________________
लेश्यानी लक्षणद्वारम् ।
तिविहं वा नवविहं वा सत्तावीसइविहं वा एक्कासीइविहं वा वि जाव तेयालदुसयविहं वा बहु वा बहुविहं वा परिणामं परिणमइ, एवं जाव सुक्कलेसा" इति सूत्रार्थः ॥ २०॥ लक्षणमाहपंचासवप्पवत्तो, तीहिं अगुत्तो छसू अविरओ य । तिवारंभपरिणओ, खुद्दो साहस्सिओ नरो २१ निद्धंधसपरिणामो, निस्संसो अजिइंदिओ। एयजोयसमाउत्तो, कण्हलेसं तु परिणमे ॥ २२॥ ईसाअमरिसअतवो, अविज माया अहीरिया य । गेही पओसे य सढे, पमत्ते रसलोलुए ॥ २३ ॥ आरंभओ अविरओ, खुद्दो साहस्सिओ नरो । एयजोगसमाउत्तो, नीललेसं तु परिणमे ॥२४॥ वंके वंकसमायारे, नियडिल्ले अणुजुए। पलिउंचग ओवहिए, मिच्छद्दिट्ठी अणारिए ॥२५॥ उप्फालगवाई य, तेणे आवि य मच्छरी । एयजोगसमाउत्तो, काउलेसं तु परिणमे ॥ २६॥ नीयावित्ती अचवले, अमाई अकुऊहले । विणीयविणए दंते, जोगवं उवहाणवं ॥२७॥ पियधम्मे दढधम्मे, वजभीरू हिएसए । एयजोगसमाउत्तो, तेउलेसं तु परिणमे ॥२८॥ पयणुक्कोहमाणे य, मायालोभे य पयणुए। पसंतचित्ते दंतप्पा, जोगवं उवहाणवं ॥२९॥ तहा य पयगुवाई य, उवसंते जिइंदिए। एयजोयसमाउत्तो, पम्हलेसं तु परिणमे ॥ ३०॥ अदृरुद्दाणि वजित्ता, धम्मसुक्काणि साहए । पसंतचित्ते दंतप्पा, समिए गुत्ते य गुत्तिसु ॥३१॥ सरागे वीयरागे वा, उवसंते जिइंदिए । एयजोगसमाउत्तो, सुक्कलेसं तु परिणमे ॥ ३२॥ | व्याख्या-पञ्चाश्रवप्रवृत्तः 'त्रिभिः' प्रस्तावान्मनोवाक्कायैः अगुप्तः 'षट्सु' जीवनिकायेषु अविरतः, तीव्राः-उत्कटाः |स्वरूपतोऽध्यवसायतो वा आरम्भाः-सावधव्यापारास्तत्परिणतः-तस्मिन्निरतः 'क्षुद्रः' सर्वस्यैवाऽहितैषी, सहसा-अप
