चिय मुज्झमाणनीसासा । निदाइउं पवत्ता, सुहसिज्जाए पसुत व्व ॥१२३ ॥ अह तज्जीवं वित्तुं, चोरो इव दिणयरो गो अत्थं । तग्गमणं पिव पक्खीडि, पिमुणियं पाउलरवेण ॥१२४॥ कुणमाणो जिय. लोय, कुंकुम रसरंजियं व सव्वत्तो। कयचक्कवायविहुरो, संज्झाराओ पवित्थरिओ ॥ १२५ ॥ मउलंतकमलखंडं, मुत्तुं भसला वयंति कुमएसुं । अहवा मलिणसहावा, आवइपडियं विमुचंति ॥१२६ ॥ गलगुलियासमप्पह-पडपच्छाइयतणु ब्ब पंसुलिया। अलिउलसामलबन्ना, वित्थरिया तिमिररिंछोली ॥ १२७ ॥ अह नयणामयकुंडं, रयणोरमणीविलासआयसो । धवलंतो भुवणरलं, उदिओ चंदो मयणबंधू ।। १२८ ॥ जो गयणभूमिभंडो-यरम्मि जुन्हादहीय महणेण ।
