________________
व्याख्याप्रज्ञप्तिः अभयदेवीया वृत्तिः ॥२७॥
३ शतके | उद्देशः१ |चमरवैक्रिय
|च्छिमे दिसीभागे णं नंदणे नामं चेतिए होत्था, वण्णओ, तेणं कालेणं २ सामी समोसड्ढे, परिसा निग्गच्छइ, | पडिगया परिसा, तेणं कालेणं तेणं समएणं समणस्स भगवओ महावीरस्स दोचे अंतेवासी अग्गिभूतीनामं अणगारे गोयमगोत्तणं सत्तुस्सेहे जाव पज्जुवासमाणे एवं वदासी-चमरे णं भंते! असुरिंदे असुरराया केमहिड्ढीए ? केमहज्जुत्तीए ? केमहाबले ? केमहायसे ? केमहासोक्ख ? केमहाणुभागे? केवइयं च णं पभू विउवित्तए ?, गोयमा! चमरे णं असुरिंदे असुरराया महिड्ढीए जाव महाणुभागे, सेणं तत्थ चोत्तीसाए भवणावाससयसहस्साणं चउसठ्ठीए सामाणियसाहस्सीणं तायत्तीसाए तायत्तीसगाण जाव विहरइ, एवंमहिड्ढीए जाव महाणुभागे, एवतियं च णं पभू विउवित्तए से जहानामए-जुवती जुवाणे हत्थेणं हत्थे गेण्हेजा, चक्कस्स वा नाभी अरगाउत्ता सिया, एवामेव गोयमा! चमरे असुरिंदे असुरराया वेउब्वियसमुग्याएणं समोहणइ १ संखेजाई जोयणाई दंड निसिरह, तंजहा-रयणाणं जाव रिहाणं, अहाबायरे पोग्गले परिसाडेइ २ अहासुहमे पोग्गले परियाएति २ दोचंपि वेउब्वियसमुग्घाएणं समोहणति २, पभू णं गोयमा! चमरे असुरिंदे असुरराया केवलकप्पं जंबुद्दीवं २ बहहिं असुरकुमारेहिं देवेहिं देवीहि य आइपणं वितिकिपणं उवत्थडं संथडं फुडं अवगाढाअवगाढं करेत्तए, अदुत्तरं च णं गोयमा ! पभू चमरे असुरिंदे असुरराया तिरियमसंखजे दीवसमुद्दे बहूहिं असुरकुमारेहिं देवेहिं देवीहि य आइण्णे वितिकिण्णे उवत्थडे संथडे फुडे अवगाढावगाढे करेत्तए, एस णं गोयमा! चमरस्स असुरिंदस्स अररपणो अयमेयारूवे विसए विसयमेत्ते वुइए, णो चेव णं संपत्तीएं विकुब्बिसु
आ०१५३
॥२७१॥
