________________
RAISEASOGHAR
तुज्झ पसायतरू, जाओ उवरि ममावि रंकस्स । कुसुमसमिद्धी रिद्धी, तस्सेसा पहु ! मए पत्ता ॥३५०॥ जं तस्स फलं तं पुण, जाणेसि तुम अहं तु मन्नेमि । एयं चेव फलं मे, जं जायं दंसगं तुम्ह ।।३५१॥ किं रको नियइ निहि, किं मरुपहिओ सरोवरं लहइ । को दुल्लहं सुराणवि, पावइ तुह दसणमउन्नो ॥ ३५२ ॥ जइ तइया मह करुणं, न करितो मुणिवरिंद! हियजणय !। तो निच्छएण अहयं, निवडतो दुहसयावते ॥३५३॥ तुह पायपसाएणं, अणन्नसरिसं इमं मए रज्ज । पत्तं ता इन्हि पि हु, जं कायव्वं तमाइसमु ॥ ३५४ ॥ तो भणिय मूरीहि, नरवर ! जइ मुणसि धम्मफलमेयं । एसा रिद्धी तातं, पुणो वि धम्मायरं कुणसु ॥३५५।। विहसियमणेण रना, भणिय पसिऊण कहह मह धम्मं । ता जइसावयभेओ, सो गुरुणा तत्थ उवइटो ॥ ३५६ ॥ अह नरवइ पन्धज्जइ, सावयधम्मं करेइ य विहीए । जिणवंदणमुणिपूयण-पभावणाईसु उज्जुत्तो ।। ३५७ ॥ कारइ जिणिदभुवणेहि, सोहियं सयलभूमिवलयमिमो । हकारि नरिंदा, केवि पयट्टाविया धम्मे ॥ ३५८ ॥ अन्ने ठाठिया वि हु, उपवूहणमित्तओ वि कारविया । जिणचेईहरनिम्मा-वणाइसद्धम्मपडिवत्तिं ॥३५९ ॥ उज्जेणोए. विहिया, महाविभूईइ तेण रहजता । सिरिअज्जमुहत्थीणं, गुरूवएसाणुसारेणं ॥ ३६० ॥ तो सव्वे सामंता, भणिया जइ. सामियं ममं मुणह । ता नियनियदेसेसुं, कारिज्जह एवमेव सया ॥ ३६१ ॥ अत्थेण मह न कज्ज, इय भणिए ते तहत्ति 3 कुरुवंति । नो मइकप्यियमेयं, निसीहमज्झे जो भणियं ॥३६२॥ जइ मं मनह सार्मि, समणाणं पणमहासुविहियाणं । दव्वेण मे न कज्ज, एवं खुपियं कुणह मज्झं ।। ३६३ ॥ वीसज्जिया य तेणं, गमणं घोसावणं सरज्जेसु । साहूण सुहविहारा, जाया पच्चंतिया देसा ।। ३६४॥ अणुजाणं अणुजाई, पुप्फारुहणाइँ उकिरणगाई। पूयं च चेइयाण, तेवि सरज्जेसु कारति
SHESA%
AAG
