________________
पुरिसो त्ति, ता सिग्धमेव गोत्तमप्पणो कहेउ । तओ जरकुमारेण कुडंगंतरहिएणं चिंतियं-न एस हरिणो, पुरिसवि-1 सेसो कोइ एसो गोत्तं च महं पुच्छइ, ता कहेमि से नियगोत्तं । तओ भणियं कुमारेण-भो! अहं हरिवंससंभवो वसुदेवस्स जराए देवीए पुत्तो पुहवीए एक्कवीरस्स हरिणो जेट्ठो भाया जरकुमारो नाम, भयवओ रिट्टनेमिजिणंदाओ सोऊण 'जणदणस्स जराकुमाराओ मञ्चु' त्ति वयणमहं बंधुवग्गं परिचएऊण वर्णवणेण परिहिंडामि, गयाइं च बारस वरिसाई ति, तं तुब्भे वि परिकहेह के तुभे ? ति । तओ कण्हेण भणियं-एहि एहि पियसहोयर ! सो हं जणदणो भाया तुह बलदेवस्स य वासुदेवो कणीयसो, तुमं च मह पाणसंरक्खणत्थमिहमागओ जाव निष्फलो एस परिस्समो जाओ, ता तुरियमागच्छ । तओ जराकुमारो जणदणं समासंकेतो समागओ। दिट्ठो तहाविहो कण्हो। | तओ सो अंसुसमुप्फुन्नलोयणो जरकुमारो हाहारवं करंतो-हा हउ त्ति, धी दुरप्पा हं, कुओ तमिह पुरिससहूल! आगओ सि ? किं दीवायणेण दहा बारवई ? नट्ठा न व त्ति जायवजणा? । तओ कण्हेण सयलं जहादिसुयं से कहियं । ततो जरकुमारो पलावे काउमारद्धो-अहो! मए पावेण कयं कण्हस्स आतित्थकरणिजं, तं कत्थ गच्छामि ?, कत्थ गओ सुगओ भविस्सामि ?, भायघाययं को मं पेच्छिउं पि सकेहिति ? जाव एस लोगो धरइ नामं च तुह केसव! ताव महं पावकारिणो गरहा सुद्द होहिति त्ति वणवासो अब्भुवगओ जाव मए निग्घिणेण विवरीयं समायरियं, कत्थ ते राइणो ? कत्थ वा ताई विलासिणिसहस्साइं? कहिं वा जणदण! ते कुमारसमूहा ?। तओ कण्हेण भणियं-भो नरिंद ! जरानंदण! कहियमेव भगवया रिट्ठनेमिसामिणा जिणिदेण-जहा संसारे सवाणं सत्ताणं नियकम्मदोसेण सुलहाई चेव बसणसहस्साई, अवि य-जं जेण किं पि विहियं, सुहं च दुक्ख च पुबजम्मम्मि । तं सो पावइ जीवो. वच्चइ दीवंतरं। जइ वि ॥१॥ जेण कयं कम्म, अन्नभवे इहभवे व सुहमसुहं । तं तेण पावियचं, निमित्तमित्तं परो होइ॥ २ ॥ ता
FOXXXXXXXXXXXX
