________________
श्रीउत्तराध्ययनसूत्रे श्रीनेमिच
न्द्रीया सुखबोधाख्या लघुवृत्तिः ।
एकोनत्रिंशं सम्यक्त्वपराक्रमाख्यमध्ययनम्।
त्रिसप्ततिपदानां फल| निरूपणम् ।
॥३२९॥
KO-XOXOXOXOXOXOXOXOXOXOXOXO
भंते ! जीवे किं जणेइ ? वयसमाहारणयाए णं वयसाहारणं दंसणपज्जवे विसोहेइ, वइसाहारणं दसणपज्जवे विसोहित्ता सुलहबोहियत्तं च निवत्तेइ दुल्लहबोहियत्तं निजरेइ ॥५७॥ कायसमाधारणयाए णं भंते! जीवे किं जणेइ ? कायसमाधारणयाए णं चरित्तपजवे विसोहेइ, चरित्तपजवे विसोहित्ता अहक्खायचरित्तं विसोहेइ, अहक्खायचरित्तं विसोहित्ता चत्तारि केवलिकम्मंसे खवेइ, तओ पच्छा सिज्झइ बुज्झइ मुच्चइ परिनिवाइ सव्वदुक्खाणमंतं करेइ ॥५८॥ नाणसंपन्नयाए णं भंते! जीवे किं जणेइ ? नाणसंपन्नयाए णं सवभावाभिगमं जणेइ, नाणसंपन्ने णं जीवे चाउरते संसारकंतारे न विणस्सई-"जहा सूई ससुत्ता, पडिया न विणस्सई। तहा जीवे ससुत्ते, संसारे न विणस्सई ॥१॥” नाणविणयतवचरित्तजोगे संपाउणइ, ससमयपरसमयविसारए य असंघायणिज्जे भवइ ॥१९॥ दसणसंपन्नयाए णं भंते! जीवे किंजणेह? दंसणसंपन्नयाए णं भवमिच्छत्तछेयणं करेइ परं न विज्झायइ, अणुत्तरेणं नाणदंसणेणं अप्पाणं संजोएमाणे सम्म भावेमाणे विहरइ ॥६०॥चरित्तसंपन्नयाए णं भंते! जीवे किं जणेह? चरित्तसंपन्नयाए णं सेलेसी भावं जणेइ, सेलेसिं पडिवन्ने अणगारे चत्तारि कम्मंसे खवेइ, तओ पच्छा सिज्झइ बुज्झइ मुच्चइ परिनिवाइ सव्वदुक्खाणमंतं करेइ ॥६१॥ सोइंदियनिग्गहेणं भंते! जीवे किं जणेइ ? सोइंदियनिग्गहेणं मणुण्णामणुन्नेसु सद्देसु रागद्दोसनिग्गहं जणेइ, तप्पच्चइयं च णं कम्म न बंधइ, पुत्वबद्धं च निजरेइ ॥६२॥ चक्खिदियनिग्गहेणं भंते ! जीवे किं जणेह?
'OXOXOXOXOXOXOXOXOXOXOXOX
॥३२९॥
