________________
व्याख्याप्रज्ञप्तिः अभयदेवीया वृत्तिः ॥३९६॥
५ शतके उद्देशः ३ देवद्धिकस्समनसाप्रश्नः सू०१८७
सिज्झिहिंति जाव अंतं करेहिंति ?, तए णं समणे भगवं महावीरे तेहिं देवेहिं मणसा पुढे तेसिं देवाणं मणसा चेव इमं एतारूवं वांगरणं वागरेति-एवं खलु देवाणुप्पिया! मम सत्त अंतेवासीसयाई सिज्झिहिंति जाव अंतं करेहिंति, तए णं देवा समणेणं भगवया महावीरेणं मणसा पुढेणं मणसा चेव इमं एयारूवं वागरणं वागरिया समाणा हट्टतुट्ठा जाव यहियया समणं भगवं महावीरं वंदंति णमंसंति २ त्ता मणसा चेव सुस्सूसमाणा णमंसमाणा अभिमुहा जाव पज्जुवासंति । तेणं कालेणं २ समणस्स भगवओ महावीरस्स जेढे अंतेवासी इंदभूती णामं अणगारे जाव अदूरसामंते उड्ढंजाणू जाव विहरति, तए णं तस्स भगवओ गोयमस्स झाणंतरियाए वट्टमाणस्स इमेयारूवे अज्झथिए जाव समुप्पज्जित्था, एवं खलु दो देवा महिड्ढिया जाव महाणुभागा समणस्स भगवओ महावीरस्स अंतियं पाउन्भूया तं नो खलु अहं ते देवे जाणामि कयराओं कप्पाओ वा सग्गाओ वा विमाणाओ वा कस्स वा अत्थस्स अट्ठाए इहं हव्वमागया ,तं गच्छामि णं भगवं महावीरं वदामि णमंसामि जाव पज्जुवासामि इमाइं च णं एयारूवाई वागरणाई पुच्छिस्सामित्तिकटु एवं संपेहेति २ उहाए उद्वेति २ जेणेव समणे भगवं महा. जाव पज्जुवासति, गोयमादि समणे भगवं म. भगवं गोयम एवं वदासी-से गृणं तव गोयमा ! झाणंतरियाए वद्दमाणस्स इमेयारूवे अज्झथिए जाव जेणेव मम अंतिए तेणेव हब्वमागए, से शृणं गोयमा ! अत्थे समत्थे ?, हंता अत्थि, तं गच्छाहि णं गोयमा ! एए चेव देवा इमाइं एयारूवाई वागरणाई वागरेहिंति, तए थे भगवं गोयमे समणेणं भगवया महावीरेणं
