________________
बारस वरिसाइं । तओ लोएण चिंतियं-अहो ! निजिओ निप्पहो पडिहयतवो दीवायणो को ? त्ति । निब्भओ बारवईजणो पुणरवि कीलिउमाढत्तो। कायंबरीपाणमत्तो रइपरायणो जाओ। तओ सो अग्गिकुमाराहमो छिडु लहिऊण विणासेउमारद्धो । उप्पाया य बहुरूवा समुप्पन्ना। तओ सो अग्गिकुमारो संवत्तयवायं विउबिऊण जुयंतसरिसं कठ्ठतणपत्तसंघाए पलायंतजणवए य महारवं करिते पुरीए अभितरे पक्खिवइ । पज्जालिओ महंतो भीसणो जलणो। पुणो पुणो देवाहमो उजाणेहिंतो तरुकट्ठलयावल्लितणाईणि पक्खिवइ । घरंघराओ धूमग्गिणा भीसणेणं गंतुं न तीरए। सबपएसेसु य पुरी दीवायणखित्तपावएणमणाहा डज्झए । समंता पासाया नाणामणिरयणकणयसोहिया य फुटुंता तडत्ति विसर्गृति | महीयले । मेस-गय-वसह-तुरय-खरोट्टपसुपक्खिगणाणं च अग्गिणा डज्झमाणाणं महंतो दारुणो सहो संभूओ । जायवजणा य पिययमाबाहुसमालिंगिया डझंति । हाहारवं सुदारुणं कुणंति रोयंतीओ तयंगणाओ । तओ बलदेव-वासुदेवा द₹णं डज्झमाणिं बारवई अकंदकयरवा पिउणो घरमुवागया । सिग्धं च रोहिणिं देवई पियरं च रहं समारोवेऊण जया तुरयवसमा जुत्ता हुयासणेण परिडज्झमाणा न सकंति रहवरं समाकरिसिउं, तया सयमेवाऽऽयडिउं पयत्ता । एत्थंतरे 'हा महाराय कण्ह ! हा राम! हा पुत्त ! हा वच्छ! हा नाह ! त्ति पयत्ता सबघरेसु करुणा समुल्लावा । तओ बलदेव-कण्हेहिं तुरियतुरियं गोपुरदारं जाव नीया दो वि रहा इंदकीलेणं च संरुद्धा। तओ तमिंदकीलं पाएण बलदेवो जाव चुन्नेह ताव जलणेणं तं दुवारं जलिउमादत्तं । एत्थंतरे दीवायणेण संलत्तं-भो! मया पुत्वमेव
भणियं-जहा दो तुम्भे मोत्तूण अन्नस्स मोक्खो नत्थि' त्ति मे पइन्ना । तओ वासुदेवेण पायतलाहयं कवाडमेकं धरणीXयले निवाडियं बीयं च जालावलीपलित्तं रामेण । तओ वसुदेवेण रोहिणीए देवईए य भणिया-पुत्तया! तुब्भेहिं |
जीवमाणेहिं जायवकुलस्स पुणरवि समुन्नई भविस्सइ, ता तुरियं तुरियं निग्गच्छह त्ति । तओ मायापिउवयणेण कलुणं
