________________
॥ श्रीआचाराङ्ग प्रदीपिका ॥
/१/११॥
पिण्डाधिकार एव सप्तपिण्डैषणा अधिकृत्य सूत्रमाहअह भिक्खू जाणेज्जा सत्त पिंडेसणाओ सत्त पाणेसणाओ।
(१) तत्थ खलु इमा पढमा पिंडेसणा-असंसढे हत्थे असंसट्टे मत्ते । तहप्पगारेण असंसद्रुण हत्थेण वा मत्तएण वा असणं वा ४ सयं वा णं जाएज्जा परो वा से देज्जा, फासुयं पडिगाहेज्जा । पढमा पिंडेसणा।
(२) अहावरा दोच्चा पिंडेसणा-संसट्टे हत्थे संसट्टे मत्ते, तहेव दोच्चा पिंडेसणा।
(३) अहावरा तच्चा पिंडेसणा-इह खलु पाईणं वा ४ संतेगतिया सड्ढा भवंति गाहावती वा जाव कम्मकरी वा तेसिं च णं अण्णतरेसु विरूवरूवेसु भायणजातेसु उवणिक्खित्तपुव्वे सिया, तं जहा-थालंसि वा पिढरगंसि वा सरगंसि वा परगंसि वा वरगंसि वा । अह पुणेवं जाणेज्जा असंसट्टे हत्थे संसट्टे मत्ते, संसट्टे वा हत्थे असंसढे मत्ते । से य पडिग्गहधारी सिया पाणिपडिग्गहए वा, से पुव्वामेव आलोएज्जा - आउसो ति वा भगिणी ति वा एतेण तुमं असंसद्रुण हत्थेण संसट्टेण मत्तेण संसटेण वा हत्थेण असंसटेण मत्तेण अस्सिं पडिग्गहगंसि वा पाणिंसि वा णिहटु ओवित्तु दलयाहि । तहप्पगारं भोयणजातं सयं वा णं जाएज्जा परो वा से देज्जा, फासुर्य एसणिज्जं जाव लाभे संते पडिगाहेज्जा । तच्चा पिंडेसणा।
- (४) अहावरा चउत्था पिंडेसणा-से भिक्खू वा २ से ज्जं पुण जाणेज्जा पिहुयं वा जाव चाउलपलंबं वा, अस्सिं खलु पडिग्गहियंसि अप्पे पच्छाकम्मे अप्पे पज्जवजाते । तहप्पगारं पिहुयं वा जाव चाउलपलंबं वा सयं वा णं जाएज्जा जाव
॥ ७८॥
