________________
Halत्रिसप्तति
पदानां फलनिरूपणम् ।
OXOXOXOXOXOXOXOXOXOXOXO
साणं अपत्थणिजे भवइ ॥४७॥ अजवयाए णं भंते! जीवे किं जणेइ ? अजवयाए णं काउजुययं भावुजुययं भासुजुययं अविसंवायणं जणेइ, अविसंवायणसंपन्नयाए णं जीवे धम्मस्स आराहए भवइ ॥४८॥ मद्दवयाए णं भंते ! जीवे किं जणेइ? मद्दवयाए थे अणुस्सियत्तं जणेइ, अणुस्सियत्ते णं जीवे मिउमद्दवसंपन्ने अट्ठ मयट्ठाणाई निट्टवेइ ॥४९॥ भावसच्चेणं भंते ! जीवे किं जणेइ ? भावसच्चेणं भावविसोहिं जणेइ, भावविसोहीए वट्टमाणे अरहंतपन्नत्तस्स धम्मस्स आराहणयाए अब्भुढेइ, अरहंतपन्नत्तस्स धम्मस्स आराहणयाए अब्भुट्टित्ता परलोगधम्मस्स आराहए भवइ ॥५०॥ करणसच्चेणं भंते! जीवे किं जणइ? करणसच्चेणं करणसतिं जणेइ, करणसच्चे वहमाणे जहावाई तहाकारी भवइ ॥५१॥ जोगसच्चेणं भंते! जीवे किंजणेइ? जोगसच्चेणं जोगे विसोहेइ ॥५२॥ मणगुत्तयाए णं भंते! जीवे किं जणेइ ? मणगुत्तयाए णं एगग्गं जणेइ, एगग्गचित्तेणं मणगुत्ते संजमाराहए भवइ ॥ ५३॥ वयगुत्तयाए णं भंते ! जीवे किं जणेइ ? वयगुत्तयाए णं निविकारत्तं जणेइ, निविकारे णं जीवे वइगुत्ते जोगे अज्झप्पजोगसाहणजुत्ते यावि भवइ ॥५४॥ कायगुत्तयाए णं भंते ! जीवे किं जणेइ ? कायगुत्तयाए णं संवरं जणयइ, संवरेणं कायगुत्ते णं पुणो पावासवनिरोहं करेइ ॥५५॥ मणसमाधारणयाए णं भंते! जीवे किं जणेइ ? मणसमाधारणयाए णं एगग्गं जणेइ, एगग्गं जणइत्ता नाणपजवे जणेइ, नाणपज्जवे जणइत्ता सम्मत्तं विसोहेइ मिच्छत्तं च निजरेइ ॥५६॥ वयसमाहारणयाए णं
